ព័ត៌មានអន្ដរជាតិ
ប្រជាជនបារាំង ជិត ១លាននាក់ សម្រុកចុះឈ្មោះចាក់វ៉ាក់សាំង បន្ទាប់ពីប្រធានាធិបតី ប្រកាសរឹតត្បិតលើអ្នកមិនចាក់
កាលពីយប់ថ្ងៃចន្ទ មនុស្សជាង ៩០០,០០០ នាក់នៅប្រទេសបារាំង បានប្រញាប់ប្រញាល់ចុះឈ្មោះ សម្រាប់ការណាត់ជួបដើម្បីចាក់វ៉ាក់សាំង បន្ទាប់ពីប្រធានាធិបតីព្រមានថា ប្រជាជននឹងជួបប្រទះនូវការដាក់កម្រិតលើពួកគេ ប្រសិនបើពួកគេមិនមានលិខិតបញ្ជាក់សុខភាព ដែលបង្ហាញពីការវ៉ាក់សាំងឬការធ្វើតេស្តអវិជ្ជមានទេនោះ។
ស្របពេលបង្ហាញវិធានការដ៏ធំដើម្បីទប់ស្កាត់ការកើនឡើងនៃករណីឆ្លង លោក Emmanuel Macron បាននិយាយថា ការចាក់វ៉ាក់សាំង គឺមិនចាំបាច់ទេ សម្រាប់ប្រជាជនទូទៅនាពេលឥឡូវនេះ ប៉ុន្តែបានសង្កត់ធ្ងន់ថា ការរឹតបន្តឹងនឹងផ្តោតលើអ្នកដែលមិនបានចាក់វ៉ាក់សាំង។
លោកប្រធានាធិបតីនិយាយថា បុគ្គលិកសុខាភិបាលត្រូវតែចាក់វ៉ាក់សាំង នៅត្រឹមថ្ងៃទី១៥ខែកញ្ញា បើមិនដូច្នោះទេ នឹងប្រឈមផលវិបាក។
លោក Stanislas Niox-Chateau ប្រធាន Doctolib ដែលជាគេហទំព័រធំបំផុតមួយរបស់ប្រទេស ដែលប្រើសម្រាប់ការណាត់ជួបចាក់វ៉ាក់សាំង បានប្រាប់វិទ្យុ RMC ថា មានចំនួនអ្នក ស្វែងរកវ៉ាក់សាំងក្នុងកម្រិតកំណត់ត្រា បន្ទាប់ពីការប្រកាសរបស់លោកប្រធានាធិបតី។
លោក Niox-Chateau និយាយថា “មានទំនាក់ទំនង ៧.៥ លានដង នៅលើគេហទំព័រ Doctolib ក្នុងរយៈពេលត្រឹមពីរបីនាទី។ ប្រជាជនបារាំងជាង ៩០០,០០០ នាក់ បានណាត់ជួប ដើម្បីចាក់វ៉ាក់សាំងកាលពីម្សិលមិញ ដែលនេះជាចំនួនកំណត់ត្រា”។
លោក Macron បាននិយាយកាលពីថ្ងៃចន្ទថា លិខិតបញ្ជាក់សុខភាព ដែលតម្រូវឲ្យមាន ដើម្បីចូលរួមក្នុងព្រឹត្តិការណ៍ទ្រង់ទ្រាយធំ ឥឡូវនេះនឹងត្រូវបានប្រើប្រាស់យ៉ាងទូលំទូលាយ រាប់បញ្ចូលទាំងការចូលភោជនីយដ្ឋាន រោងភាពយន្តនិងរោងមហោស្រពផងដែរ។
វាក៏នឹងត្រូវតម្រូវឲ្យមាន ដើម្បីជិះរថភ្លើងនិងយន្តហោះរយៈចម្ងាយឆ្ងាយ ចាប់ពីដើមខែសីហាទៅផងដែរ៕
ប្រែសម្រួល៖ Vann Vann
ប្រភព៖ REUTERS
ចុចអាន៖ បារាំង លុបចោលការតម្រូវពាក់ម៉ាស និងបញ្ចប់បម្រាមគោចរមុនពេលកំណត់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង