ព័ត៌មានអន្ដរជាតិ
រុស្ស៊ី៖ អាមេរិកនៅតែបន្ត រំលោភសិទ្ធិមនុស្សធ្ងន់ធ្ងរ ទាំងក្នុងនិងក្រៅប្រទេស តែតាំងខ្លួនជាមេដឹកនាំពិភពលោក
ក្រសួងការបរទេសរុស្ស៊ី បានចោទប្រកាន់អាមេរិកថា បានរំលោភសិទ្ធិមនុស្សទាំងនៅក្នុងប្រទេសនិងក្រៅប្រទេស។ ក្រសួងបានកត់សម្គាល់ថា ទីក្រុងវ៉ាស៊ីនតោន មិនត្រឹមតែរើសអើងជនជាតិភាគតិចនៅអាមេរិកប៉ុណ្ណោះទេ ថែមទាំងបង្កបញ្ហានៅបរទេសផងដែរ។
ទីក្រុងមូស្គូនិយាយថា រឿងនេះគឺជាការប្រឆាំងនឹងមុខមាត់ដែលប្រកាសដោយខ្លួនឯងរបស់អាមេរិកថា ខ្លួនជាមេដឹកនាំសកលលោក ក្នុងការការពារសិទ្ធិនិងសេរីភាពនៅជុំវិញពិភពលោក។
នៅក្នុងរបាយការណ៍ដ៏វែងមួយ ដែលចេញផ្សាយកាលពីថ្ងៃព្រហស្បតិ៍សប្តាហ៍មុន ប្រទេសរុស្ស៊ីបានចោទប្រកាន់សហរដ្ឋអាមេរិកថា បានបន្តរំលោភសិទ្ធិមនុស្សយ៉ាងខ្លាំង ទាំងក្នុងនិងក្រៅប្រទេសដោយរាប់បញ្ចូលទាំងតាមរយៈវិធានការខុសច្បាប់ និងឯកតោភាគីដូចជាការដាក់ទណ្ឌកម្មផងដែរ។
របាយការណ៍នោះនិយាយថា “ឧទាហរណ៍ដែលគួរឲ្យខ្លាចបំផុតគឺ ការដាក់ទណ្ឌកម្មលើប្រទេសគុយបា ដែលនៅតែបន្ត បើទោះបីជាមានសេចក្តីសម្រេចរបស់មហាសន្និបាតអង្គការសហប្រជាជាតិក៏ដោយ”។
ការបិទផ្លូវគុយបា ដែលបាននិងកំពុងបន្តចាប់តាំងពីចុងទសវត្សរ៍ឆ្នាំ១៩៥០មក គឺជាការដាក់ទណ្ឌកម្មពាណិជ្ជកម្មយូរអង្វែងបំផុតនៅក្នុងប្រវត្តិសាស្ត្រសម័យទំនើប។
របាយការណ៍នេះ ក៏ផ្តោតលើការរំលោភសិទ្ធិមនុស្សនៅអាមេរិកផងដែរ ដោយកត់សម្គាល់ថា ជំងឺរាតត្បាតកូវីដ-១៩ បានបង្កើនភាពតានតឹងផ្ទៃក្នុង នៅអាមេរិក។ របាយការណ៍បានចង្អុលទៅលើការរើសអើងជាតិសាសន៍នៅអាមេរិក និងចោទប្រកាន់ប្រទេសនេះថាបានធ្វើបាបប្រជាជនអាមេរិកដើមកំណើតអាហ្វ្រិក ឡាទីន និងអាស៊ី យ៉ាងធ្ងន់ធ្ងរ។
លើសពីនេះ សហរដ្ឋអាមេរិកកំពុងជួបប្រទះនូវការកើនឡើងការប្រឆាំងនឹងពួកឥស្លាម ជ្វីហ្វ និងប្រភេទនៃការស្អប់ខ្ពើមជនបរទេសដទៃទៀត។
របាយការណ៍បន្តថា “ការបំប៉ោងស្ថានការណ៍ គឺជាការពិតដែលថា នៅក្នុងវិបត្តិនយោបាយនេះ សិទ្ធិរបស់ពលរដ្ឋក្នុងការទទួលបានព័ត៌មាន កំពុងត្រូវបានរំលោភបំពានដោយសាជីវកម្មឯកជនធំ ៗ ដែលកំពុងប្រតិបត្តិការនៅសហរដ្ឋអាមេរិក។ ពួកគេទាំងនោះ បដិសេធធ្វើប្រតិបត្តិការរបស់ពួកគេជាមួយបទដ្ឋានច្បាប់របស់អាមេរិក”។
ក្រសួងការបរទេស មិនត្រឹមតែវាយតម្លៃស្ថានភាពនៅសហរដ្ឋអាមេរិកប៉ុណ្ណោះទេ ថែមទាំងបានផ្តល់យោបល់លើបញ្ហាសិទ្ធិមនុស្សនៅតាមបណ្តាប្រទេសជាច្រើនជុំវិញពិភពលោក រួមទាំងចក្រភពអង់គ្លេស បារាំងនិងអាល្លឺម៉ង់ផងដែរ។ ក្រសួងក៏បានស្តីបន្ទោសអ៊ុយក្រែនផងដែរ ដោយចោទប្រកាន់ក្រុងគៀវពីការមិនបង្ហាញ សញ្ញានៃការធ្វើឲ្យប្រសើរឡើងនូវស្ថានភាពសិទ្ធិមនុស្សដ៏ធ្ងន់ធ្ងររបស់ខ្លួន៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ឃុំខ្លួនមន្ត្រីកុងស៊ុល អេស្តូនី ពីបទ ចារកម្ម
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)