ព័ត៌មានអន្ដរជាតិ
ប្រជាជនជិតពាក់កណ្ដាលទីក្រុងនេះប្រហែលឆ្លងកូវីដ ច្រើនជាងចំនួនផ្លូវការ ១២ ដង
យោងតាមការស្រាវជ្រាវសុខភាពមួយបានបង្ហាញថា ប្រជាជនជិតពាក់កណ្តាលនៅទីក្រុងហ្សាការតាប្រហែលជាឆ្លងកូវីដ-១៩ ដែលច្រើនជាង១២ដងនៃតួលេខឆ្លងផ្លូវការរបស់ទីក្រុងឥណ្ឌូណេស៊ីមួយនេះនៅពេលការស្រាវជ្រាវត្រូវបានធ្វើឡើយ។
ការស្រាវជ្រាវដែលបានចេញផ្សាយនៅថ្ងៃទី១០ ខែកក្កដា បានធ្វើតេស្តរកអង់ទីគ័រដែលមានផ្ទុកកូវីដនៅក្នុងឈាមមនុស្សប្រមាណ៥០០០នាក់ទូទាំងទីក្រុងចាប់ពីថ្ងៃទី១៥ដល់៣១ ខែមីនា។ លទ្ធផលបង្ហាញថា ៤៤.៥%នៃអ្នកដែលធ្វើតេស្តទាំងអស់នោះមានអង់ទីគ័រដែលបង្ហាញថា ពួកគេបានឆ្លងកូវីដ-១៩។
របាយការណ៍ត្រូវធ្វើឡើងដោយមានកិច្ចសហប្រតិបត្តិការរវាងការិយាល័យសុខាភិបាលហ្សាការតា សាកលវិទ្យាល័យសុខាភិបាលសាធារណៈឥណ្ឌូណេស៊ី វិទ្យាស្ថានជីវម៉ូលេគុល Eijkman និងបុគ្គលិកមកមជ្ឈមណ្ឌលគ្រប់គ្រង និងបង្ការជំងឺឆ្លងសហរដ្ឋអាមេរិក (CDC)ដែលស្ថិតនៅប្រទេសឥណ្ឌូណេស៊ី។
តួលេខរបស់រដ្ឋាភិបាលបង្ហាញថា ទីក្រុងហ្សាការតាមានប្រជាជនប្រមាណ១០.៦លាននាក់។ យោងតាមអ្នកស្រាវជ្រាវថា ប្រជាជនប្រហែលជា៤.៧លាននាក់ក្នុងទីក្រុងនេះប្រហែលជាឆ្លងកូវីដ-១៩គិតត្រឹមថ្ងៃទី៣១ ខែមីនា។
លោក Widyastuti ប្រធានការិយាល័យសុខាភិបាលហ្សាការតា មានប្រសាសន៍ក្នុងសន្និសីទកាសែតកាលពីថ្ងៃទី១០ ខែកក្កដាថា ៖«ឆ្លងកាត់ការស្រាវជ្រាវនេះ យើងអាចប៉ាន់ស្មានពីចំនួននៃប្រជាជនក្នុងទីក្រុងហ្សាការតាដែលបានឆ្លងកូវីដ-១៩ មិនថាបានធ្វើតេស្តរហ័ស PCR ឬក៏អត់ទេ»។
យោងតាមទិន្នន័យក្រសួងសុខាភិបាលឥណ្ឌូណេស៊ីបង្ហាញថា ទីក្រុងហ្សាការតាមានករណីឆ្លងកូវីដ-១៩ជាង ៣៨២ ០០០នាក់ចាប់ពីថ្ងៃទី៣១ ខែមីនា ដែលជាពេលការស្រាវជ្រាវត្រូវបានបញ្ចប់។ គិតត្រឹមថ្ងៃអង្គារ៍កន្លងទៅ ទីក្រុងនេះមានចំនួនឆ្លងឡើងដល់ ៦៨៩ ២៤៣នាក់។
ការផ្ទុះខ្លាំងនៅទីក្រុងនេះបានកើតមានឡើង ស្របពេលឥណ្ឌូណេស៊ីដែលមានប្រជាជនច្រើនបំផុតលំដាប់ទី៤ក្នុងពិភពលោកកំពុងប្រឈមនឹងការរាតត្បាតឆ្លងយ៉ាងខ្លាំង។ ទូទាំងប្រទេស មនុស្សរាប់ពាន់នាក់បានឆ្លង និងស្លាប់ចាប់ពី១០០០នាក់ឡើងជារៀងរាល់ថ្ងៃដែលបានក្លាយជាប្រទេសអាស៊ីមួយធ្ងន់ធ្ងរបំផុត៕
ប្រែសម្រួល៖ វីរបុត្រ
ប្រភព៖ BBC
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ