ព័ត៌មានអន្ដរជាតិ
មេ UN ៖ ពិភពលោកត្រូវការវ៉ាក់សាំង ១១ ពាន់លានដូស ដើម្បីបញ្ចប់កូវីដ
អគ្គលេខាធិការអង្គការសហប្រជាជាតិ (UN) លោក Antonio Guterres បាននិយាយកាលពីថ្ងៃអង្គារថា យើងត្រូវការវ៉ាក់សាំងចំនួន ១១ ពាន់លានដូស ដើម្បីចាក់ឲ្យបាន ៧០ ភាគរយនៃប្រជាជនលើពិភពលោក ដើម្បីបញ្ចប់រាតត្បាតកូវីដ ១៩ ។
មន្ត្រីជាន់ខ្ពស់ UN រូបនេះបាននិយាយថា “មនុស្សគ្រប់រូបនៅគ្រប់ទីកន្លែង ត្រូវតែមានសិទ្ធិទទួលបានវ៉ាក់សាំងការពារជំងឺកូវីដ ១៩ ការធ្វើតេស្ត ការព្យាបាល និងការគាំទ្រផ្សេងទៀតជាដើម ខណៈការអភិវឌ្ឍ និងការចាក់វ៉ាក់សាំង តាមរយៈយន្តការ ACT-Accelerator និងគម្រោង COVAX កំពុងផ្តល់ក្តីសង្ឃឹម” ។
លោក Guterres បានសង្កត់ធ្ងន់ថា “ពិភពលោកត្រូវការផែនការចាក់វ៉ាក់សាំងសកល ដូចជា បង្កើនការផលិតវ៉ាក់សាំងទ្វេដង ធានានូវការចែកចាយប្រកបដោយសមធម៌តាមរយៈគម្រោង COVAX សម្របសម្រួលការអនុវត្ត និងហិរញ្ញប្បទាន ក៏ដូចជា គាំទ្រកម្មវិធីចាក់ថ្នាំបង្ការជាតិ ជាដើម” ។
លោកបាននិយាយថា “ដើម្បីសម្រេចផែនការនេះ ខ្ញុំបានអំពាវនាវឲ្យក្រុមការងារពិសេស ប្រមូលផ្តុំប្រទេសដែលអាចផលិតវ៉ាក់សាំង និងអ្នកពាក់ព័ន្ធសំខាន់ៗដទៃទៀតទាំងអស់ រួមជាមួយ WHO យន្តការ ACT-Accelerator និងស្ថាប័នហិរញ្ញវត្ថុអន្តរជាតិ” ។
ជាចុងក្រោយលោក Guterres បានបញ្ជាក់ថា “ឥឡូវនេះ វាចាំបាច់ណាស់ក្នុងការផ្តល់ហិរញ្ញប្បទានពេញលេញដល់យន្តការ ACT-Accelerator និងគាំទ្រផែនទីបង្ហាញផ្លូវវិនិយោគ ៥០ ពាន់លានដុល្លារ ដល់មូលនិធិរូបិយវត្ថុអន្តរជាតិ ធនាគារពិភពលោក អង្គការសុខភាពពិភពលោក (WHO) និងអង្គការពាណិជ្ជកម្មពិភពលោក (WTO) ដើម្បីបញ្ចប់ជំងឺរាតត្បាតកូវីដ ១៩ និងធានាបាននូវការស្ដារពិភពលោកឡើងវិញ” ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ WHO ៖ អ្នកស្លាប់ដោយកូវីដនៅលើលោកកើនឡើងជាថ្មីម្តងទៀត ក្រោយធ្លាក់ចុះ ១០ សប្ដាហ៍
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៦ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ