Connect with us

ព័ត៌មានអន្ដរជាតិ

ក្រុមគ្រូពេទ្យអង់គ្លេស ព្រមានអំពី “ផលវិបាកដែលអាចបង្កអន្តរាយ” បើបន្ធូរបន្ថយ វិធានការរឹតត្បិត កូវីដ

បានផុស

នៅ

ក្រុមវេជ្ជបណ្ឌិត បានរិះគន់ការសម្រេចចិត្តរបស់លោក Boris Johnson ដែលអនុញ្ញាតឲ្យបន្ធូរបន្ថយ វិធានការរឹតត្បិតវីរុសកូវីដ-១៩ ហើយហៅថា “ជាការមិនទទួលខុសត្រូវ”។

នាយករដ្ឋមន្ត្រីអង់គ្លេសលោក Boris Johnson

សមាគមន៍វេជ្ជសាស្រ្តអង់គ្លេស (BMA) បានព្រមានអំពី “ផលវិបាកដែលអាចបង្កអន្តរាយ” បន្ទាប់ពីលោកនាយករដ្ឋមន្រ្តីបានបញ្ជាក់កាលពីថ្ងៃចន្ទទី១២ ខែកក្កដាថា ការរឹតត្បិតជាកាតព្វកិច្ចភាគច្រើន នឹងត្រូវបញ្ចប់នៅថ្ងៃទី១៩ខែកក្កដា បើទោះបីជាការឆ្លងវីរុសកូវីដ-១៩ នៅតែបន្តកើនឡើងក៏ដោយ។

នៅក្នុងសន្និសីទសារព័ត៌មានរបស់វិមាន Downing Street កាលពីថ្ងៃចន្ទ លោក Johnson បានទទួលស្គាល់ថា ជំងឺរាតត្បាតមិនទាន់ចប់ទេ ហើយបានអំពាវនាវដល់ប្រជាជន ឲ្យបន្តការប្រុងប្រយ័ត្ន។

ជាមួយគ្នានេះដែរ លោកបាននិយាយថា ការពន្យារពេលបន្ធូរបន្ថយការរឹតបន្តឹង ដល់រដូវស្លឹកឈើជ្រុះ នឹងបង្កហានិភ័យនៅពេលសាលារៀន បើកវិស្សមកាល ហើយប្រជាជនត្រូវចំណាយពេលនៅក្នុងផ្ទះបន្ថែមទៀត នៅពេលអាកាសធាតុត្រជាក់។

ទោះបីជាយ៉ាងណាក៏ដោយ លោកវេជ្ជបណ្ឌិត Chaand Nagpaul ប្រធានក្រុមប្រឹក្សា BMA បាននិយាយថា ការលុបចោលការរឹតត្បិត ខណៈពេលចំនួនប្រជាជនដ៏សំខាន់នៅតែមិនទាន់បានចាក់វ៉ាក់សាំងពេញលេញនោះ នឹងអនុញ្ញាតឲ្យវីរុសគ្របដណ្តប់កាន់តែខ្លាំង ជំរុញឲ្យការឆ្លងនិងការចូលព្យាបាលនៅមន្ទីរពេទ្យហក់ឡើងខ្ពស់ ហើយធ្វើឲ្យជីវិតកាន់តែមានគ្រោះថ្នាក់។

លោកវេជ្ជបណ្ឌិត Chaand Nagpaul ប្រធានក្រុមប្រឹក្សាសមាគមន៍វេជ្ជសាស្រ្តអង់គ្លេស

លោកលើកឡើងថា “វាជាការមិនទទួលខុសត្រូវ ហើយបើនិយាយដោយត្រង់ទៅគឺថា រដ្ឋាភិបាលបានសម្រេចចិត្តអនុញ្ញាតជាមួយផែនការ ដកការរឹតបន្តឹងកូវីដនៅថ្ងៃទី ១៩ ខែកក្កដា” ។

BMA បានព្រមានម្តងហើយម្តងទៀត អំពីអត្រាឆ្លងកើនឡើងយ៉ាងឆាប់រហ័ស និងផលប៉ះពាល់ដល់មន្ទីរពេទ្យ ហើយនាំឲ្យបុគ្គលិក NHS ដួលរលំ។

លោកនាយករដ្ឋមន្រ្តី បានសង្កត់ធ្ងន់ម្តងហើយម្តងទៀតពីសារសំខាន់នៃវិធីសាស្រ្តប្រុងប្រយ័ត្ន ប៉ុន្តែតាមពិត រដ្ឋាភិបាលកំពុងបោះចោលរឿងនេះទៅតាមខ្យល់ ដោយលុបចោលបទបញ្ញត្តិទាំងអស់ក្នុងពេលតែមួយ ជាមួយផលវិបាកធ្ងន់ធ្ងរ។

Politically-driven access targets could set general practice back 20 years,  warns RCGP chair | GPonline
សាស្រ្តាចារ្យ Helen Stokes-Lampard ប្រធានបណ្ឌិត្យសភានៃមហាវិទ្យាល័យវេជ្ជសាស្ត្រ

ស្របពេលជាមួយគ្នានោះដែរ សាស្រ្តាចារ្យ Helen Stokes-Lampard ប្រធានបណ្ឌិត្យសភានៃមហាវិទ្យាល័យវេជ្ជសាស្ត្រ បាននិយាយថា ជាធម្មតា ស្ថាប័ននេះ មិនមានការចូលរួមដោយផ្ទាល់នៅក្នុងការជជែកដេញដោលជាសាធារណៈទេ ប៉ុន្តែយើងមានអារម្មណ៍ថា វាចាំបាច់ត្រូវតែនិយាយថា ការប្រុងប្រយ័ត្នគឺចាំបាច់ណាស់ទាក់ទងនឹងថ្ងៃទី ១៩ ខែកក្កដា។

លោកស្រីបានប្រាប់កម្មវិធី Good Morning Britain របស់ ITV ថា “យើងត្រូវការឲ្យអ្នករាល់គ្នាគិតឲ្យបានល្អិតល្អន់ និងមានទំនួលខុសត្រូវចំពោះអ្វីដែលពួកគេធ្វើដោយផ្ទាល់។ ការផ្លាស់ប្តូរច្បាប់ មិនមែនមានន័យថា អ្វីដែលយើងធ្វើក្នុងនាមជាបុគ្គលម្នាក់ៗត្រូវតែផ្លាស់ប្តូរនោះទេ”៕

ប្រែសម្រួល៖ Vann Vann

ប្រភព៖ Mirror

ចុចអាន៖ ប្រទេសមួយទៀត ផ្លាស់ប្តូរយុទ្ធសាស្រ្ត ឲ្យប្រជាជនរៀនរស់ជាមួយ កូវីដ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

បច្ចេកវិទ្យា១ ម៉ោង មុន

អ្នកជំនាញនិយាយថា “យុគមាសរបស់ Apple នៅក្នុងប្រទេសចិនបានបញ្ចប់ហើយ”

សេចក្ដីជូនដំណឹង២ ម៉ោង មុន

ការលក់សំបុត្រថ្ងៃសុក្ររបស់ក្រុមហ៊ុន Vietjet មានតម្លៃកាន់តែទាបសម្រាប់ការធ្វើដំណើរទៅប្រទេសវៀតណាម និងគោលដៅធ្វើដំណើរផ្សេងៗទៀតពេញមួយឆ្នាំ

សេចក្ដីជូនដំណឹង៣ ម៉ោង មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

ព័ត៌មានអន្ដរជាតិ៣ ម៉ោង មុន

វៀតណាម ជំរុញឲ្យប្រើវេជ្ជបញ្ជាអេឡិចត្រូនិកលក្ខណៈប្រព័ន្ធ ងាយស្រួលគ្រប់គ្រងថ្នាំមានប្រសិទ្ធភាព

Sokha Hotels

ព័ត៌មានពេញនិយម