ព័ត៌មានអន្ដរជាតិ
ស្ងាត់ៗ កូរ៉េខាងជើង បង្កើនការផលិតឱសថបុរាណមានប្រសិទ្ធភាពខ្លាំងលើ “ជំងឺផ្លូវដង្ហើម”
ប្រព័ន្ធផ្សព្វផ្សាយរដ្ឋបាននិយាយថា ប្រទេសកូរ៉េខាងជើង គ្រោងនឹងបង្កើនការផលិតឱសថបុរាណ Kumdang-2 របស់ខ្លួនបន្ថែមទៀត ។
កាសែតរបស់គណបក្សពលករកូរ៉េ Rodong Sinmun បានរាយការណ៍កាលពីថ្ងៃអង្គារថា ការផលិតឱសថបុរាណរបស់កូរ៉េខាងជើង គឺជាភារកិច្ចដ៏សំខាន់បំផុតសម្រាប់រដ្ឋនេះ ដើម្បីធ្វើឲ្យប្រជាជនយល់ដឹងអំពីឧត្តមភាពនៃប្រព័ន្ធសង្គមនិយម ។
កាសែតនេះក៏បាននិយាយផងដែរថា នៅក្នុងកិច្ចប្រជុំពេញអង្គលើកទី ៣ នៃគណៈកម្មាធិការកណ្តាលទី ៨ របស់បក្សកាលពីខែមិថុនា លោក គីម ជុងអ៊ុន បានសម្រេចចិត្តឲ្យផលិតឱសថ Kumdang-2 ដែលមានប្រសិទ្ធិភាពខ្ពស់ នៅមូលដ្ឋានផលិតជាច្រើនកន្លែងផ្សេងគ្នា ។
កន្លងមកប្រទេសកូរ៉េខាងជើង ក៏បានប្រកាសពីប្រសិទ្ធភាពនៃឱសថ Kumdang-2 ផងដែរ ខណៈកាលពីខែកុម្ភៈ កាសែត Rodong បាននិយាយថា ឱសថបុរាណនេះ អាចត្រូវបានប្រើដើម្បីព្យាបាល “ជំងឺផ្លូវដង្ហើម” ដែលកើតឡើងក្នុងរដូវរងារ ដ៏មានប្រសិទ្ធភាពផងដែរ ។
នៅឆ្នាំ ២០១៥ ក្នុងអំឡុងពេលការរីករាលដាលនៃជំងឺ MERS របស់កូរ៉េខាងត្បូង ប្រទេសកូរ៉េខាងជើងបានអះអាងថា ឱសថបុរាណ Kumdang-2 របស់ខ្លួនអាចការពារជំងឺ MERS ជំងឺ SARS ជំងឺអេដស៍ និងជំងឺរលាកសួត ។
ទីក្រុងព្យុងយ៉ាងបានចាប់ផ្តើមលើកកម្ពស់ឱសថ Kumdang-2 ជាថ្នាំព្យាបាលរោគគ្រប់មុខនៅឆ្នាំ ២០០៣ នៅពេលដែលជំងឺរាតត្បាត SARS ត្រូវបានគេរាយការណ៍នៅហុងកុង និងចិន ។ ក្រោយមក ឱសថនេះបានលេចចេញម្តងទៀត ជាថ្នាំសម្រាប់បន្សាបជាតិពុលនៅឆ្នាំ ២០០៦ និង ២០១៣ នៅពេលដែលករណីជំងឺផ្តាសាយបក្សី បានគំរាមកំហែងដល់ប្រជាជនលើពិភពលោក ។
គួរបញ្ជាក់ដែរថា ឱសថនេះត្រូវបានរកឃើញចាប់តាំងពីឆ្នាំ ១៩៨៩ ហើយត្រូវបានប្រើប្រាស់យ៉ាងមានប្រសិទ្ធភាព ចំពោះជំងឺដែលធ្វើឲ្យរាងកាយចុះខ្សោយរាប់លានមុខ ៕
ប្រែសម្រួលដោយ ៖ ជីវ័ន្ត
ប្រភព ៖ UPI
ចុចអាន ៖ ចារកម្មកូរ៉េខាងត្បូងបញ្ជាក់សុខភាពលោក គីម ជុងអ៊ុន ក្រោយស្រកទម្ងន់អស់ ២០ គីឡូក្រាម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?