ព័ត៌មានអន្ដរជាតិ
WHO ព្រមានពីភាពវឹកវរ បើបុគ្គលម្នាក់ៗចាក់វ៉ាក់សាំងលាយចម្រុះ
ប្រធានផ្នែកវិទ្យាសាស្ត្ររបស់អង្គការសុខភាពពិភពលោក (WHO) បានផ្តល់ដំបូន្មានដល់បុគ្គលម្នាក់ៗឲ្យប្រឆាំងនឹងការចាក់វ៉ាក់សាំងលាយចម្រុះដែលផលិតដោយក្រុមហ៊ុនផ្សេងគ្នាដោយលើកឡើងថា ការសម្រេចចិត្តបែបនេះគួរតែទុកឲ្យអាជ្ញាធរសុខភាពសាធារណៈវិញ។
លោកស្រី Soumya Swaminathan បានប្រាប់សន្និសីទកាសែតតាមអនឡាញកាលពីថ្ងៃចន្ទ បន្ទាប់ពីមានសំនួរមួយអំពីការចាក់វ៉ាក់សាំងបន្ថែមថា ៖«វាជានិន្នាការគ្រោះថ្នាក់បន្តិចនៅទីនេះ។ វានឹងក្លាយជាស្ថានភាពវឹកវរនៅក្នុងបណ្តាប្រទេសនានា ប្រសិនបើប្រជាពលរដ្ឋចាប់ផ្តើមសម្រេចចិត្ត នៅពេលណា ហើយនរណានឹងចាក់ដូសទី២ ដូសទី៣ និងដូសទី៤»។
លោកស្រី Swaminathan បានហៅការចាក់វ៉ាក់សាំងលាយចម្រុះថាជា«តំបន់គ្មានទិន្នន័យ» ប៉ុន្តែក្រោយមកលោកស្រីបានបញ្ជាក់បន្ថែមលើអ្វីដែលលោកស្រីបាននិយាយនៅតាមបណ្តាញសង្គមទាំងយប់។
លោកស្រីបានសរសេរនៅលើបណ្តាញសង្គមថា ៖«បុគ្គលម្នាក់ៗមិនត្រូវសម្រេចចិត្តដោយខ្លួនឯងទេ ទីភ្នាក់ងារសារធាណៈអាចធ្វើបាន ដោយផ្អែកលើទិន្នន័យដែលមាន។ ទិន្នន័យពីការសិក្សាចាក់លាយចម្រុះ និងត្រូវគ្នារបស់វ៉ាក់សាំងខុសគ្នាកំពុងរង់ចាំ គឺប្រព័ន្ធភាពស៊ាំការពារ និងសុវត្ថិភាពត្រូវការវាយតម្លៃ»។
ការសិក្សាមួយចំនួនបានបង្ហាញពីលទ្ធផលវិជ្ជមានពីការចាក់វ៉ាក់សាំងលាយចម្រុះគ្នា ប៉ុន្តែភាពស៊ាំនិងសុវត្ថិភាពទាំងនោះមិនទាន់ត្រូវបានត្រួតពិនិត្យផ្លូវការនៅឡើយ ហើយត្រូវការសិក្សាបន្ថែមទៀត។
ការចាក់វ៉ាក់សាំងលាយចម្រុះត្រូវបានមើលឃើញជាជម្រើសមួយនៅក្នុងប្រទេសមួយចំនួនដែលការផ្គត់ផ្គង់វ៉ាក់សាំងកំពុងខ្វះខាត។ ប៉ុន្តែ WHO ព្រួយបារម្ភពីស្ថានភាពដែលបុគ្គលម្នាក់ៗសម្រេចចិត្តខ្លួនឯងដើម្បីទទួលវ៉ាក់សាំង និងថាតើមានលក្ខណៈបែបណាដែលគ្មានសេចក្តីណែនាំពីអាជ្ញាធរសុខាភិបាល។
ក្រុមអ្នកជំនាញប្រឹក្សាយុទ្ធសាស្ត្រស្តីពីវ៉ាក់សាំងរបស់ WHO បាននិយាយកាលពីខែមិថុនាថា វ៉ាក់សាំង Pfizer គួរត្រូវបានប្រើជាដូសទី២ បន្ទាប់ពីចាក់វ៉ាក់សាំង AstraZeneca ដូសទី១ ប្រសិនបើក្រោយមកវ៉ាក់សាំង AstraZeneca មិនមាន។
រហូតដល់ពេលនេះមានប្រទសជាច្រើនដូចជា កាណាដា អេស្ប៉ាញ និងកូរ៉េខាងត្បូងជាដើមបានអនុម័តរួចហើយឲ្យប្រើវ៉ាក់សាំងលាយចម្រុះគ្នាដោយសារព្រួយបារម្ភពីករណីឈាមកកដ៏កម្រពាក់ព័ន្ធនឹងវ៉ាក់សាំង AstraZeneca។
យោងតាមលទ្ធផលបឋមបង្ហាញថា ការសិក្សាមួយរបស់អេស្ប៉ាញរកឃើញថា ការចាក់លាយចម្រុះវ៉ាក់សាំង Pfizer និងAstraZeneca មានប្រសិទ្ធភាព និងសុវត្ថិភាពខ្ពស់៕
ប្រែសម្រួល៖ វីរបុត្រ
ប្រភព៖ theguardian
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង