ព័ត៌មានអន្ដរជាតិ
តាលីបង់សុខចិត្ត«ឈប់បាញ់គ្នា»៣ខែ បើដោះលែងសកម្មប្រយុទ្ធរបស់ខ្លួន៧ពាន់នាក់
ក្រុមតាលីបង់បានស្នើបទឈប់បាញ់គ្នារយៈពេល៣ខែនៅក្នុងប្រទេសអាហ្វហ្គានីស្ថាន ជាថ្នូរដោះលែងសកម្មប្រយុទ្ធរបស់ខ្លួនដែលជាប់ឃុំចំនួន៧០០០នាក់។ មន្ត្រីរដ្ឋាភិបាលបាននិយាយ។
លោក Nader Nadery អ្នកចរចាររដ្ឋាភិបាលអាហ្វហ្គានីស្ថានម្នាក់បានចាត់ទុកសំណើរនេះថាជាការទាមទារដ៏ធំ។ ប៉ុន្តែរហូតដល់ពេលនេះ រដ្ឋាភិបាលអាហ្វហ្គានីស្ថានមិនទាន់មានប្រតិកម្មអ្វីទៅនឹងសំណើរនោះទេ។
ការប៉ះទង្គិចគ្នារវាងរដ្ឋាភិបាល និងពួកតាលីបង់បានកើតមានកាន់តែខ្លាំងឡើង ចាប់តាំងពីកម្លាំងទ័ពសហរដ្ឋអាមេរិកចាប់ផ្តើមដកចេញពីប្រទេសនេះ។
ថ្មីៗនេះ តាលីបង់បានអះអាងពីក្រុមសកម្មប្រយុទ្ធរបស់ខ្លួនបានដណ្តើមកាន់កាប់ទឹកដីអាហ្វហ្គានីស្ថានប្រមាណ៨៥%ហើយ ប៉ុន្តែតួលេខមិនអាចផ្ទៀងផ្ទាត់ឯករាជ្យបានឡើយ ហើយមានការជំទាស់ពីរដ្ឋាភិបាល។ ការប៉ាន់ស្មានផ្សេងទៀតថា តាលីបង់បានគ្រប់គ្រងមួយភាគបីលើស្រុក៤០០របស់អាហ្វហ្គានីស្ថាន។
លោក Nadery បាននិយាយថា មិនត្រឹមតែប៉ុណ្ណោះ មេដឹកនាំតាលីបង់ក៏បានស្នើឲ្យលុបឈ្មោះរបស់ពួកគេចេញពីបញ្ជីខ្មៅរបស់អង្គការសហប្រជាជាតិថែមទៀត។
កាលពីឆ្នាំមុន អ្នកទោសតាលីបង់ចំនួន៥០០០នាក់ត្រូវបានដោះលែង ហើយពួកគេជាច្រើនត្រូវបានគេជឿថា វិលត្រឡប់ទៅកាន់សមរភូមិប្រយុទ្ធវិញដែលហិង្សាកាន់តែធ្ងន់ធ្ងរក្នុងប្រទេស។
កាលពីថ្ងៃព្រហស្បតិ៍ កម្លាំងអាហ្វហ្គានីស្ថាននិយាយថា ពួកគេបានដណ្តើមកាន់កាប់វិញព្រំមួយជាមួយប្រទេសប៉ាគីស្ថានពីក្រុមតាលីបង់វិញហើយ។ ប៉ុន្តែក្រុមបះបោរបានបដិសេធថា មិនបានបាត់បង់ប៉ូល្តិ៍ព្រំដែននោះ៕
អានអត្ថបទពាក់ព័ន្ធ សូមចុចខាងក្រោម៖
តាលីបង់កាន់តែរឹងមាំនៅអាហ្វហ្គានីស្ថាន ខណៈអាមេរិកដកទ័ពមិនទាន់អស់ផង
មេបញ្ជាការជាន់ខ្ពស់អាមេរិកប្រចាំអាហ្វហ្គានីស្ថានលាលែងពីតំណែងម្សិលមិញ
ប្រធានាធិបតីអាមេរិក បៃដិន ថា អាហ្វហ្គានីស្ថានត្រូវសម្រេចអនាគតខ្លួនឯង
ប្រែសម្រួល៖ វីរបុត្រ
ប្រភព៖ BBC
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ