ព័ត៌មានអន្ដរជាតិ
សេវាបុណ្យសពមីយ៉ាន់ម៉ាទ្រាំទ្រលែងបាន សពកូវីដច្រើនពេក
សាកសពរាប់រយនាក់កំពុងត្រូវបានដឹកជញ្ជូនទៅកន្លែងធ្វើបុណ្យជារៀងរាល់ថ្ងៃនៅប្រទេសមីយ៉ាន់ម៉ាដែលគ្រប់គ្រងដោយយោធា ដោយសាររលកកូវីដ-១៩បានវាយលុកខ្លាំង។ នេះជាការឲ្យដឹងពីសេវាដឹកសព និងរៀបចំពិធីបុណ្យបាននិយាយ។
ប្រមូលពីផ្នែកផ្សេងៗទូទាំងប្រទេស តួលេខស្លាប់ប្រចាំថ្ងៃបានកើនឡើងខ្ពស់ជាលំដាប់។ បើតាមក្រសួងសុខាភិបាលឲ្យដឹងថា នៅថ្ងៃពុធ ទី១៤ ខែកក្កដា កន្លងទៅនេះមានករណីស្លាប់ជាប់កំណត់ត្រាគឺ១៤៥នាក់។
សេវាបុណ្យសពបាននិយាយថា ចំនួននៃពិធីបុណ្យសពនៅទីបញ្ចុះសព Yay Way ក្នុងទីក្រុងយ៉ាំងហ្គោនបានបញ្ចុះសពប្រហែលជា២០០នាក់ជារៀងរាល់ថ្ងៃកាលពីសប្តាហ៍មុនដែលចំនួននេះបានកើនឡើងជាងចំនួនធម្មតាទ្វេដង។
ពួកគេបាននិយាយថា ដូចគ្នានេះដែរ ទីបញ្ចុះសពពីរកន្លែងទៀតក្នុងទីក្រុងក៏មានការកើនឡើងនូវចំនួនសាកសពដែលមានពី៤០០ទៅ៥០០សពត្រូវបានបូជាជារៀងរាល់ថ្ងៃ។
លោក Bo Sein អាយុ៥២ឆ្នាំជាអ្នកដឹកនាំសេវាសប្បុរសសម្រាប់ការដឹកជញ្ជូនសពបានឲ្យដឹងថា ៖«យើងត្រូវតែដឹកជញ្ជូនសពទៅកន្លែងបញ្ចុះសពផ្សេងៗ។ យើងបានដឹកជាង៤០ជើងក្នុងមួយថ្ងៃ»។
លោកថា ៖«មើលឃើញសាកសពនៅទីបញ្ចុះសពថ្ងៃនេះ ខ្ញុំបានគិតថា នឹងមិនស្រួលទេដែលចេះបន្តកើតមានបែបនេះ។ អ្នកមាន អ្នកក្រ ស្លាប់ដោយកូវីដ-១៩ទាំងអស់»។
អ្នកបង្កើតសេវាបុណ្យសពដោយឥតគិតថ្លៃនៅទីក្រុងយ៉ាំងហ្គោនម្នាក់ដែលសុំមិនបញ្ចេញឈ្មោះបាននិយាយថា លោកបានហៅអ្នកស្ម័គ្រចិត្តផ្សេងទៀតឲ្យជួយ ពីព្រោះសមាជិកក្រុមរបស់លោកតែ១៨នាក់មិនអាចទ្រាំទ្រនឹងចំនួនសពដ៏ច្រើនបាន។
ចំណែកនៅទីក្រុងម៉ាន់ដាឡាយ មន្ត្រីម្នាក់នៅទីបញ្ចុះសព Aye Yeik Nyein ឈ្មោះ Kyaw Soe Win បាននិយាយថា សព៦៣នាក់ត្រូវបានបូជាកាលពីថ្ងៃអង្គារ៍។ សពទាំងអស់នោះសុទ្ធតែស្លាប់ដោយកូវីដ-១៩។
លោកថា ៖«យើងពិតជាបារម្ភណាស់ តែត្រូវការបម្រើប្រជាជន»។
ករណីឆ្លងកូវីដ-១៩បានចាប់ផ្តើមផ្ទុះឡើងនៅប្រទេសមីយ៉ាន់ម៉ាកាលពីខែមិថុនា និងបានហក់ឡើងខ្ពស់ក្នុងរយៈពេលពីរសប្តាហ៍ចុងក្រោយនេះ។ កាលពីថ្ងៃពុធមានករណីឆ្លងថ្មី៧០៨៩នាក់។
យោងតាមតួលេខផ្លូវការ ប្រទេសមីយ៉ាន់ម៉ាមានករណីឆ្លងកូវីដ-១៩សរុប ២០៨ ០០០នាក់ និងស្លាប់៤១៨១នាក់។ ប៉ុន្តែបុគ្គលិកសុខាភិបាលជឿថា ចំនួនឆ្លងគឺខ្ពស់ជាងចំនួនផ្លូវការ ពីព្រោះការធ្វើតេស្តបានដួលរលំ បន្ទាប់ពីយោធាកាន់កាប់អំណាចពីលោកស្រី អ៊ុងសាន ស៊ូជី ដោយរដ្ឋប្រហារ១កុម្ភៈ៕
ប្រែសម្រួល៖ វីរបុត្រ
ប្រភព៖ Reuters
ការស្ទង់មតិ ៖ កម្មករ-និយោជិត ជាច្រើន ចង់បើកប្រាក់ឈ្នួលជាប្រាក់រៀល ជំនួសប្រាក់ដុល្លារ
អ្នកនាំពាក្យ៖ សហគមន៍កសិកម្មទំនើប លក់បានហើយទើបផលិត មិនមែនដាំបានហើយទើបរកអ្នកទិញនោះទេ
ដាក់ឱសានវាទចុះរៀបចំសណ្តាប់ធ្នាប់នៅបេនឡានចាស់ក្នុងក្រុងសិរីសោភ័ណ
លោក ថោង ខុន ជំរុញសិក្ខាកាម CECS ផ្ដោតលើការបណ្ដុះបណ្ដាលថ្នាលតាមសាលា
AP ផ្សាយថា រុស៊ី ត្រៀមជម្លៀសកុមារប្រមាណ ៩ ពាន់នាក់ចេញពីតំបន់ព្រំដែន
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ agoនាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង