អាជ្ញាធរ​ចិន​ថា​ បើ​មិន​​ចាក់​វ៉ាក់សាំង​ មិន​អាច​បញ្ជូន​កូនទៅ​រៀន​បានទេ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាជ្ញាធរ​ចិន​ថា​ បើ​មិន​​ចាក់​វ៉ាក់សាំង​ មិន​អាច​បញ្ជូន​កូនទៅ​រៀន​បានទេ

បានផុស

នៅ

សិស្សានុសិស​នឹងមិន​អនុញ្ញាត​ឲ្យ​ទៅ​សាលា​រៀន​បាន​ទេ​ដែល​គ្រោង​បើក​នា​ខែ​កញ្ញា​ខាង​មុខ​នេះ ប្រសិន​បើ​គ្រួសារ​ទាំង​មូល​របស់​សិស្ស​មិន​ទាន់​ចាក់​វ៉ាក់សាំង​បង្ការ​កូវីដ-១៩​ពេញ​លេញ។ មន្ត្រី​​​មូលដ្ឋាន​​​ចិន​បាន​និយាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទី​ក្រុង​ជា​ច្រើន​នៅ​ប្រទេស​ចិន​បាន​និយាយ​ថា ប្រជា​ជន​ត្រូវ​តែ​ចាក់​វ៉ាក់សាំង​​ទើប​អាច​ចេញ​ទៅ​កាន់​ទីសាធារណៈ​បាន​ដូច​ជា​មន្ទីរ​ពេទ្យ និង​ផ្សារ​ជា​ដើម។

ប្រទេស​ចិន​ក៏​ដូច​ប្រទេស​បារាំង និង​ក្រិក​ដែរ​ដែល​យក​ការ​ចាក់​វ៉ាក់សាំង​សម្រាប់​ភាព​ចំណាច់​នៅ​ក្នុង​វិស័យ​មួយ​ចំនួន។

ចិន​បាន​កំណត់​គោល​ដៅ​ចាក់​វ៉ាក់សាំង​ដល់​ប្រជា​ជន​ឲ្យ​បាន​៦៤​%​​នៅចំណាច់​ឆ្នាំ​នេះ។

សិស្ស​ចិន

សេចក្តី​ប្រកាស​របស់​​សាលា​ខេត្ត Guangxi នៅ​​ដើម​សប្តាហ៍​នេះ​បង្ហាញ​ថា ៖«អ្នក​ដែល​មិន​ទាន់​ចាក់វ៉ាក់សាំង​ សូម​ប្រញាប់​ទៅ​ចាក់​វ៉ាក់សាំង​ឲ្យ​បាន​លឿន ហើយ​ត្រូវ​ចាក់​វ៉ាក់សាំង​ដើម្បី​ជៀស​វាង​ប៉ះ​ពាល់​ដល់​ការ​បញ្ជូន​កូន​ទៅ​សាលា​រៀន»។

សេចក្តី​ប្រកាស​បន្ថែម​ថា គោល​ការណ៍​នេះត្រូវ​អនុវត្ត​លើ​សិស្ស​គ្រប់​អាយុ​ទាំង​អស់។

រដ្ឋាភិបាល​មូលដ្ឋាន​នៅ​ក្នុង​ខេត្ត​ផ្សេង​ៗ​ទៀត​មាន​ដូច​ជា Jiangxi និង​ Henan ក៏​បាន​ចេញ​សេចក្តី​ប្រកាស​ស្រដៀង​គ្នា​ដោយ​និយាយ​ងថា មាន​តែ​កូន​សិស្ស​មក​ពី​ក្រុម​គ្រួសារ​ដែល​បាន​ចាក់​វ៉ាក់សាំង​រួច​រាល់​ទេ​ទើប​អនុញ្ញាត​ឲ្យ​​ចូល​រៀន​ដែល​នឹង​បើក​ឆមាស​ថ្មី​​នា​ពេល​ខាង​មុខ​។

ប៉ុន្តែ​គោលការណ៍​មាន​លក្ខណៈ​ខុស​ៗ​គ្នា​ពី​តំបន់​មួយ​ទៅ​តំបន់មួយ​។

នៅទី​ក្រុង Pingxiang ភាគ​ខាង​ជើង​ខេត្ត Hebei សិស្ស​អាយុ​ចាប់​ពី​១២​ដល់​១៧​ឆ្នាំ​នឹង​មិន​អនុញ្ញាត​ឲ្យ​ទៅ​សាលា​រៀន​ទេ ប្រសិន​មិន​ចាក់​វ៉ាក់សាំង​ពេញ។ យ៉ាង​ណា គេ​មិន​ច្បាស់​ថា​តើ​គោល​ការណ៍​នេះ​អនុវត្ត​លើ​សិស្ស​អាយុ​ផ្សេង​ទៀត។

ជា​មួយ​គ្នា​នេះ ទី​ក្រុង Hancheng ក្នុង​ខេត្ត Shaanxi បាន​និយាយ​ថា មនុស្ស​ដែល​មិន​ទាន់​ចាក់​វ៉ាក់សាំង​នឹង​មិន​អនុញ្ញាត​​ឲ្យ​ទៅ​កាន់​សណ្ឋាគារ ភោជនីយដ្ឋាន កន្លែង​កម្សាន្ត​ ឬ​ទីតាំង​ផ្សេង​ៗ​ទៀត​។

កាល​បរិច្ឆេទ​កំណត់​ខុស​គ្នា​តាម​ទីក្រុង​នីមួយ​ៗ​ ប៉ុន្តែ​ភាគ​ច្រើន​បាន​កំណត់​ត្រឹម​បំណាច់​ខែ​កក្កដា​សម្រាប់​ប្រជា​ជន​​ទៅ​ទទួល​ការ​ចាក់​វ៉ាក់សាំង មុន​ពេល​វិធានការ​តឹង​រឹង​ចាប់​ផ្តើម​អនុវត្ត។

ទោះ​បី​ជា​យ៉ាង​ណា ក៏​មាន​ការ​រិះ​គន់​នៅ​តាម​បណ្តាញ​ទំនាក់​ទំនង​សង្គម​ដែរ​។

អាជ្ញាធរ​សុខាភិបាល​កំពូល​ចិន​បាន​និយាយ​ថា ខណៈ​ពេល​ប្រជា​ជន​ត្រូវ​បាន​ជំរុញ​ឲ្យ​ទៅ​ចាក់​វ៉ាក់សាំង ប៉ុន្តែ​ការ​សម្រេច​ចិត្ត​អាស្រ័យ​លើ​ពួក​គេ។

រហូត​ដល់ពេល​នេះ ចិន​បាន​ចាក់​វ៉ាក់សាំង​ជាង១.៤​ពាន់​លាន​ដូសហើយ​ បើ​ទោះ​ជា​គណកម្មការ​សុខភាព​មិន​បាន​និយាយ​​​​តើ​មនុស្ស​ប៉ុន្មាន​នាក់​ដែល​បាន​ចាក់​វ៉ាក់សាំងរ​ពេញ​លេញ៕

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ ម៉ោង មុន

សមត្ថកិច្ច​ខេត្តសៀមរាប​ឃាត់ខ្លួន​មនុស្ស​៧​នាក់​ ករណី​ល្មើស​បម្រាម​កូ​វីដ១៩​និង​ប្រើប្រាស់​សារធាតុ​ញៀន

នយោបាយ៨ ម៉ោង មុន

ព្រះអង្គម្ចាស់​ក្ស​ត្រី​យ៍ នរោត្តម ម៉ា​រី បដិសេធ​មិន​ពាក់ព័ន្ធ​ជាមួយ​ការយក​ត្រា​របស់​គណបក្ស​ហ៊្វុនស៊ិនប៉ិច

ព័ត៌មានជាតិ៨ ម៉ោង មុន

ក្រុម​ឆក់​យ៉ាងសកម្ម​ជាច្រើនលើក ចំនួន​៧​នាក់ ត្រូវបាន​កម្លាំង​នគរបាល​ខេត្ត​កែប សហការ​បង្ក្រាប​និង​ឃាត់ខ្លួន

កូវីដ-១៩៩ ម៉ោង មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ១០ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services