ព័ត៌មានអន្ដរជាតិ
ខ្លោចចិត្ត វេជ្ជបណ្ឌិតឥណ្ឌូនេស៊ីជាង៥០០នាក់ស្លាប់ដោយកូវីដ
យោងតាមសមាគមវេជ្ជបណ្ឌិតបានឲ្យដឹងថា នៅពាក់កណ្តាលដើមខែកក្កដានេះ ករណីស្លាប់វេជ្ជបណ្ឌិតដោយកូវីដ-១៩នៅប្រទេសឥណ្ឌូនេស៊ីបានកើនឡើងយ៉ាងខ្លាំង ដោយសារវីរុសបំប្លែង Delta បានវាយប្រហារខ្លាំង។
មន្ត្រីមកពីសមាគមវេជ្ជបណ្ឌិតឥណ្ឌូនេស៊ី (IDI) បាននិយាយក្នុងសន្និសីទសារព័ត៌មានថា វេជ្ជបណ្ឌិតចំនួន១១៤នាក់បានស្លាប់ក្នុងរយៈពេលត្រឹមតែ១៧ថ្ងៃពោលគឺពីថ្ងៃទី១ ដល់១៧ ខែកក្កដា ដែលនេះជាចំនួនខ្ពស់បំផុតត្រូវបានរាយការណ៍ក្នុងរយៈពេលដូចគ្នាមុនៗ និងជាង២០%នៃចំនួនវេជ្ជបណ្ឌិត៥៤៥នាក់បានស្លាប់ដោយកូវីដ-១៩ចាប់តាំងពីជំងឺនេះកើតឡើង។
លោក Mahesa Paranadipa មន្ត្រីជាន់ខ្ពស់នៅ IDI មានប្រសាសន៍ថា សមាគមព្រួយបារម្ភពីប្រព័ន្ធសុខាភិបាលមិនអាចដោះស្រាយបាន។
លោកបានលើកឡើងថា ៖«យើងពិតជាបារម្ភពីសក្តានុពលនៃការដួលរលំការងារនេះ។ នេះជាទិន្នន័យដែលបានរាយការណ៍ តែមិនទាន់មានទិន្នន័យដែលមិនទាន់រាយការណ៍មកពួកយើងផង»។
ការស្លាប់ក្រុមវេជ្ជបណ្ឌិតបានកើនឡើងនៅក្នុងប្រទេសឥណ្ឌូនេស៊ី ដែលជាប្រទេសមានប្រជាជនច្រើនបំផុតលំដាប់ទី៤ក្នុងពិភពលោក បើទោះជាការចាក់វ៉ាក់សាំងបង្ការកូវីដ-១៩មានដល់៩៥%ចំពោះបុគ្គលិកសុខាភិបាល។ ប្រការនេះបានធ្វើឲ្យរដ្ឋាភិបាលប្រើវ៉ាក់សាំង Moderna ដើម្បីចាក់បន្ថែមដូសទៅលើវ៉ាក់សាំងរបស់ចិន Sinovac សម្រាប់បុគ្គលិកសុខាភិបាល។
ទិន្នន័យជាមធ្យមក្នុងរយៈពេល៧ថ្ងៃចុងក្រោយដែលតាមដានដោយទីភ្នាក់ងារសារព័ត៌មាន Reuters បានបង្ហាញថា ដោយសារតែវីរុសបំប្លែងខ្លួនដ៏កាចសាហាវ Delta វាយប្រហារឆ្លង ឥណ្ឌូនេស៊ីមានករណីឆ្លងកូវីដ-១៩ថ្មីច្រើនជាងប្រទេសណាៗទាំងអស់ក្នុងពិភពលោកប៉ុន្មានថ្ងៃចុងក្រោយនេះ។
ក្រុមអ្នកជំនាញសុខភាពកំពុងហៅប្រទេសនេះថាជាមណ្ឌលថ្មីនៃការរាលដាលកូវីដ-១៩។កាលពីថ្ងៃអាទិត្យ ទី១៨ ខែកក្កដា ម្សិលមិញនេះ ឥណ្ឌូនេស៊ីមានករណីឆ្លងថ្មីចំនួន៤៤ ៧២១នាក់ និងករណីស្លាប់ថ្មី ១០៩៣នាក់៕
ប្រែសម្រួល៖ វីរបុត្រ
ប្រភព៖ Reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង