ព័ត៌មានអន្ដរជាតិ
អ្នកនយោបាយជុំវិញពិភពលោកអំពាវនាវឲ្យមាន«កិច្ចព្រមព្រៀងបៃតង»ទប់ស្កាត់វិបត្តិអាកាសធាតុ
ក្រុមអ្នកនយោបាយនៅចក្រភពអង់គ្លេស អឺរ៉ុប និងបណ្តាប្រទេសកំពុងអភិវឌ្ឍបាននិយាយថា មនុស្សទូទាំងពិភពលោកត្រូវការកិច្ចព្រមព្រៀងបៃតងជាសកលមួយដែលអាចដោះស្រាយវិបត្តិអាកាសធាតុ និងស្តារពិភពធម្មជាតិនៅពេលកំពុងងើបចេញពីវិបត្តិកូវីដ-១៩។
សម្ព័ន្ធសកលសម្រាប់កិច្ចព្រមព្រៀងបៃតងថ្មីនេះកំពុងកោះហៅអ្នកនយោបាយពីស្ថាប័ននីតិប្បញ្ញត្តិក្នុងប្រទេសទាំងអស់ឲ្យធ្វើការរួមគ្នាលើគោលការណ៍ដែលអាចផ្លាស់ប្តូរមួយឆ្ពោះទៅរកសេដ្ឋកិច្ចបៃតងមុនពេលកិច្ចប្រជុំស្តីពីអាកាសធាតុរបស់អង្គការសហប្រជាជាតិ Cop26 នៅទីក្រុង Glasgow នាខែវិច្ឆិកា ខាងមុខនេះ។
សម្ព័ន្ធភាពរួមមានលោកស្រី Caroline Lucas សមាជិកសភារបស់គណបក្ស Green, លោក Clive Lewis សមាជិកសភារបស់គណបក្ស Labour ព្រមទាំងតំណាងមកពីប្រទេសប្រេស៊ីល អាហ្សង់ទីន ឥណ្ឌូណេស៊ី ម៉ាឡេស៊ី និងសហរដ្ឋអាមេរិកក្នុងចំណោមបណ្តាប្រទេសទាំងនោះ។
លោកស្រី Ilhan Omar តំណាងរាស្ត្រអាមេរិកប្រចាំរដ្ឋ Minnesota មានប្រសាសន៍ថា អាកាសធាតុដ៏អាក្រក់ថ្មីៗនេះនៅអាមេរិក និងជុំវិញពិភពលោកគួរតែជាការព្រមានមួយ។
លោកស្រីលើកឡើងថា ៖«ការប្រែប្រួលអាកាសធាតុនេះគឺជាការគំរាមកំហែងដល់មនុស្សជាតិ។ យើងបានឃើញហើយពីផលវិបាកគួរឲ្យរន្ធត់នៃការមិនមានចំណាត់ការ ដូចជាភ្លើងឆេះព្រៃពាសពេញឆ្នេរសមុទ្រខាងលិចអាមេរិក ខ្យល់ព្យុះខ្លាំង ឡើងកម្តៅនៅអូស្ត្រាលី ទឹកជុំនន់ទូទាំងពិភពលោក»។
«គ្រោះហមន្តរាយធម្មជាតិទាំងនោះនឹងកាន់តែធ្ងន់ធ្ងរៗទៅ ប្រសិនបើយើងមិនធ្វើសកម្មភាពដើម្បីទប់ស្កាត់ទេ»។
សម្ព័ន្ធភាពចង់ឲ្យរដ្ឋាភិបាលដាក់ចេញវិធានការដែលនឹងលើកកម្ពស់សេដ្ឋកិច្ចបៃតង ព្រមទាំងសហប្រតិបត្តិការដើម្បីទទួលបានវ៉ាក់សាំងជាសកលសម្រាប់កម្ចាត់កូវីដ-១៩ និងរៀបចំរចនាសម្ព័ន្ធបំណុលសម្រាប់ប្រទេសក្រីក្របំផុតក្នុងលោក។ ពួកគេនឹងស្វែងរកការចែករំលែកចំណេះដឹងទូទាំងពិភពលោកនៃគំនិតផ្តួចផ្តើមដែលទទួលបានជោគជ័យដូចជាផែនការកាត់បន្ថយកាបូនថ្មីៗនេះនៅប្រទេសកូស្តារីកា។
មេដឹកនាំរដ្ឋាភិបាលជាច្រើនបានសន្យាថា នឹងកសាងឲ្យល្អប្រសើរឡើងវិញ បន្ទាប់ពីកូវីដ-១៩ ប៉ុន្តែប្រទេសមួយចំនួនតូចកំពុងវិនីយោគលើហេដ្ឋារចនាសម្ព័ន្ធថ្មីដែលត្រូវការ។ ការស្រាវជ្រាវថ្មីរបស់ Vivid Economics បានរកឃើញថា ប្រហែលជា១ភាគ១០នៃប្រាក់១៧ទ្រីលានដុល្លារកំពុងត្រូវបានចំណាយជាសកលលើការជួយសង្គ្រោះសេដ្ឋកិច្ចដែលរងគ្រោះកំពុងត្រូវបានបន្តលើគម្រោងដែលកាត់បន្ថយការបំភាយឧស្ម័នផ្ទះកញ្ចក់ ឬស្តារធម្មជាតិ។
ទោះបីជាយ៉ាងណា ប្រាក់ជាង៣ទ្រីលានដុល្លារអាមេរិកកំពុងត្រូវបានប្រើប្រាស់ទៅលើវិធានការ និងឧស្សាហកម្មដែលប៉ះពាល់យ៉ាងសកម្មដល់បរិស្ថាន ដូចជាធ្យូងថ្ម និងឥន្ធនៈហ្វូស៊ីលជាដើម។
លោកស្រី Manon Aubry សមាជិកសភាបារាំងបានលើកឡើងថា រដ្ឋាភិបាលគួរតែផ្តោតលើយុត្តិធម៌សង្គម និងអាកាសធាតុ។
«ខណៈផលវិបាកនៃវិបត្តិអាកាសធាតុកាន់តែគួរឲ្យព្រួយបារម្ភខ្លាំងទៅ វិសមភាពកំពុងកើនឡើង ហើយអ្នកក្រីក្ររងផលប៉ះពាក់ដ៏អាក្រក់ពីការប្រែប្រួលអាកាសធាតុ។ ប្រសិនបើយើងត្រូវការគោលការណ៍អាកាសធាតុត្រឹមត្រូវ ជាប្រព័ន្ធ និងប្រសិទ្ធភាព យើងត្រូវការផ្លាស់ប្តូររ៉ាឌីកាលចេញពីពាណិជ្ជកម្មសេរី និងមនោគមវិជ្ជាទីផ្សារសេរី»៕
ប្រែសម្រួល៖ វីរបុត្រ
ប្រភព៖ theguardian
-
ព័ត៌មានជាតិ២២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល