ព័ត៌មានអន្ដរជាតិ
សិង្ហបុរី ឲ្យអ្នកដែលមិនបានចាក់វ៉ាក់សាំងស្នាក់នៅផ្ទះយូរប៉ុនណាល្អប៉ុណ្ណឹង ជាពិសេសមនុស្សចាស់
ក្រសួងសុខាភិបាលសិង្ហបុរី បានទទូចយ៉ាងខ្លាំងដល់អ្នកដែលមិនបានចាក់វ៉ាក់សាំង ជាពិសេសមនុស្សវ័យចំណាស់ ត្រូវនៅផ្ទះឲ្យបានច្រើនតាមដែលអាចធ្វើទៅបាន ក្នុងរយៈពេលពីរបីសប្តាហ៍ខាងមុខ ដោយលើកឡើងពីក្តីបារម្ភកាន់តែខ្លាំង អំពីហានិភ័យនៃការផ្ទុះឆ្លងជំងឺកូវីដ ១៩ ក្នុងសហគមន៍ ។
ក្រសួងសុខាភិបាល បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា “យើងមានការព្រួយបារម្ភថា វានៅតែមានការចម្លង ដែលអាចបន្តរីករាលដាលនៅក្នុងសហគមន៍របស់យើង ជាពិសេសក្នុងទីផ្សារលក់គ្រឿងសមុទ្រ” ។
ប្រជាជនប្រមាណ ៧៣ ភាគរយនៃប្រជាជនសិង្ហបុរីចំនួន ៥.៧ លាននាក់ បានទទួលការចាក់វ៉ាក់សាំងការពារជំងឺកូវីដ ១៩ ដូសដំបូង ប៉ុន្តែរដ្ឋាភិបាល កំពុងជំរុញឲ្យទទួលបានការចាក់វ៉ាក់សាំងដល់មនុស្សចាស់ ច្រើនជាងមុន ខណៈអ្នកដែលមានអាយុលើសពី ៧០ ឆ្នាំ មានអត្រាទទួលការចាក់វ៉ាក់សាំងទាបបំផុត ពោលប្រហែល ៧១ ភាគរយប៉ុណ្ណោះ ។
ទន្ទឹមនោះ ករណីឆ្លងប្រចាំថ្ងៃដែលកំពុងកើនឡើងថ្មីៗនេះ បានជំរុញឲ្យរដ្ឋនានាបន្តឹងការរឹតត្បិតមួយចំនួន លើការប្រមូលផ្ដុំជួបជុំគ្នា ចាប់ពីថ្ងៃចន្ទនេះរហូតដល់ថ្ងៃអាទិត្យ បន្ទាប់ពីបានបន្ធូរបន្ថយការរឹតត្បិតនាពេលកន្លងមក ។ តែទោះយ៉ាងណាក៏ដោយ វាក៏មានច្បាប់ធូរស្រាលជាងមុនផងដែរ សម្រាប់អ្នកដែលត្រូវបានចាក់វ៉ាក់សាំងរួចហើយ ។
គួរបញ្ជាក់ថា គិតត្រឹមពេលនេះ ប្រទេសសិង្ហបុរី បានកត់ត្រាករណីឆ្លងជំងឺកូវីដ ១៩ ជាង ៦ ម៉ឺនករណី និងមានអ្នកស្លាប់ត្រឹម ៣៦ នាក់ប៉ុណ្ណោះ ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre News
ចុចអាន ៖ សិង្ហបុរី ត្រៀមចាក់វ៉ាក់សាំងការពារកូវីដ ដល់សិស្សសាលា នៅមុនថ្ងៃបើកបវេសនកាលចូលរៀន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត