ព័ត៌មានអន្ដរជាតិ

យានអវកាសទេសចរណ៍របស់មហាសេដ្ឋី Jeff Bezos ចាប់ផ្តើមហោះលើកដំបូង

បានផុស

៣ years មុន

នៅ

ថ្ងៃពុធ ២១ កក្កដា ២០២១

ដោយ

មហាសេដ្ឋីមានទ្រព្យសម្បត្តិច្រើនបំផុតលោក Jeff Bezos បានធ្វើដំណើររយៈពេលខ្លីទៅកាន់ទីអាវកាសក្នុងការហោះហើរលើកដំបូងនៃនាវារុក្កែតរបស់លោកគឺ New Shepard។

ក្នុងការហោះហើរនេះ លោកត្រូវបានរួមដំណើរដោយបងប្រុសលោក Mark Bezos លោកយាយ Wally Funk អាយុ៨២ឆ្នាំដែលជាអ្នកជំនាញខាងដំណើរអាវកាស និងកូនសិស្សអាយុ១៨ឆ្នាំម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពួកគាត់បានស្ថិតនៅក្នុងគម្រប់ក្បាលយានដែលមានបង្អួចធំៗហោះហើរទៅក្នុងលំហអាវកាសដែលទទួលបាននូវទិដ្ឋភាពដ៏អស្ចារ្យនៃផែនដី។

នៅពេលដែលយានបានវិលចុះក្រោមដើម្បីវិលត្រឡប់មកវិញ បន្ទាប់ពីចំណាយពេលហោះហើរអស់១០នាទី ១០វិនាទី លោក Jeff Bezos បានលាន់មាត់ថា ៖«ថ្ងៃអស្ចារ្យបំផុតមិនធ្លាប់មាន!»។

យានអាវកាស New Shepard ត្រូវសាងសងឡើងដោយក្រុមហ៊ុន Blue Origin របស់លោក Bezos ដែលត្រូវរចនាឡើងដើម្បីបម្រើទីផ្សារទេសចរណ៍ទៅកាន់លំហទីអាវកាស។

ស្ថាបនិក Amazon លោក Bezos និងអ្នកចូលរួមនៅក្នុងអ្វីដែលហៅថា «ដំណើរទីអាវកាសមហាសេដ្ឋី»ទទួលបានការរិះគន់ចំពោះអ្វីដែលគេមើលឃើញថាជាការជិះកម្សាន្តរបស់អ្នកមានទ្រព្យ។ អ្នករិះគន់និយាយថា ប្រាក់គួរចំណាយលើបង្កើនប្រាក់ខែដល់បុគ្គលិក ឬក៏ដើម្បីប្រយុទ្ធប្រឆាំងនឹងការប្រែប្រួលអាកាសធាតុ។

ទោះបីជាយ៉ាងណា លោក Bezos បានទទួចថា លោកមានចក្ខវិស័យបរិស្ថានមួយ។ លោកថា ៖«យើងត្រូវការយកឧស្សាហកម្មធុនធ្ងន់ទាំងអស់ ឧស្សាហកម្មបំពុលទាំងអស់ និងផ្លាស់ប្តូរវាចូលទៅក្នុងលំហអាវកាស ហើយរក្សាផែនដីឲ្យស្រស់ស្អាតដូចត្បូង»។

លោកបន្តថា ៖«វានឹងត្រូវចំណាយពេលរាប់ទសវត្សរ៍ដើម្បីសម្រេចបានគោលដៅ ប៉ុន្តែអ្នកត្រូវចាប់ផ្តើម ហើយចាប់ផ្តើមរឿងធំជាមួយជំហានតូចៗ…នោះជាអ្វីដែលជាបេសកកម្មទេសចរណ៍តាមគន្លងតូចៗអនុញ្ញាតឲ្យយើងធ្វើ វាឲ្យយើងអនុវត្តជាបណ្តើរៗ»។

សម្រាប់ការធ្វើដំណើរនេះជាការហោះហើរដែលមានមនុស្សអាយុច្រើនបំផុតទៅកាន់លំហអាវកាសគឺលោកយាយ Funk និងមនុស្សក្មេងជាងគេបំផុតដែលជាសិស្សគឺ Oliver Daemen៕