ចិន ព្រមានអំពីការបាក់ទំនប់ទឹក
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ចិន ព្រមានអំពីការបាក់ទំនប់ទឹក

បានផុស

នៅ

កងទ័ពចិន បានព្រមានថា ទំនប់ទឹកនៅកណ្តាលប្រទេស អាចនឹងបាក់នៅពេលណាមួយ បន្ទាប់ពីរងការខូចខាតយ៉ាងធ្ងន់ធ្ងរ ដោយសារតែព្យុះដែលបានសម្លាប់មនុស្សយ៉ាងតិច១២ នាក់ និងធ្វើឲ្យតំបន់នេះ ត្រូវជាប់គាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរផ្នែកអាកាសធាតុបានចេញនូវការព្រមានខ្ពស់បំផុត សម្រាប់ខេត្តភាគកណ្តាល Henan ខណៈភ្លៀងធ្លាក់ បានបណ្តាលឲ្យមានការរំខានធំធេង និងការជម្លៀសប្រជាជន នៅតាមដងផ្លូវលិចទឹក។

កាលពីល្ងាចថ្ងៃអង្គារ អង្គភាពប្រចាំតំបន់ នៃកងទ័ពរំដោះប្រជាជន (PLA) បានព្រមានថា ភ្លៀងធ្លាក់ឥតឈប់ឈរ បានធ្វើឲ្យទឹកក្នុងទំនប់ Yihetan នៅទីក្រុង Luoyang ឡើងកម្ពស់២០ម៉ែត្រ ហើយមានហានិភ័យបាក់ គ្រប់ពេលទាំងអស់។

បញ្ជាការកណ្តាលរបស់ PLA បាននិយាយថា ខ្លួនបានបញ្ជូនទាហានទៅទីនោះ ឲ្យអនុវត្តការឆ្លើយតបជាបន្ទាន់ រួមទាំងការទម្លាយទឹកនិងការបង្វែរលំហូរទឹកជំនន់ផងដែរ។

សេចក្តីថ្លែងការណ៍ បានឲ្យដឹងថា “នៅថ្ងៃទី២០ខែកក្កដា ទឹកកម្ពស់ ២០ ម៉ែត្រ បានឡើងនៅឯទំនប់ Yihetan។ មាត់ទន្លេ បានខូចខាតយ៉ាងខ្លាំង ហើយទំនប់នេះអាចនឹងបាក់គ្រប់ពេលទាំងអស់”។

ទឹកជំនន់នៅប្រទេសចិន​ តែងតែកើតមានក្នុងរដូវវស្សា ដែលបណ្តាលឲ្យមានភាពវឹកវរជារៀងរាល់ឆ្នាំ ព្រមទាំងបំផ្លាញផ្លូវថ្នល់ ដំណាំនិងផ្ទះសម្បែង។

ប៉ុន្តែការគំរាមកំហែងកាន់តែអាក្រក់ទៅ ៗ ក្នុងរយៈពេលប៉ុន្មានទសវត្សរ៍ចុងក្រោយ ដោយសារតែការសាងសង់ទំនប់និងប្រឡាយ ដែលបានកាត់ផ្តាច់បណ្តាញទឹកទន្លេនិងបឹង៕

ប្រែសម្រួល៖ Vann Vann

ប្រភព៖ CNA

ចុចអាន៖ ទឹក ជំនន់វាយប្រហារភាគកណ្តាលចិនសម្លាប់ និង ប៉ះពាល់មនុស្សរាប់លាននាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services