ព័ត៌មានអន្ដរជាតិ
ពលរដ្ឋមីយ៉ាន់ម៉ាអស់ការងារ ជាង១លាននាក់តាំងពីរដ្ឋប្រហារមក
ប្រទេសមីយ៉ាន់ម៉ាត្រូវបានប៉ាន់ស្មានពីការបាត់បង់ការងារប្រមាណ ១.២លាននាក់ក្នុងត្រីមាសទី២ ចាប់តាំងពីរដ្ឋប្រហារទី១កុម្ភៈមកដែលធ្វើឲ្យសេដ្ឋកិច្ចកាន់តែដុនដាបស្របពេលវិបត្តិកូវីដ-១៩កំពុងវាយប្រហារ។ នេះបើតាមអង្គការពលកម្មអន្តរជាតិ (ILO)។
លោក Donglin Li តំណាងអង្គការពលកម្មអន្តរជាតិប្រចាំប្រទេសមីយ៉ាន់ម៉ាបាននិយាយក្នុងសេចក្តីថ្លែងការណ៍មួយថា ៖«មីយ៉ាន់ម៉ាបានកំពុងប្រឈមនឹងភាពតានតឹងរឿងការងារ និងជីវិតរស់នៅក្រោមការគំរាមកំហែង ដោយសារវិបត្តិកូវីដ-១៩។ ទោះបីជាយ៉ាងណា ការប៉ាន់ស្មានបង្ហាញថា ភាពធ្ងន់ធ្ងរយ៉ាងលឿនក្នុងការងារនៅឆមាសទី១ឆ្នាំនេះបានក្លាយជាកត្តាមួយជំរុញឲ្យមីយ៉ាន់ម៉ាធ្លាក់ចូលក្នុងភាពក្រីក្រកាន់តែអាក្រក់»។
អង្គការ ILO បានលើកឡើងថា វិបត្តិនយោបាយបូករួមទាំងកូវីដ-១៩បានធ្វើឲ្យធ្ងន់ធ្ងរ និងអស្ថេរភាពសេដ្ឋកិច្ច ហើយរាំងស្ទះដល់សេដ្ឋកិច្ចងើបឡើងដែលត្រូវបានរំពឹងទុក។
និន្នាការការងារកំឡុងឆមាសទី១ ឆ្នាំ២០២១នេះបង្ហាញថា ការបាត់បង់គួរឲ្យកត់សំគាល់ទាំងការងារ និងម៉ោងធ្វើការដែលស្ត្រីត្រូវបានគេប៉ាន់ស្មានថា រងផលប៉ះពាល់អាក្រក់ជាងបុរស។
តាមការប៉ាន់ស្មានរបស់អង្គការពលកម្មអន្តរជាតិបង្ហាញថា ការងារបានធ្លាក់ចុះ៦%ក្នុងត្រីមាសទី២ ឆ្នាំ២០២១នេះ បើប្រៀបធៀបនឹងត្រីមាសចុងក្រោយកាលឆ្នាំមុន។ ដូច្នេះមនុស្សជាង១.២លាននាក់លែងមានការងារធ្វើ។ យោងតាម ILO ថា ការបាត់បង់ការងារច្រើនកាលពីត្រីមាសចុងក្រោយឆ្នាំ២០១៩ដែលមានមនុស្ស៣.២លាននាក់ ឬស្មើនឹង១៥%នៃបុគ្គលិកទាំងអស់លែងមានការងារធ្វើ។
យោងតាមរបាយការណ៍ថា ខណៈពេលគ្រប់ផ្នែកសេដ្ឋកិច្ចទាំងអស់រងផលប៉ះពាល់ វិស័យសំណង់ កាត់ដេរ ទេសចរណ៍ និងបដិសណ្ឋារកិច្ចទទួលរងប៉ះពាល់ខ្លាំងបំផុតគឺការងារបានធ្លាក់ចុះ៣៥%, ៣១% និង២៥%នៅក្នុងឆមាសទី១ឆ្នាំនេះ។
យោងតាមក្រសួងសុខាភិបាល និងកីឡាដែលគ្រប់គ្រងដោយយោធាបង្ហាញថា ចាប់តាំងពីរដ្ឋប្រហារមក មីយ៉ាន់ម៉ាបានទទួលរងវិបត្តិកូវីដ-១៩លើកទី៣។ មនុស្សជាង២១០០នាក់បានស្លាប់ចាប់តាំងពីថ្ងៃទី១ ខែកុម្ភៈ។ ប៉ុន្តែតួលេខស្លាប់ពិតប្រាកដត្រូវបានគេជឿថាខ្ពស់ជាងនេះ។
គិតត្រឹមថ្ងៃទី១៩ ខែកក្កដា មីយ៉ាន់ម៉ាមានករណីឆ្លងកូវីដ-១៩សរុបចំនួន ២២៩ ៥២១នាក់ និងស្លាប់ជាង៥០០០នាក់។
អង្គការសហប្រជាជាតិ អង្គការអន្តរជាតិ និងសកម្មជនបានចោទប្រកាន់យោធាបានបរាជ័យក្នុងការទប់ស្លាត់កូវីដ-១៩ជាមុន។ ចាប់តាំងពីរដ្ឋប្រហារមក ប្រព័ន្ធសុខាភិបាលមីយ៉ាន់ម៉ាបានដួលរលំ៕
ប្រែសម្រួល៖ វីរបុត្រ
ប្រភព៖ irrawaddy
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ