ព័ត៌មានអន្ដរជាតិ
នាយករដ្ឋមន្ត្រីថៃក្តៅស្លឹកត្រចៀករឿងបណ្តោយឲ្យមនុស្សស្លាប់ដោយកូវីដតាមផ្លូវ
លោកនាយករដ្ឋមន្ត្រីថៃ ប្រាយុទ្ធ ចាន់អ៊ូចា បានសម្តែងការព្រួយបារម្ភអំពីមនុស្សស្លាប់ដោយកូវីដ-១៩ដោយសារការព្យាបាលមិនទាន់ពេលវេលា និងបានបញ្ជាក់ថា មិនត្រូវទុកឲ្យមនុស្សស្លាប់នៅតាមផ្លូវទៀតទេ។
លោកបានបញ្ជាក់ឲ្យភ្នាក់ងារពាក់ព័ន្ធទាំងអស់ត្រូវដោះស្រាយបញ្ហានេះ។ កំឡុងកិច្ចប្រជុំតាមវីដេអូជាមួយមជ្ឈមណ្ឌលគ្រប់គ្រងស្ថានភាពសេដ្ឋកិច្ច (CESA) កាលពីថ្ងៃព្រហស្បតិ៍ លោក ប្រាយុទ្ធ ចាន់អ៊ូចា មានប្រសាសន៍សង្កត់ធ្ងន់ថា ៖«អ្នកទាំងអស់គ្នាត្រូវតែជួយខ្ញុំរកវិធីកាត់បន្ថយចំនួនមនុស្សឆ្លងកូវីដដែលស្ថិតនៅផ្ទះ និងកំពុងរង់ចាំរថយន្តសង្គ្រោះបន្ទាន់ទៅយក ឬរង់ចាំនៅតាមផ្លូវ»។
លោកនាយករដ្ឋមន្ត្រីថា ៖«រូបភាពបែបនេះមិនគួរឲ្យកើតមានទេ។ វាជាការទទួលខុសត្រូវគ្រប់ភ្នាក់ងារទាំងអស់ មិនមែនតែក្រសួងសុខាភិបាលតែឯងនោះទេ។ ភ្នាក់ងារពាក់ព័ន្ធត្រូវរកវិធីយកមនុស្សទាំងនោះទៅមន្ទីរពេទ្យ»។
ការលើកឡើងរបស់លោក បន្ទាប់ពីមានការពន្យាពេលមួយក្នុងការទៅយកសពមួយក្នុងចំណោមសព៣នាក់ដែលត្រូវបានប្រទាស់ឃើញនៅតាមផ្លូវនៅខណ្ឌ Phra Nakhon កាលពីយប់ថ្ងៃអង្គារ៍។
ការប្រទាស់ឃើញសពដែលត្រូវបានគេរុំក្រណាត់ស និងដាក់ចោលនៅតាមផ្លូវដែលគ្មានអ្នកទៅយករយៈពេលយ៉ាងយូរជិត១២ម៉ោងលើផ្លូវ Ban Phan Thom of Phra Nakhon ដែលបានជំរុញឲ្យមហាជនខឹងសម្បាយ៉ាងខ្លាំង។
សពនោះត្រូវបានគេស្គាល់ឈ្មោះ Somkiat Ruenkao អាយុ៥០ឆ្នាំជាអ្នកចាំកន្លែងចំណតរថយន្តមួយនៅ Wat Bowon Niwet។ ប៉ូលិសបានទទួលទូរសព្ទអំពីបុរសម្នាក់បានដួលសន្លប់នៅតាមផ្លូវវេលាម៉ោង១១ព្រឹក ថ្ងៃអង្គារ៍។
គ្រូពេទ្យ និងអ្នកជួយសង្គ្រោះបានទៅដល់យឹត ដែលមិនអាចជួយសង្គ្រោះជីវិតបុរសនោះបាន ហើយបានខលទូរសព្ទឲ្យមន្ទីរពេទ្យ Vajira Hospital យកសពទៅពិនិត្យ។ ទាល់តែម៉ោង១០យប់ទើបមូលនិធិ Por Teck Tung បានយកសពទៅមន្ទីរពេទ្យ Vajira Hospital ដើម្បីពិនិត្យ។ បន្ទាប់ពីពិនិត្យឃើញថា សពបុរសនោះឆ្លងកូវីដ-១៩។
ប្រហែលជាម៉ោង៦:៣០នាទីល្ងាចថ្ងៃអង្គារ៍នោះដែរ ក៏មានសពទី២ត្រូវបានគេប្រទាស់ឃើញនៅ Ratchadamnoen Avenue ហើយដល់ពេលពិនិត្យឃើញកូវីដ-១៩ទៀត។ មិនយូរប៉ុន្មានប្រហែលជាម៉ោង៧:៣០នាទីយប់ មានសពទី៣ត្រូវបានស្គាល់ឈ្មោះ Bangpot Jermjenkarn អាយុ៨១ឆ្នាំ ត្រូវបានប្រទាស់ឃើញនៅ Wat Suthat Thepphawararam ក្នុងតំបន់ Sao Chingcha។ ពេលពិនិត្យក៏រកឃើញឆ្លងកូវីដ-១៩ដែរ៕
ប្រែសម្រួល៖ កូវីដ-១៩
ប្រភព៖ bangkokpost
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ