ព័ត៌មានអន្ដរជាតិ
ឥណ្ឌូណេស៊ី កំពុងក្លាយជាកន្លែងបង្កាត់ពូជវីរុសបំប្លែងខ្លួនថ្មីៗ ហើយកាន់តែគ្រោះថ្នាក់ជាងវីរុស Delta
អ្នកជំនាញខាងជំងឺឆ្លងមកពីជុំវិញពិភពលោកបានព្រមានថា ល្បឿន និងទំហំនៃការផ្ទុះឡើងនៃជំងឺកូវីដ ១៩ នៅឥណ្ឌូណេស៊ី បានបង្កើតជាកន្លែងបង្កាត់ពូជដ៏ខ្លាំងក្លា សម្រាប់វីរុសបំប្លែងខ្លួនប្រភេទថ្មី ដែលកាន់តែអាចឆ្លង និងមានគ្រោះថ្នាក់ជាងវីរុសបំប្លែងខ្លួនឥណ្ឌា “Delta” ។
លោកវេជ្ជបណ្ឌិត Dicky Budiman អ្នកជំនាញរោគរាតត្បាតរបស់ឥណ្ឌូណេស៊ី ដែលកំពុងស្រាវជ្រាវពីវីរុសបំប្លែងខ្លួននៅសាកលវិទ្យាល័យ Griffith របស់ប្រទេសអូស្រ្តាលី បាននិយាយថា “វីរុសបំប្លែងខ្លួនថ្មីតែងតែលេចឡើងនៅក្នុងតំបន់ ឬប្រទេសដែលមិនអាចគ្រប់គ្រងការផ្ទុះនេះបាន ។ អង្គការសុខភាពពិភពលោក (WHO) និយាយថា ប្រសិនបើការធ្វើតេស្តច្រើនជាង ៥ ភាគរយមានលទ្ធផលវិជ្ជមាន ការផ្ទុះឡើងគឺមិនអាចគ្រប់គ្រងបានទេ” ។
លោកបន្តថា “នៅប្រទេសឥណ្ឌូនេស៊ី វាខ្ពស់ជាង ១០ ភាគរយឯណោះក្នុងរយៈពេល ១៦ ខែ នៅពេលចាប់ផ្តើមរោគរាតត្បាត ហើយឥឡូវនេះ វាខ្ពស់ជាង ៣០ ភាគរយទៅទៀត ។ ដូច្នេះ អ្នកអាចស្រម៉ៃថាតើលទ្ធភាពខ្ពស់ប៉ុណ្ណាសម្រាប់ឥណ្ឌូនេស៊ី ក្នុងការបង្កើតវីរុសបំប្លែងខ្លួនថ្មី ឬវីរុសកូវីដបំប្លែងខ្លួនកូនកាត់កាន់តែទំនើបនោះ” ។
ចំណែកលោក Amin Soebandrio នាយកនៃវិទ្យាស្ថាន Eijkman ដែលជាអង្គការរដ្ឋាភិបាលសិក្សាអំពីជំងឺឆ្លង បាននិយាយថា ខណៈពេលដែលមិនទាន់មានវីរុសបំប្លែងខ្លួនថ្មីនៅក្នុងឥណ្ឌូនេស៊ីនៅឡើយនោះ ការប្រុងប្រយ័ត្នរបស់ប្រទេសនេះ គឺមានសារៈសំខាន់ណាស់ ។
លោកបាននិយាយថា “យើងមិនអាចបដិសេធទេថា វីរុសថ្មីមិនអាចកើតឡើងបាននោះ ហើយយើងត្រូវសង្កេតដោយប្រុងប្រយ័ត្ន ដើម្បីកំណត់អត្តសញ្ញាណវីរុសបំប្លែងថ្មី ឲ្យបានឆាប់តាមដែលអាចធ្វើទៅបាន នៅពេលវាលេចចេញមក” ។
គួររំឭកថា កាលពីសប្តាហ៍មុន ឥណ្ឌូណេស៊ីបានវ៉ាដាច់ឥណ្ឌា និងប្រេស៊ីល ក្លាយជាប្រទេសដែលមានករណីឆ្លងប្រចាំថ្ងៃខ្ពស់បំផុតនៅលើពិភពលោក ខណៈកាលពីថ្ងៃព្រហស្បតិ៍ ប្រទេសប្រជុំកោះមួយនេះបានរាយការណ៍ថា មានករណីឆ្លងថ្មីជាង ៤៩,៥០០ ករណី និងមានអ្នកស្លាប់ ១,៤៤៩ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Al Jazeera
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?