ព័ត៌មានអន្ដរជាតិ
នាយករដ្ឋមន្ត្រីទុយនេស៊ីត្រូវបានបណ្តេញចេញ ក្រោយការតវ៉ាកូវីដផ្ទុះហិង្សា
លោកប្រធានាធិបតីប្រទេសទុយនេស៊ីបានបណ្តេញនាយករដ្ឋមន្ត្រីចេញពីតំណែង និងបានផ្អាកសភា បន្ទាប់ពីការតវ៉ាទ្រង់ទ្រាយធំទូទាំងប្រទេសបណ្តាលឲ្យក្លាយជាហិង្សាកាលពីថ្ងៃអាទិត្យ។
កំហឹងបានកើតមានឡើងជុំវិញដំណោះស្រាយរបស់រដ្ឋាភិបាលអំពីករណីកូវីដ-១៩ដែលផ្ទុះខ្លាំងក្នុងរយៈពេលថ្មីៗនេះ និងបានបណ្តាលឲ្យកើតមានការតវ៉ាធំទូទាំងប្រទេសដែលបានធ្វើឲ្យសេដ្ឋកិច្ច និងសង្គមវឹកវរយ៉ាងខ្លាំង។
លោកប្រធានាធិបតី Kais Saied ដែលបានជាប់ឆ្នោតកាលពីឆ្នាំ២០១៩បានប្រកាសថា លោកបានសម្រេចហើយ។
អ្នកគាំទ្ររបស់លោកបានធ្វើការអបអរសាទរ ប៉ុន្តែក្រុមប្រឆាំងនៅសភាបានចោទលោកភ្លាមៗថា បានធ្វើរដ្ឋប្រហារ។ ការប៉ះទង្គិចគ្នាក្នុងចំណោមក្រុមគូប្រជែងបានបន្តដល់ថ្ងៃចន្ទម្សិលមិញ។
ពួកគេបានគប់ដុំថ្មដាក់គ្នាទៅវិញទៅមកនៅខាងក្រៅអគារសភាដែលត្រូវបានដាក់របាំងការពារដោយកម្លាំងទ័ពដែលរារាំងមិនឲ្យកម្មករចូលទៅតាមអគាររដ្ឋាភិបាលមួយចំនួន។
លោក Saied ជាអ្នកឯករាជ្យមានជម្លោះយូរមកហើយជាមួយបុរសដែលលោកបានបញ្ចប់តំណែងគឺនាយករដ្ឋមន្ត្រី Hichem Mechichi។ លោកនាយករដ្ឋមន្ត្រីនេះមានការគាំទ្រពីគណបក្សធំជាងគេក្នុងសភាគឺ Ennahda។
បដិវត្តរបស់ទុយនេស៊ីឆ្នាំ២០១១ជារឿយៗត្រូវបានគេធ្វើឡើងជាជោគជ័យស្នូលនៃបដិវត្តនិទាឃរដូវអារ៉ាប់ទូទាំងតំបន់ ប៉ុន្តែវាមិនបាននាំនូវស្ថេរភាពសេដ្ឋកិច្ច ឬនយោបាយឡើយ។
ការផ្ទុះកូវីដ-១៩ថ្មីនេះបានធ្វើសាធារណជនខកចិត្តយ៉ាងខ្លាំង។ រដ្ឋមន្ត្រីក្រសួងសុខាភិបាលត្រូវបានបណ្តេញចេញពីតំណែងកាលពីសប្តាហ៍មុន បន្ទាប់ពីកម្មវិធីចាក់វ៉ាក់សាំងមិនបានជោគជ័យ។
កាលពីថ្ងៃអាទិត្យ មនុស្សរាប់ពាន់នាក់ទូទាំងប្រទេសទុយនេស៊ីបានធ្វើបាតុកម្មប្រឆាំងនឹងលោកនាយករដ្ឋមន្ត្រី និង Ennahda ជាគណបក្សកាន់អំណាចដោយឥស្លាមនិយមកណ្តាល។
ការិយាល័យជាច្រើនតាមតំបន់របស់គណបក្សនៅភាគខាងត្បូងទីក្រុង Touzeur ត្រូវបានដុតបំផ្លាញ។ អ្នកតវ៉ាម្នាក់ឈ្មោះ Lamia Meftahi បាននិយាយថា នេះជាពេលរីករាយបំផុតចាប់តាំងពីបដិវត្តមក។
កាលពីថ្ងៃអាទិត្យ លោក Saied បានថ្លែងសុន្ទរកថាផ្សាយតាមទូរទស្សន៍ថា ៖«យើងបានសម្រេចចិត្តទាំងនេះរហូតដល់សន្តិភាពសង្គមវិលត្រឡប់មកទុយនេស៊ីវិញ និងរហូតដល់យើងសង្គ្រោះរដ្ឋបាន»។ ក្រោយមក លោកបានចូលរួមជាមួយហ្វូងមនុស្សដើម្បីអបអរសាទរ។
នៅប្រទេសទុយនេស៊ី ប្រធានាធិបតី និងសភាត្រូវបានបោះឆ្នោតដោយសំឡេងភាគច្រើន។ ស្ថិតក្រោមរដ្ឋធម្មនុញ្ញ ប្រធានាធិបតីមើលការខុសត្រូវតែលើទាហាន និងកិច្ចការបរទេស ប៉ុន្តែលោក Saied មានជម្លោះជាយូរហើយជាមួយលោក Mechichi។
លោកប្រធានាធិបតី Saied បាននិយាយថា លោកឥឡូវនេះនឹងគ្រប់គ្រងជាមួយលោកនាយករដ្ឋមន្ត្រីថ្មីដែលសភាត្រូវបានផ្អាករយៈពេល៣០ថ្ងៃ។
ករណីស្លាប់ពាក់ព័ន្ធនឹងកូវីដ-១៩បានឈានដល់កំណត់ត្រាថ្មីកាលពីសប្តាហ៍មុនដែលមានមនុស្សស្លាប់ជាង៣០០នាក់ក្នុងរយៈពេល២៤ម៉ោង៕
ប្រែសម្រួល៖ វីរបុត្រ
ប្រភព៖ BBC
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ