រុស្ស៊ី ផ្ដល់ភ្លើងខៀវឲ្យចាក់វ៉ាក់សាំង AstraZeneca និង Sputnik V លាយគ្នា
Connect with us
Helistar Cambodia - Helicopter Charter Services

ព័ត៌មានអន្ដរជាតិ

រុស្ស៊ី ផ្ដល់ភ្លើងខៀវឲ្យចាក់វ៉ាក់សាំង AstraZeneca និង Sputnik V លាយគ្នា

បានផុស

នៅ

ប្រទេសរុស្ស៊ីបានផ្តល់ភ្លើងខៀវសម្រាប់ការសាកល្បងព្យាបាល លើការចាក់លាយគ្នារវាងវ៉ាក់សាំង AstraZeneca និងវ៉ាក់សាំង Sputnik V របស់រុស្ស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះបញ្ជីឱសថរបស់រដ្ឋរុស្ស៊ីបានឲ្យដឹងថា គ្លីនិករុស្ស៊ីចំនួន ៥ នឹងធ្វើការសាកល្បងនេះ ហើយគ្រោងនឹងបញ្ចប់នៅដើមខែមីនា ឆ្នាំ ២០២២ ។

ទន្ទឹមនោះ មូលនិធិវិនិយោគផ្ទាល់របស់សហព័ន្ធរុស្ស៊ី (RDIF) ដែលលើកកម្ពស់ការប្រើប្រាស់វ៉ាក់សាំង Sputnik V បានស្វាគមន៍ចំពោះការសម្រេចចិត្តបន្តការសាកល្បងនេះ ។

សេចក្តីថ្លែងការណ៍បាននិយាយថា “បច្ចុប្បន្ននេះ RDIF កំពុងធ្វើការសាកល្បងរួមគ្នា ដើម្បីចាក់បញ្ចូលគ្នានូវសមាសធាតុដំបូងនៃវ៉ាក់សាំង Sputnik V ជាមួយនឹងវ៉ាក់សាំងមកពីក្រុមហ៊ុនផលិតបរទេសដទៃទៀត” ។

ជាពិសេសវ៉ាក់សាំងចាក់តែមួយដូស Sputnik Light អាចត្រូវបានប្រើរួមគ្នាជាមួយវ៉ាក់សាំងដទៃទៀត ដើម្បីបង្កើនប្រសិទ្ធភាព រួមទាំងប្រឆាំងនឹងវីរុសបំប្លែងខ្លួនថ្មីផងដែរ ។

គួរបញ្ជាក់ថា ការសាកល្បងលើមនុស្សនៃការចាក់លាយគ្នារវាងវ៉ាក់សាំង AstraZeneca ជាមួយនឹងវ៉ាក់សាំង Sputnik V ត្រូវបានអនុម័តរួចហើយនៅក្នុងប្រទេសអាស៊ែរបៃហ្សង់ អារ៉ាប់រួម បេឡារុស និងអាហ្សង់ទីន ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ វ៉ាក់សាំងការពារកូវីដរបស់ រុស្ស៊ី គ្មានផលប៉ះពាល់លើមុខងារបន្តពូជរបស់បុរស និងស្ត្រីឡើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services