ព័ត៌មានអន្ដរជាតិ
ជឿសាសនាខ្លាំងពេក គ្រាន់តែក្មេងស្រីស្លៀកពាក់ខោអាវខូវប៊យវាយរហូតស្លាប់ នៅឥណ្ឌា
ក្មេងស្រី និងយុវតីត្រូវបានគេរាយការណ៍ពីការធ្វើបាបដោយសមាជិកក្រុមគ្រួសាររបស់ពួកគេដែលកំពុងទទួលបានការចាប់អារម្មណ៍ខ្លាំងថ្មីៗនេះនៅប្រទេសឥណ្ឌា។ វាបានធ្វើឲ្យក្មេងស្រី និងស្ត្រីវ័យក្មេងគ្មានសុវត្ថិភាពសូម្បីនៅផ្ទះខ្លួនឯង។
កាលពីសប្តាហ៍មុន យុវតីអាយុ១៧ឆ្នាំឈ្មោះ Neha Paswan ទទួលរងការវាយធ្វើបាបពីសមាជិកគ្រួសារនៅរដ្ឋ Uttar Pradesh ភាគខាងជើងប្រទេសឥណ្ឌាដោយគ្រាន់តែពួកគេមិនចូលចិត្តនាងស្លៀកពាក់ខោអាវខូវប៊យ។
ម្តាយរបស់ជនរងគ្រោះឈ្មោះ Shakuntala Devi Paswan បាននិយាយថា កូនស្រីរបស់គាត់ត្រូវបានជីតា និងពូវាយនឹងដំបងយ៉ាងធ្ងន់ធ្ងរដោយសារតែនាងប្រើខោអាវខូវប៊យ នៅផ្ទះក្នុងភូមិ Savreji Kharg ខណ្ឌ Deoria។
ម្តាយរបស់នាងបន្តថា ៖«កូនស្រីបានប្រតិបត្តិជំនឿសាសនាយូរពេញមួយថ្ងៃ។ នៅពេលល្ងាច នាងបានដាក់ខោអាវខូវប៊យមួយកំភ្លេនៅខាងលើកន្លែងគោរពសាសនារបស់នាង។ នៅពេលនោះ ជីតាបានជំទាស់នឹងខោអាវនោះ។ Neha បានប្រាប់ថា ខោអាវខូវប៊យនេះសម្រាប់ស្លៀកពាក់»។ ពេលនោះមានការឈ្លោះប្រកែកគ្នាកាន់តែខ្លាំងបណ្តាលឲ្យកើតមានហិង្សា។
អ្នកស្រី Shakuntala Devi ឲ្យដឹងថា កូនស្រីរបស់គាត់បានដួលសន្លប់ បងថ្លៃបានហៅកង់បីដឹកយកទៅមន្ទីរពេទ្យ។
«ពួកគេមិនឲ្យខ្ញុំទៅជាមួយទេ ដូច្នេះខ្ញុំបានប្រាប់ទៅសាច់ញាតិឲ្យជួយទៅមើលនាងនៅមន្ទីរពេទ្យផង ប៉ុន្តែសាច់ញាតិមិនអាចរកកូនខ្ញុំឃើញនៅឯមន្ទីរពេទ្យ»។ ស្ត្រីជាម្តាយបានរៀបរាប់។
អ្នកស្រីបន្តឲ្យដឹងទៀតថា នៅព្រឹកបន្ទាប់មានគេប្រាប់ថា មានសពក្មេងស្រីត្រូវបានជាប់នឹងដែកស្ពានមួយតាមទន្លេ Gandak ដែលហូរកាត់តំបន់នោះដែលប្រហែលជាត្រូវគេទម្លាក់ទៅក្នុងទឹក ប៉ុន្តែជើងក៏ជាប់នឹងដែកស្ពាន។ នៅពេលទៅមើលទើបដឹងថា ជាសពរបស់កូនស្រីគាត់។
ប៉ូលិសបានដាក់ពាក្យបណ្តឹងករណីឃាតកម្មលើមនុស្សពាក់ព័ន្ធ១០នាក់ក្នុងនោះមានជីដូនជីតា ពូ មីង ក្មួយ និងអ្នកបើកកង់បី។
មន្ត្រីប៉ូលិសជាន់ខ្ពស់លោក Shriyash Tripathi បាននិយាយថា មនុស្ស៤នាក់ក្នុងនោះ ជីដូនជីតា និងពូរបស់ជនរងគ្រោះ និងអ្នកបើកបរម្នាក់ត្រូវបានចាប់ខ្លួន ហើយកំពុងត្រូវបានសាកសួរ។ ប៉ូលិសក៏កំពុងស៊ើបអង្កេតរកអ្នកពាក់ព័ន្ធផ្សេងទៀត។
ឪពុករបស់ជនរងគ្រោះឈ្មោះ Amarnath Paswan ដែលធ្វើការនៅការដ្ឋានសំណង់ក្នុងរដ្ឋ Punjab ពេញមួយថ្ងៃបានត្រឡប់មកផ្ទះវិញជួបរឿងសោកនាដកម្មបាននិយាយថា លោកខំធ្វើការខ្លាំងណាស់ដើម្បីបានលុយឲ្យកូនទៅរៀន។
លោក Shakuntala Devi និយាយថា កូនស្រីចង់ក្លាយជាប៉ូលិស ប៉ុន្តែសុបិនរបស់នាងលែងកើតហើយ៕
ប្រែសម្រួល៖ វីរបុត្រ
ប្រភព៖ BBC
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត