ព័ត៌មានអន្ដរជាតិ
ទីបំផុត កូរ៉េទាំងពីរ ស្ដារទំនាក់ទំនងឆ្លងកាត់ព្រំដែនឡើងវិញ ក្រោយ ក្រុងព្យុងយ៉ាង កាត់ផ្ដាច់កាលឆ្នាំមុន
ប្រព័ន្ធផ្សព្វផ្សាយក្នុងតំបន់បានរាយការណ៍នៅថ្ងៃអង្គារនេះថា កូរ៉េខាងជើង និងកូរ៉េខាងត្បូងបានស្តារឡើងវិញនូវបណ្តាញទំនាក់ទំនងឆ្លងកាត់ព្រំដែន បន្ទាប់ពីត្រូវបានកាត់ផ្តាច់ដោយក្រុងព្យុងយ៉ាងកាលពីខែមិថុនាឆ្នាំមុន ។
យោងតាមទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូង បានឲ្យដឹងថា វាកើតឡើងដោយសារតែ លទ្ធផលនៃកិច្ចព្រមព្រៀងរវាងប្រធានាធិបតីកូរ៉េខាងត្បូង លោក Moon Jae-in និងមេដឹកនាំកូរ៉េខាងជើង គីម ជុងអ៊ុន ។
មន្ត្រីនៃការិយាល័យប្រធានាធិបតីកូរ៉េខាងត្បូង បាននិយាយថា មេដឹកនាំទាំងពីរបានផ្លាស់ប្តូរលិខិតផ្ទាល់ខ្លួនជាច្រើន ចាប់តាំងពីខែមេសា ហើយបានចែករំលែកការយោគយល់ ដើម្បីស្តារការទុកចិត្តគ្នាទៅវិញទៅមក និងជំរុញទំនាក់ទំនងរវាងប្រទេសទាំងពីរឆ្ពោះទៅមុខ ។
ទន្ទឹមនោះ ទីភ្នាក់ងារព័ត៌មាន KCNA ដែលគ្រប់គ្រងដោយកូរ៉េខាងជើង ក៏បានបញ្ជាក់ពីការបើកឡើងវិញ នូវបណ្តាញទំនាក់ទំនងនេះផងដែរ។
សេចក្តីថ្លែងការណ៍នោះបាននិយាយថា សេចក្តីសម្រេចនេះ ឆ្លុះបញ្ចាំងពីបំណងប្រាថ្នារបស់ប្រទេសកូរ៉េ សម្រាប់ទំនាក់ទំនងប្រសើរជាងមុន ហើយមេដឹកនាំនៃប្រទេសទាំងពីរបានព្រមព្រៀងគ្នា ដើម្បីឈានទៅរកការបោះជំហានដ៏ធំមួយ ក្នុងការស្វែងរក ការជឿទុកចិត្តគ្នាទៅវិញទៅមក និងលើកកម្ពស់ការផ្សះផ្សាជាតិជាដើម ។
គួររំឭកថា ប្រទេសកូរ៉េខាងជើងបានកាត់ផ្តាច់ទំនាក់ទំនងជាមួយកូរ៉េខាងត្បូង និងក៏បានបំផ្ទុះការិយាល័យទំនាក់ទំនងអន្តរកូរ៉េនៅតាមព្រំដែន ក្នុងខែមិថុនាឆ្នាំ ២០២០ ។
នៅពេលនោះ ទីក្រុងព្យុងយ៉ាងមានការខឹងសម្បារយ៉ាងខ្លាំង ចំពោះការខកខានរបស់ក្រុងសេអ៊ូលក្នុងការបញ្ឈប់ការបញ្ជូនខិត្តប័ណ្ណឃោសនា និងស្តីបន្ទោសអំពីសកម្មភាពជាសត្រូវនេះ ដែលជំរុញឲ្យទំនាក់ទំនងអន្តរកូរ៉េចូលក្នុងមហន្តរាយ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ ស្ងាត់ៗ កូរ៉េខាងជើង បង្កើនការផលិតឱសថបុរាណមានប្រសិទ្ធភាពខ្លាំងលើ “ជំងឺផ្លូវដង្ហើម”
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង