ព័ត៌មានអន្ដរជាតិ
អ្នកជំនាញម្នាក់ថា អាមេរិកកំពុងដើរខុសគោលដៅ ខណៈការឆ្លងកូវីកើនឡើងជាថ្មី
សហរដ្ឋអាមេរិកកំពុងដើរខុសគោលដៅលើការគ្រប់គ្រង់វីរុសកូរ៉ូណា ពីព្រោះករណីឆ្លងថ្មីកំពុងកើនឡើងក្នុងចំណោមប្រជាជនមិនទាន់ចាក់វ៉ាក់សាំង។ នេះជាការព្រមានបស់អ្នកឯកទេសជំងឺឆ្លងកំពូលរបស់សហរដ្ឋអាមេរិក។
លោកវេជ្ជបណ្ឌិត Anthony Fauci បានឲ្យដឹងថា វីរុសកូវីដ-១៩បំប្លែងខ្លួន Delta កំពុងវាយលុកខ្លាំងនៅក្នុងតំបន់ដែលមានអត្រាប្រជាជនចាក់វ៉ាក់សាំងទាប។ អាជ្ញាធរសុខាភិបាលកំពុងចេញអនុសាសន៍ឲ្យពាក់ម៉ាស់ឡើងវិញសម្រាប់អ្នកដែលបានចាក់វ៉ាក់សាំងរួចរាល់ហើយ។ ការចាក់វ៉ាក់សាំងដូសបន្ថែមសម្រាប់ក្រុមមនុស្សដែលងាយរងគ្រោះក៏កំពុងពិចារណា។
លោកវេជ្ជបណ្ឌិត Fauci ជាប្រធានទីប្រឹក្សាផ្នែកវេជ្ជសាស្ត្ររបស់លោកប្រធានាធិបតីសហរដ្ឋអាមេរិក ចូ បៃដិន បានប្រាប់ប្រព័ន្ធផ្សព្វផ្សាយ CNN កាលពីចុងសប្តាហ៍នេះថា ស្ថានភាពកូវីដ-១៩នៅសហរដ្ឋអាមេរិកកំពុងអាក្រក់នៅក្នុងចំណោមមនុស្សដែលមិនទាន់ចាក់វ៉ាក់សាំង។
តាមទិន្នន័យផ្លូវការ ប្រជាជនជាង ១៦២.៧លាននាក់ ឬស្មើនឹង៤៩%នៃប្រជាជនអាមេរិកបានចាក់វ៉ាក់សាំងពេញដូសរួចរាល់។ អាមេរិកបានក្លាយជាអ្នកដឹកនាំពិភពលោកមួយដែលបានចាប់ផ្តើមប្រមូលយកចាក់វ៉ាក់សាំងរហូតដល់ខែមេសា នៅពេលអត្រាចាក់វ៉ាក់សាំងចាប់ផ្តើមថយចុះ។
អត្រាចាក់វ៉ាក់សាំងទាបខ្លាំងនៅបណ្តារដ្ឋភាគត្បូងប្រទេសដែលមានប្រជាជនតិចជាងពាក់កណ្តាលបានការចាក់ហោចណាស់១ដូសប៉ុណ្ណោះ។
ទន្ទឹមជាមួយនឹងករណីឆ្លងកូវីដប្រចាំថ្ងៃបានកើនឡើងខ្ពស់ជាលំដាប់ បន្ទាប់ពីចំនួនបានធ្លាក់ចុះនៅខែឧសភា និងមិថុនា។ ការឆ្លងថ្មីកើនឡើងវិញបានបន្ថែមឲ្យករណីឆ្លងសរុបនៅអាមេរិកឡើងដល់ជាង៣៤លាននាក់ និងករណីស្លាប់ជាង ៦១០ ០០០នាក់រហូតដល់ពេលនេះ។
និន្នាការនេះត្រូវបានសន្មត់ថាជាផ្នែករាលដាលយ៉ាងឆាប់រហ័សនៃវីរុសបំប្លែងខ្លួនដែលឆ្លងលឿន Delta។ ការឆ្លងថ្មីកើនឡើងខ្លាំងបំផុតនៅរដ្ឋដែលចាក់វ៉ាក់សាំងទាបដូចជា ហ្លរីដា តិចសាស និងមីសសួរី។
កាលពីដើមសប្តាហ៍នេះ អ្នកជំនាញវះកាត់ជាន់ខ្ពស់អាមេរិក លោក Vivek Murthy មានប្រសាសន៍ថា ៩៩.៥%នៃអ្នកស្លាប់ដោយកូវីដ-១៩បានកើតមានឡើងក្នុងចំណោមមនុស្សមិនទាន់ចាក់វ៉ាក់សាំង។
នៅក្នុងបទសម្ភាសជាមួយ CNN លោកវេជ្ជបណ្ឌិត Fauci បានប្រាប់ទៅបណ្តាមេដឹកនាំក្នុងរដ្ឋដែលមានកម្រិតចាក់វ៉ាក់សាំងទាបថា ត្រូវតែបង្កើនការប្រឹងប្រែងថែមទៀតដើម្បីជំរុញឲ្យប្រជាជនទៅចាក់វ៉ាក់សាំង។
លោកបញ្ជាក់ថា លោកត្រេកអរណាស់ដែលឮអភិបាលរដ្ឋអាកាន់សាស និងហ្លរីដាកំពុងជំរុញប្រជាពលរដ្ឋទៅចាក់វ៉ាក់សាំង។ មេដឹកនាំទាំងពីរបានរិះគន់យ៉ាងខ្លាំងចំពោះដំបូន្មានរបស់លោក Fauci កាលពីមុន។
លោកវេជ្ជបណ្ឌោត Fauci ជាទីប្រឹក្សាដ៏សំខាន់ម្នាក់របស់លោកប្រធានាធិបតី ចូ បៃដិន និងអតីតប្រធានាធិបតី ដូណាល់ ត្រាំ កំឡុងពេលវិបត្តិកូវីដ-១៩។
លោកមានប្រសាសន៍ថា លោកបានពាក់ព័ន្ធនឹងកិច្ចពិភាក្សាជាច្រើនដើម្បីកែប្រែអនុសាសន៍ពាក់ម៉ាស់ដែលសម្រេចដោយមជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក (CDC)។
គោលជំហររបស់ខ្លួន CDC បាននិយាយថា ប្រជាជនដែលចាក់វ៉ាក់សាំងរួចរាល់អាចបន្តសកម្មធម្មតាដូចមុនពេលមិនទាន់មានកូវីដពោលគឺមិនចាំបាច់ម៉ាក់ម៉ាស់ទេ។
លោក Fauci បាននិយាយថា អាជ្ញាធរតាមរដ្ឋអាចពិចារណានូវគោលការណ៍របស់ពួកគេដែលស្ថិតក្រោមអនុសាសន៍របស់ CDC ថ្មីៗនេះ។ ប៉ុន្តែលោកកត់សំគាល់ថា អាជ្ញាធររដ្ឋមួយចំនួនបានអនុវត្តនូវវិធានការពាក់ម៉ាស់ឡើងវិញទាំងក្នុង និងក្រៅផ្ទះដើម្បីការពារករណីឆ្លងថ្មីដែលកំពុងកើនឡើង។
នៅ Los Angeles County ឥឡូវនេះក៏តម្រូវឲ្យទាំងអ្នកចាក់វ៉ាក់សាំង និងមិនទាន់ចាក់ឲ្យពាក់ម៉ាស់ការពារខ្លួន៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)