ព័ត៌មានអន្ដរជាតិ
អាមេរិកបដិសេធគម្រោងបោះឆ្នោតមីយ៉ាន់ម៉ា ជំរុញឲ្យអាស៊ានដាក់សម្ពាធ
សហរដ្ឋអាមេរិកនៅថ្ងៃចន្ទ ទី២ ខែសីហា បាននិយាយថា យោធាមីយ៉ាន់ម៉ាបានកំពុងលេងជាមួយពេលវេលាដែលកំណត់ការបោះឆ្នោតពីរឆ្នាំខាងមុខ ខណៈរដ្ឋមន្ត្រីការបរទេសអាមេរិក លោក Antony Blinken ត្រៀមជំរុញអាស៊ានតែងតាំងបេសកជនពិសេសម្នាក់។
លោក Blinken នឹងធ្វើដំណើរទស្សនកិច្ចមួយសប្តាហ៍ដើម្បីជួបរដ្ឋមន្ត្រីក្រសួងការបរទេសអាស៊ីអាគ្នេយ៍ ដែលជាកិច្ចខិតខំប្រឹងប្រែងរបស់រដ្ឋបាលប្រធានាធិបតីអាមេរិក ចូ បៃដិន បង្កើនការទំនាក់ទំនងក្នុងតំបន់ជួរមុខមួយជាមួយប្រទេសចិន។
មុនជំនួបជាមួយបណ្តាប្រទេសអាស៊ាន លោកឧត្តមសេនីយ៍ Min Aung Hlaing បានតាំងខ្លួនឯងជានាយករដ្ឋមន្ត្រី និងបានសន្យារៀបចំការបោះឆ្នោតនៅខែសីហា ឆ្នាំ២០២៣ ដែលជាការផ្តល់ពេលវេលាឲ្យខ្លួនបានដឹកនាំកាន់តែយូរ ក្រោយពេលទម្លាក់មេដឹកនាំជាប់ឆ្នោតលោកស្រី អ៊ុងសាន ស៊ូជី តាមរយៈរដ្ឋប្រហារកាលពីខែកុម្ភៈ។
មន្ត្រីជាន់ខ្ពស់អាមេរិកបាននិយាយថា សេចក្តីប្រកកាសគឺជាការអំពាវនាវដល់មេដឹកនាំអាស៊ានឲ្យខិតខំប្រឹងប្រែងបន្ថែមទៀត ពីព្រោះនេះច្បាស់ណាស់ថា យោធាមីយ៉ាន់ម៉ាទើបតែជាប់គាំទ្រមួយរយៈពេល ហើយចង់បន្តប្រតិទិនបានយូរទៀតដើម្បីផលប្រយោជន៍ផ្ទាល់ខ្លួន។
«គ្រប់ហេតុផលទាំងអស់ ហេតុអ្វីអាស៊ានត្រូវពាក់ព័ន្ធនឹងបញ្ហានេះ ហើយចូលរួម និងគោរពតាមគោលការណ៍៥ចំណុចដែលបានព្រមព្រៀងគ្នា ក្នុងនោះ មីយ៉ាន់ម៉ាក៏បានចុះហត្ថលេខាដែរ»។
មេដឹកនាំយោធាមីយ៉ាន់ម៉ាលោកឧត្តមសេនីយ៍ Min Aung Hlaing បានចូលរួមក្នុងកិច្ចប្រជុំមួយជាមួយមេដឹកនាំអាស៊ានជុំវិញវិបត្តិនៅប្រទេសខ្លួនកាលពីខែមេសាដែលបានឯកភាពគ្នាលើគោលការណ៍៥ចំណុច និងត្រូវតែងតាំងបេសកជនពិសេសម្នាក់ដើម្បីដោះស្រាយ។
ប៉ុន្តែមេដឹកនាំយោធាមីយ៉ាន់ម៉ាក្រោយមកមិនបានអនុវត្តតាមគោលការណ៍ទាំងនោះទេ ហើយបេសកជនពិសេសក៏មិនទាន់ត្រូវបានតែងតាំងជាផ្លូវការដែរ។ មនុស្សជាង៩០០នាក់ត្រូវបានសម្លាប់ក្នុងរយៈពេល៦ខែនេះ។
អនុប្រធានាធិបតីអាមេរិក លោកស្រី Kamala Harris គ្រោងធ្វើដំណើរទស្សនកិច្ចនៅប្រទេសវៀតណាម និងសិង្ហបុរីក្នុងខែនេះ។
រដ្ឋមន្ត្រីការបរទេសឥណ្ឌូណេស៊ីលោក Retno Marsudi រំពឹងជួបលោក Blinken ផ្ទាល់នៅសប្តាហ៍នេះ ហើយអនុរដ្ឋមន្ត្រីការបរទេសអាមេរិកលោក Wendy Sherman គ្រោងធ្វើទស្សនកិច្ចមុននៅឥណ្ឌូណេស៊ី ថៃ និងកម្ពុជា។
កាលពីម្សិលមិញនេះដែរ រដ្ឋមន្ត្រីការបរទេសឥណ្ឌូនេស៊ី បានជំរុញឲ្យប្រទេសមីយ៉ាន់ម៉ាយល់ព្រមលើការតែងតាំងបេសកជនពិសេសរបស់ងាស៊ានដើម្បីដោះស្រាយនៅមីយ៉ាន់ម៉ា និងបាននិយាយថា វិវត្តតិចតួចណាស់ត្រូវបានធ្វើចាប់តាំងពីបានជួបប្រជុំកាលពីខែមេសាក៏ដោយ៕
ប្រែសម្រួល៖ វីរបុត្រ៉
ប្រភព៖ AFP
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?