ព័ត៌មានអន្ដរជាតិ
អ្នកស្រាវជ្រាវអាមេរិក៖ មនុស្សចាស់ដួលទង្គិចច្រើន ក្នុងអំឡុងកូវីដ កំពុងប្រឈមនឹងការស្លាប់ខ្ពស់
ការស្ទង់មតិថ្មីមួយបានបង្ហាញថា ជនជាតិអាមេរិកមានវ័យចំណាស់ ប្រឈមនឹងហានិភ័យខ្ពស់នៃការធ្លាក់ឬដួលទង្គិច ដោយសារតែការធ្លាក់ចុះសកម្មភាពនៃរាងកាយ អំឡុងពេលមានជំងឺរាតត្បាត ហើយធ្វើឲ្យបញ្ហាកាន់តែធ្ងន់ធ្ងរ ឬស្លាប់បាន។
ជាងមួយភាគបីនៃមនុស្សពេញវ័យអាមេរិក ២,០៧៤ នាក់ មានអាយុពី ៥០ ទៅ ៨០ ឆ្នាំ ដែលបានចូលរួមក្នុងការស្ទង់មតិតាមអ៊ីនធឺណេត ក្នុងខែ មករា បានរាយការណ៍ពីការថយចុះនៃសកម្មភាពរាងកាយ ក្នុងរយៈពេល ១០ ខែដំបូងនៃជំងឺរាតត្បាត ហើយ ២៧ ភាគរយ បាននិយាយថា ស្ថានភាពរាងកាយរបស់ពួកគេ មិនមានភាពបត់បែននៃកម្លាំងសាច់ដុំ ដែលនេះកាន់តែអាក្រក់ទៅៗ ។ ចំណែកមួយភាគបួនបាននិយាយថា ពួកគេមានការធ្លាក់ចុះសមត្ថភាពក្នុងការធ្វើដំណើរទៅមក។
សរុបមក ៣៦ ភាគរយ នៃមនុស្សចាស់បានរាយការណ៍ពីការភ័យខ្លាចនៃការដួល ប៉ុន្តែអត្រាខ្ពស់ជាងក្នុងចំណោមអ្នកដែលមានអាយុលើសពី ៦៥ ទៅ ៤៦ ភាគរយ និងស្ត្រី ៤៤ ភាគរយ នេះបើយោងតាមការស្ទង់មតិថ្នាក់ជាតិស្ដីពីសុខភាពមនុស្សចាស់ពីសាកលវិទ្យាល័យ Michigan។
លោក Geoffrey Hoffman ជំនួយការសាស្រ្តាចារ្យនៅសាលាគិលានុបដ្ឋាយិកា និងជាអ្នកស្រាវជ្រាវការដួលដែលបានធ្វើការជាមួយក្រុមស្ទង់មតិបញ្ជាក់ថា “ មនុស្សចាស់ជាច្រើន បានប៉ះទង្គិចរាងកាយរៀងរាល់ឆ្នាំ ហើយជំងឺរាតត្បាតគឺជារនាំងសម្រាប់ពួកគាត់។ ការដួលជាច្រើន បណ្ដាលឲ្យមានរបួសនៅក្នុងក្រុមអាយុនេះ ហើយត្រូវការការយកចិត្តទុកដាក់ពីគ្រូពេទ្យ” ។
ការស្ទង់មតិក៏បានបង្ហាញផងដែរថា ក្រុមជាក់លាក់នៃមនុស្សចាស់ និងស្ត្រី មនុស្សពេញវ័យ អ្នកដែលតស៊ូជាមួយភាពឯកកោ និងអ្នកដែលមានអាយុលើសពី ៦៥ ឆ្នាំ អាចត្រូវការជំនួយបន្ថែម ដើម្បីកែលំអស្ថានភាពរាងកាយនិងកាត់បន្ថយហានិភ័យនៃការដួល។ ពួកគេបាននិយាយថា ជំនួយអាចត្រូវបានផ្ដល់ដោយអ្នកផ្ដល់សេវាសុខភាព និងសម្បទា ក៏ដូចជាគ្រួសារ និងមិត្តភ័ក្ដិ។
ការដួលទង្គិច នាំឲ្យការស្លាប់របស់ជនជាតិអាមេរិកវ័យចំណាស់ជាង ៣២,០០០ នាក់ជារៀងរាល់ឆ្នាំ។ ការស្ទង់មតិដដែលក៏បានរកឃើញថា ២៨ ភាគរយនៃមនុស្សចាស់ ដែលរងរបួសដោយសារការធ្លាក់អំឡុងពេលមានជំងឺកូវីដ អាចពន្យារពេលឬមិនទទួលបានការថែទាំសុខភាពដែលពួកគេគិតថាពួកគេត្រូវការ។ ក្នុងចំណោមនោះ ៤០ ភាគរយ បាននិយាយថា ជំងឺរាតត្បាតទាក់ទងដោយផ្ទាល់ទៅនឹងកង្វះការថែទាំនេះ។
អ្នកដែលមានផលប៉ះពាល់យូរអង្វែង ពីការធ្លាក់ឬទង្គិចក្នុងកំឡុងពេលមានជំងឺរាតត្បាត គួរតែស្វែងរកការស្តានីតិសម្បទា និងការថែទាំផ្សេងទៀត ដើម្បីចៀសវាង ឬកាត់បន្ថយហានិភ័យនៃបញ្ហាបន្ថែម៕
ប្រែសម្រួល៖ សាង ស្រីល័ក្ខ
ចុចអាន៖គ្រោះថ្នាក់ស្នាក់នៅផ្ទះយូរ! យុវវ័យគួរបង្រៀនចាស់ៗធ្វើលំហាត់ប្រាណ បង្កើនភាពស៊ាំទប់ទល់កូវីដ
ចុចអាន៖យុវវ័យចេញក្រៅញឹក ទៅកន្លែងកកកុញ មកមើលវិធីការពារមនុស្សចាស់ និងក្មេងៗ ពីវីរុសបំប្លែងខ្លួន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត