ព័ត៌មានអន្ដរជាតិ
ម្ដាយវិជ្ជមានកូវីដ មិនបង្កហានិភ័យឆ្លងទៅកូនខ្ពស់ឡើយ តែទារកនឹងប្រឈមបញ្ហាមួយនេះ
ការស្រាវជ្រាវថ្មីមួយបានរកឃើញថា ទារកទើបនឹងកើតមិនមានហានិភ័យខ្ពស់ទៅនឹងការឆ្លងជំងឺកូវីដ-១៩ ពីម្តាយដែលតេស្តវិជ្ជមានវីរុសនេះនោះទេ តែក្មេងមិនទាន់កើត អាចប្រឈមនឹងការសម្រាលមិនគ្រប់ខែ។
អ្នកស្រាវជ្រាវមួយក្រុមមកពីសាលាសុខភាពសាធារណៈ Yale និងវិទ្យាស្ថានវិទ្យាសាស្ត្រវាយតម្លៃគ្លីនិកនៅប្រទេសកាណាដាបានតាមដានឥទ្ធិពលចម្លងពីម្តាយទៅទារកតាមមន្ទីរពេទ្យ
ទារកសរុបចំនួន ៨១ នាក់ត្រូវបានគេធ្វើតេស្ត ក្នុងចំណោមស្ត្រីជាម្ដាយ ១៥៦ នាក់ដែលរកឃើញផ្ទុកវីរុសកូវីដ-១៩ កំលុងពេលសម្រាល។
ក្នុងចំណោមទារកទាំង ៨១ នាក់នោះវេជ្ជបណ្ឌិតបានរកឃើញថា ទារកចំនួន ១៥ នាក់ឬស្មើ ១៨.៥ ភាគរយបានឆ្លងវីរុសកូវីដ-១៩។ ប៉ុន្តែអ្នកជំនាញមិនប្រាកដថា ទារកឆ្លងវីរុសកូវីដពីម្តាយ នៅមុនពេល អំឡុងពេល ឬក្រោយពេលសម្រាលនោះទេ។
បន្ថែមពីលើនេះ អ្នកស្រាវជ្រាវបានឱ្យដឹងថា ស្ត្រីមានផ្ទៃពោះនិងទារកទើបនឹងកើតមួយចំនួនប្រឈមហានិភ័យឆ្លងជំងឺកូវីដ-១៩កម្រិតធ្ងន់ ដែលបញ្ហានេះទាល់តែពួកគេទទួលការចាក់វ៉ាក់សាំងពេញលេញ ទើបអាចកាត់បន្ថយការចម្លងបាន។
យ៉ាងណាមិញ សរុបមកមានទារកមិនដល់ ៤ ភាគរយឡើយបានឆ្លងកូវីដ ដោយសារម្តាយដែលធ្វើតេស្តវិជ្ជមានវីរុសនេះ ត្រូវបានញែកចេញពីកូនៗ ក្រោយពេលសម្រាល។ ក្នុងនោះស្ត្រីជាម្ដាយបានធ្វើតាមការណែនាំរបស់គ្រូពេទ្យដោយពាក់ម៉ាស និងរក្សាអនាម័យជានិច្ចរាល់ពេលប៉ះពាល់ទារក។
ផ្ទុយទៅវិញ ស្ត្រីមានផ្ទៃពោះកំពុងមានហានិភ័យខ្ពស់ទោះនឹងផលវិបាកធ្ងន់ធ្ងរនៃវីរុសកូវីដ-១៩។
ការសិក្សាមួយពីចក្រភពអង់គ្លេសបានរកឃើញថា ស្ត្រីមានផ្ទៃពោះដែលឆ្លងកូវីដក៏មានហានិភ័យខ្ពស់ប្រឈមនឹងស្លាប់កំលុងពេលសម្រាលដែរ។ ថ្វីត្បិតទារកទើបនឹងកើតមានអត្រាឆ្លងតិច ប៉ុន្តែទារកដែលកើតមិនគ្រប់ខែមានច្រើន ហើយអាចប្រឈមនឹងផលវិបាកធ្ងន់ធ្ងរទៀតផង៕
ប្រែសម្រួល៖ សន្យា
ប្រភព៖ Daily Mail
ចុចអាន៖ WHO៖ ម្ដាយឆ្លងកូវីដ-១៩ អាចបំបៅកូនដោយទឹកដោះបាន
ចុចអាន៖ WHO ៖ ស្ត្រីមានផ្ទៃពោះ និងបំបៅដោះកូន កុំភ័យខ្លាចការចាក់វ៉ាក់សាំងកូវីដ គ្មានផលប៉ះពាល់ដល់ទារកឡើយ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)