ព័ត៌មានអន្ដរជាតិ
អាមេរិកផ្តល់៥០លានដុល្លារដល់មីយ៉ាន់ម៉ា និង៥លានដុល្លារដល់ថៃ
សហរដ្ឋអាមេរិកបាននិយាយនៅថ្ងៃអង្គារ៍ ទី១០ ខែសីហា ម្សិលមិញថា ខ្លួនកំពុងផ្តល់ប្រាក់ជាង៥០លានដុល្លារអាមេរិកដល់ប្រទេសមីយ៉ាន់ម៉ានៅពេលកូវីដ-១៩បានកំពុងរាតត្បាតខ្លាំងបានធ្វើឲ្យកើតមានវិបត្តិមនុស្សធម៌ដ៏អាក្រក់ បន្ទាប់ពីមេដឹកនាំបានផ្តួលរំលំមេដឹកនាំជាប់ឆ្នោតកាលពីដើមឆ្នាំនេះ។
អ្នកនាំពាក្យក្រសួងការបរទេសអាមេរិកលោក Ned Price និយាយក្នុងសេចក្តីប្រកាសមួយថា អាមេរិកក៏នឹងផ្តល់ជំនួយដល់ប្រទេសថៃ៥លានដុល្លារអាមេរិកដើម្បីដោះស្រាយវិបត្តិកូវីដ-១៩។ ឯកអគ្គរដ្ឋទូតអាមេរិកប្រចាំនៅអង្គការសហប្រជាជាតិលោក Linda Thomas Greenfield បានប្រកាសការផ្តល់ជំនួយដល់ថៃនៅពេលដំណើរទស្សនកិច្ចមួយទៅប្រទេសនេះ។
ក្រសួងការបរទេសអាមេរិកបានឲ្យដឹងថា នៅក្នុងប្រទេសមីយ៉ាន់ម៉ា ជំនួយអាមេរិកនឹងជួយដល់ដល់អ្នកដែលរត់គេចពីហិង្សា និងការធ្វើទុក្ខបុកម្នេញ ព្រមទាំងជួយដល់ក្រុមដែលផ្តល់សេវាថែទាំសុខភាពបន្ថែមលើអាហារ ជម្រក និងទឹក។
លោក Price បាននិយាយថា ៖«ជំនួយថវិកានេះបានមកនៅចំពេលសារៈសំខាន់នៃតម្រូវការមនុស្សធម៌កំពុងកើនឡើង ហើយនឹងជួយកាត់បន្ថយផលប៉ះពាល់នៃកូវីដ-១៩ដល់អាយុជីវិតមនុស្សទាំងនៅប្រទេសថៃ និងមីយ៉ាន់ម៉ា។ ចាប់តាំងពីរដ្ឋប្រហារថ្ងៃទី១កុម្ភៈមក ប្រជាជនមីយ៉ាន់ម៉ាបានបន្តរត់ចេញពីផ្ទះសម្បែងរបស់ខ្លួនដោយសារហិង្សា»។
រយៈពេល៦ខែ បន្ទាប់ពីយោធាកាន់កាប់អំណាចមក សេដ្ឋកិច្ចមីយ៉ាន់ម៉ាបានដួលរលំ ហើយប្រព័ន្ធសុខាភិបាលត្រូវបានដុនដាបដោយកូវីដ-១៩។
នៅប្រទេសថៃ ករណីឆ្លងថ្មីជាមធ្យមឈានដល់កម្រិតខ្ពស់បំផុតរបស់ខ្លួនដែលមានជាង២០៤០០នាក់ជារៀងរាល់ថ្ងៃ៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore