ព័ត៌មានអន្ដរជាតិ
អ្នកជំនាញ៖ ចំពោះស្ត្រីឆ្លងកូវីដក្នុងអំឡុងពេលមានផ្ទៃពោះ អាចប្រឈមនឹងកើតកូនមិនគ្រប់ខែឬឈានដល់ស្លាប់
យោងតាមការសិក្សាមួយដែលចេញផ្សាយដោយសារព័ត៌មាន JAMA Network Open បានឲ្យដឹងថា ស្ត្រីមានផ្ទៃពោះប្រហែលជា ៤០ ភាគរយ ហើយមានជំងឺកូវីដក្នុងខ្លួន ទំនងជាសម្រាលកូនមិនគ្របខែ ឬបើធ្ងន់នឹងឈានដល់ចូល ICU ។
ក្រុមអ្នកស្រាវជ្រាវបាននិយាយថា ពួកគេក៏បានរកឃើញថា កូវីដបង្កហានិភ័យខ្ពស់ជាង ៥ ដង ចំពោះការព្យាបាលដោយយកចិត្តទុកដាក់ខ្ពស់ អំឡុងពេលសម្រាលកូន និងមានហានិភ័យខ្ពស់ជាងការស្លាប់ប្រហែល ១៥ ដង ខណៈពេលដែលកំពុងសម្រាកព្យាបាលនៅមន្ទីរពេទ្យ។
វេជ្ជបណ្ឌិត Ninh T. Nguyen ប្រធាននាយកដ្ឋានវះកាត់នៅសាកលវិទ្យាល័យកាលីហ្វ័រញ៉ា បានប្រាប់សារព័ត៌មាន UPI ថា ” សម្រាប់ម្តាយដែលកំពុងពពោះ វាមានសារៈសំខាន់ណាស់ក្នុងការចាត់វិធានការដើម្បីកាត់បន្ថយហានិភ័យនៃការឆ្លងជំងឺកូវីដ ។ ការឆ្លងមេរោគនៅពេលសម្រាលកូន ត្រូវបានផ្សារភ្ជាប់ជាមួយនឹងហានិភ័យខ្ពស់នៃការចូលបន្ទប់ ICU ការសម្រាលកូនមិនគ្រប់ខែ និងសូម្បីតែការស្លាប់ ” ។
សូម្បីតែការសិក្សាមួយដែលត្រូវបានបោះពុម្ពផ្សាយក្នុងខែ មេសា ដោយសារព័ត៌មាន JAMA Pediatrics បានរកឃើញថា ស្ត្រីមានផ្ទៃពោះដែលមានជំងឺនេះ មានហានិភ័យកើនឡើងនៃផលវិបាកដូចជា ជំងឺលើសឈាម ជំងឺក្រឡាភ្លើង និងសម្រាលកូនមិនគ្រប់ខែ បើប្រៀបធៀបទៅនឹងអ្នកដែលមិនឆ្លង។
ចំពោះការសិក្សានេះលោក Nguyen និងសហការីបានពិនិត្យទិន្នន័យសុខភាពស្ត្រីមានផ្ទៃពោះជិត ៨៧ ម៉ឺននាក់ ដែលសម្រាលកូននៅមន្ទីរពេទ្យទូទាំងប្រទេស ចន្លោះថ្ងៃទី ១ ខែ មីនា ឆ្នាំ ២០២០ និងថ្ងៃទី ២៨ ខែ កុម្ភៈ ឆ្នាំនេះ។
អ្នកស្រាវជ្រាវបាននិយាយថា ជិត ១៩,០០០ នាក់ ឬជាង ២ភាគរយ បានធ្វើតេស្តវិជ្ជមានមុនពេលសម្រាលកូន។ មានតែស្ត្រីជាង ១៦ ភាគរយប៉ុណ្ណោះ ដែលបានសម្រាលកូនមិនគ្រប់ខែ បើប្រៀបធៀបទៅនឹងអ្នកដែលមិនឆ្លងមេរោគតិចជាង ១២ ភាគរយ។ ប្រហែល ៥ភាគរយ នៃស្ត្រីមានផ្ទៃពោះដែលមានកូវីដ ត្រូវចូលបន្ទប់ ICU កំឡុងពេលសម្រាលកូន ខណៈដែលមានតែ ១ភាគរយ នៃអ្នកដែលមិនមានជំងឺ ត្រូវការការថែទាំកម្រិតនេះ។ ចំណែក ២ភាគរយនៃស្ត្រីមានផ្ទៃពោះដែលឆ្លង ត្រូវការការដកដង្ហើម ឬខ្យល់ចេញចូលតាមមេកានិច ដើម្បីរក្សាដង្ហើម បើប្រៀបធៀបនឹង ០,១ភាគរយនៃអ្នកមិនឆ្លង។
លើសពីនេះទៀត ម្ដាយដែលមានកូវីដ ចំនួន ២៤ នាក់ឬ ០,១ភាគរយ បានលាប់នៅក្នុងមន្ទីរពេទ្យ ដោយបង្កើនអត្រាមរណភាពប្រហែល ១០ ដង ខ្ពស់ជាងស្ត្រីដែលគ្មានមេរោគ៕
ប្រែសម្រួល៖ សាង ស្រីល័ក្ខ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ