ព័ត៌មានអន្ដរជាតិ
ខណៈវីរុស Delta កំពុងអុកឡុក ហ្វីលីពីន ពង្រីកការហាមឃាត់អ្នកដំណើរពីប្រទេសចំនួន ១០ ក្នុងនោះក៏មាន ថៃ ផងដែរ
លោក Harry Roque អ្នកនាំពាក្យប្រធានាធិបតីហ្វីលីពីនបាននិយាយនៅថ្ងៃសុក្រនេះថា ប្រទេសហ្វីលីពីននឹងពង្រីកការហាមឃាត់អ្នកដំណើរមកពីឥណ្ឌា និងប្រទេសចំនួន ៩ ផ្សេងទៀតរហូតដល់ចុងខែសីហានេះ ដោយសារតែការព្រួយបារម្ភដែលបង្កឡើងដោយ ការរីករាលដាលយ៉ាងខ្លាំងនៃវីរុសបំប្លែងខ្លួនឥណ្ឌា “Delta” ។
អាជ្ញាធរហ្វីលីពីនកំពុងព្យាយាមទប់ស្កាត់ករណីឆ្លងជំងឺកូវីដ ១៩ ដែលកំពុងឡើងដល់កម្រិតខ្ពស់បំផុតក្នុងរយៈពេល ៤ ខែ ដោយការឆ្លងកើនលើសពី ១២,០០០ ករណីក្នុងរយៈពេល ២ ថ្ងៃជាប់ៗគ្នាកាលពីថ្ងៃព្រហស្បតិ៍ ខណៈមន្ទីរពេទ្យនៅតំបន់មួយចំនួន ស្ទើរតែអស់សមត្ថភាពផ្ទុកអ្នកជំងឺហើយ ។
ការហាមឃាត់ការធ្វើដំណើរដែលត្រូវបានដាក់ចេញជាលើកដំបូង នៅថ្ងៃទី ២៧ ខែមេសា ត្រូវបានពង្រីកជាច្រើនលើក ហើយការពង្រីកថ្មីៗនេះបានដាក់ទៅលើប្រទេសដូចជា ប៉ាគីស្ថាន បង់ក្លាដែស ស្រីលង្កា នេប៉ាល់ អារ៉ាប់រួម អូម៉ង់ ថៃ ម៉ាឡេស៊ី និងឥណ្ឌូនេស៊ី ។
លោក Harry Roque បាននិយាយនៅក្នុងសេចក្តីថ្លែងការណ៍មួយថា លោកប្រធានាធិបតីលោក Rodrigo Duterte បានយល់ព្រមលើអនុសាសន៍របស់ក្រុមការងារការពារមេរោគឆ្លង ដើម្បីពន្យារការធ្វើដំណើរចាប់ពីថ្ងៃទី ១៦ ខែសីហាដល់ថ្ងៃទី ៣១ ខែសីហា ។
ទន្ទឹមនោះ ចលនាធ្វើដំណើរនៅទីក្រុងម៉ានីល ដែលជាទីក្រុងមួយក្នុងចំណោមទីក្រុងចំនួន ១៦ ដែលមានប្រជាជនចំនួន ១៣ លាននាក់ត្រូវបានរឹតត្បិតក្រោមការបិទខ្ទប់យ៉ាងតឹងរ៉ឺង ដើម្បីព្យាយាមទប់ស្កាត់វីរុសបំប្លែងខ្លួនឥណ្ឌា Delta ខណៈដែលរដ្ឋាភិបាលកំពុងបង្កើនការចាក់វ៉ាក់សាំង ។
ដោយមានជាង ១០ ភាគរយនៃប្រជាជនចំនួន ១១០ លាននាក់របស់ប្រទេសនេះ បានចាក់វ៉ាក់សាំងពេញ ២ ដូស មនុស្សរាប់លាននាក់នៅតែងាយរងគ្រោះ ដោយសារការឆ្លងមេរោគ ចំពេលមានកិច្ចខិតខំប្រឹងប្រែងក្នុងការចាក់ថ្នាំបង្ការរហូតដល់ ៧០ លាននាក់ មុនដំណាច់ឆ្នាំ ។
គួរបញ្ជាក់ថា គិតត្រឹមពេលនេះ ប្រទេសហ្វីលីពីនបានកត់ត្រាករណីឆ្លងជំងឺកូវីដ ១៩ ជាង ១.៧ លានករណី និងមានអ្នកស្លាប់ជាង ២៩,៥០០ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី