ព័ត៌មានអន្ដរជាតិ
ខំជួយរាប់ឆ្នាំ ទីបំផុតអាមេរិក បោះបង់ចោលអ្នកបកប្រែនៅអាហ្វហ្គានីស្ថាន បែរជាជម្លៀសសត្វសុនខ
សត្វសុនខយោធា របស់កងកម្លាំងអាមេរិក កំពុងត្រូវបានជម្លៀសចេញពីប្រទេស អាហ្វហ្គានីស្ថាន។ សត្វទាំងនេះអាចត្រូវបានគេឃើញលើផ្លូវយន្តហោះ នៅឯអាកាសយានដ្ឋានក្រុងកាប៊ុល។
សត្វសុនខ និងម្ចាស់របស់ពួកគេ កំពុងរង់ចាំយន្តហោះមកយក ខណៈប្រជាជនអាហ្វហ្គានីស្ថានរាប់រយនាក់ ព្យាយាមរត់គេចពីពួកតាលីបង់។
មន្រ្តីយោធាជាន់ខ្ពស់អាមេរិកនិយាយថា អាកាសយានដ្ឋានអន្តរជាតិទីក្រុងនេះ ត្រូវបានបិទមិនឲ្យមានការហោះហើរពាណិជ្ជកម្ម ខណៈការជម្លៀសយោធានៅតែបន្ត។
ស្របពេលដែលសុនខយោធាអាមេរិក កំពុងត្រូវបានជម្លៀសចេញពីព្រលានយន្តហោះទីក្រុង កាប៊ុល, អ្នកបកប្រែជាជនជាតិអាហ្វហ្គានីស្ថានមួយចំនួន ដែលជួយកងកម្លាំងអាមេរិកនិងអង្គការណាតូ អស់រយៈពេល២០ឆ្នាំមកនេះ កំពុងប្រឈមមុខនឹងការធ្វើទុក្ខបុកម្នេញពីសំណាក់ក្រុមតាលីបង់។
បុរសអាហ្វហ្គានីស្ថានម្នាក់ឈ្មោះ Omar កំពុងជាប់នៅក្នុងទីក្រុង កាប៊ុល ជាមួយប្រពន្ធនិងកូន ៗ របស់គាត់។ គាត់បានបម្រើការជាអ្នកបកប្រែសម័យសង្គ្រាមឲ្យសហរដ្ឋអាមេរិកនិងកងកម្លាំងសម្ព័ន្ធមិត្តអស់រយៈពេល ៥ ឆ្នាំ ប៉ុន្តែឥឡូវនេះគាត់និយាយថា សហរដ្ឋអាមេរិកបានទុកគាត់ចោល។
“ប្រធានាធិបតីសហរដ្ឋអាមេរិកនិយាយថា អ្នកឈរជាមួយយើងហើយយើងនឹងឈរជាមួយអ្នក។ តែឥឡូវ តើពួកគេនៅឯណា?”។
Omar បានដាក់ពាក្យសុំទិដ្ឋាការអាមេរិកនៅឆ្នាំ ២០១៦ ប៉ុន្តែត្រូវបានស្ថានទូតអាមេរិកបដិសេធដោយសារបញ្ហាមួយចំនួន។
ឥឡូវនេះ Omar ជឿថាពួកតាលីបង់នឹងដាក់ទណ្ឌកម្មអ្នកបកប្រែយ៉ាងធ្ងន់ធ្ងរ។ គាត់និយាយថា “សម្រាប់អ្នកបកប្រែភាសាអាមេរិក ក្រុមតាលីបង់នឹងមិនមានសេចក្តីមេត្តាករុណាទេ។ តាលីបង់និយាយកាលពីមុនថា អ្នកបកប្រែគឺជាភ្នែកនិងត្រចៀករបស់ជនជាតិអាមេរិក ដូច្នេះយើងនឹងទទួលទណ្ឌកម្មខុសៗគ្នា។
ក្នុងនាមជាអ្នកបកប្រែម្នាក់ ខ្ញុំបានជួយសង្គ្រោះជីវិតជនជាតិអាមេរិកជាច្រើននាក់ តែទីបំផុត ពួកគេបានទុកខ្ញុំចោល។ ឥឡូវនេះ គ្រួសារខ្ញុំនិងខ្ញុំជិតត្រូវគេសម្លាប់ហើយ៕
ប្រែសម្រួល៖ Vann Vann
ប្រភព៖ Mirror, Min
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល