ខ្លោចចិត្ត! ម្តាយអាហ្វហ្គានីស្ថាន បោះកូនៗលើបន្លាលួស ឲ្យទាហាន ជួយយកទៅកន្លែងសុវត្ថិភាព

ស្រ្តីជាម្តាយជនជាតិអាហ្វហ្គានីស្ថាន បានបោះកូនៗរបស់ពួកគេលើបន្លាលួស នៅអាកាសយានដ្ឋានក្រុងកាប៊ុល ខណៈពួកគេអង្វរទាហានឆត្រយោងអង់គ្លេស ឲ្យនាំកូនៗទៅកាន់ទីសុវត្ថិភាព។

ឈុតឆាកហិង្សានេះ បានលាតត្រដាង នៅលើផ្លូវមួយឆ្ពោះទៅកាន់អាកាសយានដ្ឋានអន្តរជាតិ Hamid Karzai ស្របពេលប្រជាជន ព្យាយាមរត់គេចខ្លួនដើម្បីអនាគត ព្រោះមិនចង់រស់នៅក្រោមការគ្រប់គ្រងរបស់ក្រុមសកម្មប្រយុទ្ធនេះ។

ច្រកចូលសណ្ឋាគារ Baron បានក្លាយជាចំណុចសំខាន់ ដែលជនជាតិអាហ្វហ្គានីស្ថានស្វែងរកការជ្រកកោននៅចក្រភពអង់គ្លេស បានប្រមូលផ្តុំគ្នាជាមួយក្តីសង្ឃឹមថា នឹងត្រូវបានដឹកតាមយន្តហោះឆ្ពោះទៅកាន់ទីសុវត្ថិភាព។ ទីនោះ ត្រូវបានការពារដោយកងវរសេនាធំឆត្រយោង។

មន្រ្តីម្នាក់បានប្រាប់សារព័ត៌មាន Independent ថា “ម្តាយៗទាំងនោះអស់សង្ឃឹម ពួកគេត្រូវបានពួកតាលីបង់វាយដំ។ ពួកគេបានស្រែកថា “ជួយសង្គ្រោះកូនខ្ញុំផង” ហើយបោះកូនៗមកយើង។ ទារកខ្លះបានធ្លាក់លើបន្លាលួស។ វាគួរឲ្យភ័យខ្លាចណាស់ ចំពោះអ្វីដែលបានកើតឡើង៕

វីដេអូ៖

ប្រែសម្រួល៖ Vann Vann

ប្រភព៖ Metro

ចុចអាន៖ នឹងមានអ្វីកើតឡើង? ចិនធ្វើសមយុទ្ធបាញ់គ្រាប់ពិត, តៃវ៉ាន់បារម្ភ ពេលឃើញស្ថានការណ៍នៅ អាហ្វហ្គានីស្ថាន