ព័ត៌មានអន្ដរជាតិ
ទោះជាពីកូវីដ តែប្រជាជនអង់គ្លេសរាប់សែននាក់ បន្តរោគសញ្ញារយៈពេលយូរ ប៉ះពាល់ជីវិតរស់នៅ
តួលេខនៃការសិក្សាថ្មីមួយបង្ហាញថា មនុស្សរាប់សែននាក់នៅទូទាំងចក្រភពអង់គ្លេសដែលធ្លាប់ឆ្លងកូវីដ-១៩ បន្តរោគសញ្ញារយៈពេលយូរ ព្រមទាំងកំពុងបង្កផលរំខានចំពោះការរស់នៅរបស់ពួកគេ។
ទិន្នន័យពីអ្នកស្រាវជ្រាវមកពីសាកលវិទ្យាល័យ Oxford រកឃើញមនុស្សជិតមួយលាននាក់កំពុងទទួលរងរោគសញ្ញាកូវីដ-១៩ លើសពី ៤ សប្ដាហ៍ ក្រោយចេញពីមន្ទីរពេទ្យ។
មនុស្សភាគច្រើន ពោលគឺប្រមាណ ២ ភាគ ៣ នៃអ្នកជាសះស្បើយសរុប បាននិយាយថា ពួកគេអសមត្ថភាពក្នុងការអនុវត្តកិច្ចការប្រចាំថ្ងៃ ដែលការរំខាននេះបណ្ដាលមកពីរាងកាយបន្តរោគសញ្ញាកូវីដ-១៩រួមមាន អស់កម្លាំង វិលមុខ ដង្ហើមខ្លី និងជ្រុះសក់។ បន្ថែមពីនោះ អ្នកខ្លះដកដង្ហើមញាប់ ព្រមទាំងឈឺសាច់ដុំទៀតផង។
ទិន្នន័យផ្សេងទៀត បង្ហាញថា មនុស្សម្នាក់ក្នុងចំណោម ៣ នាក់ ទទួលរងសម្ពាធផ្លូវចិត្តឬបញ្ហាផ្នែកសរសៃប្រសាទរយៈពេល ៦ ខែ ក្រោយជាសះស្បើយពីកូវីដ-១៩ ។ នេះបើយោងតាមការស្រាវជ្រាវដែលចេញផ្សាយដោយអ្នកស្រាវជា្រវជនជាតិបារាំង។
ភ្ជាប់ជាមួយករណីខាងលើ លោក Paul Harrison អ្នកនិពន្ធអត្ថបទវេជ្ជសាស្ត្រមកពីសាកលវិទ្យាល័យ Oxford និយាយថា ហានិភ័យប្រព័ន្ធសរសៃប្រសាទបណ្ដាលមកពីវីរុសកូវីដ-១៩ ភាគច្រើនកើតឡើងចំពោះអ្នកជំងឺរ៉ាំរ៉ៃប៉ុណ្ណោះ។
ចំណែកការស្រាវជ្រាវមួយទៀតរកឃើញថា អ្នកជំងឺដែលបានជាសះស្បើយពីកូវីដ-១៩ មួយចំនួនតូច ពោលគឺជិត ៤ភាគរយ បន្តបាត់បង់ក្លិនរហូតដល់មួយឆ្នាំ។
អាការនៃការបាត់បង់ក្លិនជារោគសញ្ញាទូទៅមួយនៃជំងឺកូវីដ-១៩ ហើយសម្រាប់មនុស្សជាច្រើននឹងអាចហិតក្លិនជាធម្មតាវិញ ក្រោយជាសះស្បើយបានមួយខែ។ ផ្ទុយទៅវិញ អ្នកជំងឺប្រមាណ ៤ ភាគរយដែលជាសះស្បើយពីកូវីដ-១៩ នៅតែមិនអាចស្រង់ក្លិនដូចដើមឡើយ ដែលអាការនេះមានរយៈពេលយ៉ាងហោចមួយឆ្នាំ ក្រោយចេញពីមន្ទីរពេទ្យ។
ការសិក្សាដែលចេញផ្សាយនៅក្នុងទស្សនាវដ្ដី JAMA Network Open បានបញ្ជាក់ថា អ្នកជំងឺមួយភាគធំអាចស្រង់ក្លិនជាធម្មតាឡើងវិញបន្ទាប់ពីរយៈពេល ១ ខែឬយ៉ាងយូរ ៤ខែប៉ុណ្ណោះ ច្រមុះពួកគេនឹងជាប្រក្រតី។ ដោយឡែក មនុស្សម្នាក់ក្នុងចំណោម ៣០នាក់នៅតែមានបញ្ហាជាមួយការហិតក្លិនរយៈពេលយូរ។
ពាក់ព័ន្ធករណីនេះដែរ អ្នកជំនាញមកពីសាកលវិទ្យាល័យ Oxford និងសាលាវេជ្ជសាស្ត្រនិងអនាម័យទីក្រុងឡុងដ៍ បានបញ្ជាក់ថា ទាំងអ្នកដែលមិនចូលមន្ទីរពេទ្យ ឬព្យាបាលនៅមន្ទីរពេទ្យ សុទ្ធតែមានហានិភ័យក្នុងការវិវត្តទៅរកស្ថានភាពទន់ខ្សោយដោយសារកូវីដ-១៩ រយៈពេលយូរ។ ក្នុងនោះពួកគេត្រូវការការថែទាំរយៈពេលច្រើនខែ ទើបអាចជាសះស្បើយពេញលេញឡើងវិញ៕
ប្រែសម្រួល៖ សន្យា
ចុចអាន៖ ការសិក្សាបង្ហាញថា កូវីដ-១៩ អាចបំផ្លាញថ្លើមធ្ងន់ធ្ងរ និងបង្កជាអាប់សែ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ