អង់គ្លេស អនុម័តឲ្យប្រើប្រាស់ថ្នាំមួយប្រភេទព្យាបាលកូវីដជាលើកដំបូង

និយតករសុខភាពចក្រភពអង់គ្លេសបាននិយាយនៅថ្ងៃសុក្រនេះថា ខ្លួនបានអនុម័តឲ្យប្រើប្រាស់ថ្នាំ Ronapreve ដែលជាថ្នាំអង់ទីគ័របង្កើតឡើងដោយក្រុមហ៊ុនអាមេរិក Roche និង Regeneron ដើម្បីការពារ និងព្យាបាលជំងឺកូវីដ ១៩ ។

ទីភ្នាក់ងារវេជ្ជសាស្ត្រអង់គ្លេស (MHRA) បាននិយាយថា ការអនុម័តថ្នាំនេះ គឺជាលើកទីមួយហើយនៅចក្រភពអង់គ្លេស សម្រាប់ការព្យាបាលអង់ទីគ័រ monoclonal ដែលបណ្តាលមកពីជំងឺកូវីដ ១៩ ។

ថ្នាំនេះអាចបន្សាបជំងឺកូវីដ ១៩ នៅក្នុងខ្លួនអ្នកជំងឺ និងគ្រប់គ្រងសរសៃប្រសាទរបស់ប្រូតេអ៊ីននៃជំងឺ ជំងឺកូវីដ ១៩ ហើយថ្នាំនេះក៏នឹងការពារដល់ការប្រែប្រួលហ្សែន ដែលធ្វើឲ្យមានវីរុសបំប្លែងខ្លួនផ្សេងៗគ្នាផងដែរ ។

ប៉ុន្តែទោះជាយ៉ាងណា ថ្នាំប្រភេទនេះហាក់គ្មានប្រសិទ្ធភាពជាមួយអ្នកជំងឺកូវីដ ១៩ ដែលឈឺធ្ងន់ធ្ងរសម្រាកព្យាបាលនៅមន្ទីរពេទ្យឡើយ ពោលវាផ្ដោតសំខាន់សម្រាប់តែអ្នកជំងឺកម្រិតស្រាល ឬមធ្យមប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ អង់គ្លេស ផ្ទុះវីរុសកូវីដបំប្លែងខ្លួនមួយទៀត ជាប្រភេទមេរោគមិនខ្លាចវ៉ាក់សាំង