ព័ត៌មានអន្ដរជាតិ
ត្រាំ ៖ លោក បៃដិន ធ្វើដូចមិនមានរឿងអី ស្របពេលអាហ្វហ្គានីស្ថានកំពុងធ្លាក់នរក
អតីតប្រធានាធិបតីអាមេរិកលោក ដូណាល់ ត្រាំ បានប្រាប់អ្នកគាំទ្ររបស់លោកនៅទីក្រុង Cullman រដ្ឋ Alabama ថាការវិវត្តថ្មីៗនៅអាហ្វហ្គានីស្ថានគឺជាបរាជ័យដ៏ធំមួយ នៃគោលនយោបាយការបរទេសរបស់រដ្ឋបាលអាមេរិកបច្ចុប្បន្ន និងការបរាជ័យផ្នែកយោធាដ៏ធំមួយ ដែលបង្ហាញពីអសមត្ថភាពរបស់ទីក្រុងវ៉ាស៊ីនតោន ។
លោក ត្រាំ បាននិយាយនៅឯការជួបជុំ Save America កាលពីថ្ងៃសៅរ៍នៅទីក្រុង Cullman ថា ឥឡូវនេះពិភពលោកកំពុងសម្លឹងមើលទីក្រុងវ៉ាស៊ីនតោនដោយគិតថា “តើនរកបានកើតឡើងយ៉ាងដូចម្តេចចំពោះសហរដ្ឋអាមេរិក?”
អតីតប្រធានាធិបតីរូបនេះបាននិយាយថា ស្ថានការណ៍នៅអាហ្វហ្គានីស្ថាននឹងធ្លាក់ចុះ ហើយវាជា “ភាពអាម៉ាស់ដ៏ធំបំផុតមួយ” និង “ភាពអាម៉ាស់មុខនៃគោលនយោបាយការបរទេសដ៏ធំបំផុត” នៅក្នុងប្រវត្តិសាស្ត្រអាមេរិក ។
លោក ត្រាំ បានចោទប្រកាន់ប្រធានាធិបតីអាមេរិកលោក ចូ បៃដិន ថាបានចុះចាញ់មូលដ្ឋានទ័ពអាមេរិកនៅអាហ្វហ្គានីស្ថាន ដោយសង្កត់ធ្ងន់ថា កងទ័ពអាមេរិកកំពុងទុកឧបករណ៍យោធាដែលមានតម្លៃ ៨៣ ពាន់លានដុល្លារនៅពីក្រោយ ។
លោក ត្រាំ បាននិយាយថា វាជាការបរាជ័យផ្នែកយោធាដ៏ធំមួយ ដោយហៅការដកកងទ័ពរបស់អាមេរិកថាជា “ការចុះចាញ់ទាំងស្រុង” និង “អសមត្ថភាពសរុបរបស់មេដឹកនាំប្រទេស” ។ លោក ត្រាំ បានសង្កត់ធ្ងន់ថា ក្រោមការដឹកនាំរបស់លោក រឿងនេះនឹងមិនដែលកើតឡើងឡើយ ។
លោក ត្រាំ បញ្ជាក់បន្ថែមថា “លោក បៃដិន កំពុងដើរលេង ស្របពេលដែលអាហ្វហ្គានីស្ថានកំពុងធ្លាក់នរក” ។
គួរបញ្ជាក់ថា កាលពីថ្ងៃទី ១៥ ខែសីហា ក្រុមតាលីបង់បានចូលរដ្ឋធានីកាប៊ុលរបស់អាហ្វហ្គានីស្ថាន ។ លោកប្រធានាធិបតី Ashraf Ghani បានលាលែងពីតំណែង ហើយភៀសខ្លួនចេញពីប្រទេសដើម្បីបញ្ចៀសការបង្ហូរឈាម ប្រសិនបើក្រុមបះបោរត្រូវប្រយុទ្ធដើម្បីទីក្រុងនេះ ខណៈប្រទេសភាគច្រើនបានកាត់បន្ថយ ឬជម្លៀសបេសកកម្មការទូតរបស់ខ្លួននៅទីក្រុងកាប៊ុល ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ៥ រឿងតាមដាន លោក ចូ បៃដិន ជុំវិញស្ថានភាពអាហ្វហ្គានីស្ថានសប្តាហ៍នេះ
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ