Connect with us

ព័ត៌មានអន្ដរជាតិ

ប្រធាន CIA ជួបប្រជុំយ៉ាងសម្ងាត់ជាមួយមេដឹកនាំ តាលីបង់ នៅទីក្រុងកាប៊ុល

បានផុស

នៅ

ប្រព័ន្ធផ្សព្វផ្សាយអាមេរិកបានរាយការណ៍កាលពីថ្ងៃអង្គារថា នាយកទីភ្នាក់ងារចារកម្មអាមេរិក (CIA) លោក William Burns បានជួបប្រជុំជាសម្ងាត់មួយជាមួយមេដឹកនាំជាន់ខ្ពស់តាលីបង់លោក Abdul Ghani Baradar នៅទីក្រុងកាប៊ុល ។

លោក William Burns មេ CIA (ឆ្វេង) និងលោក Abdul Ghani Baradar មេដឹកនាំតាលីបង់
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយដកស្រង់សម្តីមន្រ្តីដែលដឹងពីបញ្ហានេះ ប្រព័ន្ធផ្សព្វផ្សាយជាច្រើនបាននិយាយថា កិច្ចប្រជុំរវាងលោក Burns និងលោក Baradar គឺជាការប្រឈមមុខដាក់គ្នាកម្រិតខ្ពស់បំផុតរវាងរដ្ឋបាលលោក Biden និងតាលីបង់រហូតមកដល់បច្ចុប្បន្ន ។

កាសែត Washington Post បានរាយការណ៍ជាលើកដំបូងអំពីកិច្ចប្រជុំសម្ងាត់នេះ ហើយវាទំនងជាគ្របដណ្តប់លើបញ្ហានៃកាលបរិច្ឆេទការដកទ័ពនៅថ្ងៃទី ៣១ ខែសីហាខាងមុខនេះ ដើម្បីបញ្ចប់ប្រតិបត្តិការជម្លៀសនៅអាហ្វហ្គានីស្ថាន ។

ទន្ទឹមនោះ ទីប្រឹក្សាសន្តិសុខជាតិអាមេរិកលោក Jake Sullivan បាននិយាយកាលពីថ្ងៃចន្ទថា សហរដ្ឋអាមេរិកកំពុងចូលរួមជាមួយក្រុមតាលីបង់ជារៀងរាល់ថ្ងៃ តាមរយៈបណ្តាញនយោបាយ និងសន្តិសុខ ។

ស្របពេលជាមួយគ្នានេះ លោកប្រធានាធិបតី Joe Biden កំពុងប្រឈមមុខនឹងសម្ពាធទាំងក្នុង និងក្រៅប្រទេសពាក់ព័ន្ធការពង្រីកការជម្លៀសដល់ហួសថ្ងៃទី ៣១ ខែសីហា ជាថ្ងៃដែលលោកបានកំណត់បញ្ចប់បេសកកម្មយោធាអាមេរិកនៅអាហ្វហ្គានីស្ថាន ។

ចំណែកអ្នកនាំពាក្យតាលីបង់លោក Zabihullah Mujahid បានបញ្ជាក់យ៉ាងច្បាស់នៅក្នុងសន្និសីទសារព័ត៌មានមួយកាលពីថ្ងៃអង្គារថា សហរដ្ឋអាមេរិកគួរតែដកកងទ័ព និងអ្នកម៉ៅការទាំងអស់ចេញមុនថ្ងៃផុតកំណត់ទី ៣១ ខែសីហា ។ អ្នកនាំពាក្យរូបនេះក៏បាននិយាយផងដែរថា ពលរដ្ឋអាហ្វហ្គានីស្ថាននឹងមិនត្រូវបានអនុញ្ញាតឲ្យចាកចេញពីប្រទេសនេះទេ តាមរយៈដំណើរការជម្លៀសរបស់អាមេរិក បន្ទាប់ពីថ្ងៃផុតកំណត់ ។

សហរដ្ឋអាមេរិកកំពុងព្យាយាមជម្លៀសជនជាតិអាមេរិក និងដៃគូអាហ្វហ្គានីស្ថានរបស់ខ្លួនចេញពីប្រទេស ចាប់តាំងពីក្រុមតាលីបង់បានចូលរដ្ឋធានីកាប៊ុលកាលពីថ្ងៃទី ១៥ ខែសីហា ខណៈសេតវិមានបាននិយាយកាលពីថ្ងៃអង្គារថា មនុស្សប្រហែល ២,៦០០ នាក់ត្រូវបានជម្លៀសចេញក្នុងរយៈពេល ២៤ ម៉ោងដែលបានបញ្ចប់នៅព្រឹកថ្ងៃអង្គារ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ តាលីបង់ ហាមផ្ដាច់ប្រជាជនអាហ្វហ្គានីស្ថានមិនឲ្យម្នាក់ណាទៅព្រលានយន្តហោះក្រុងកាប៊ុល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

សេចក្ដីជូនដំណឹង១ ម៉ោង មុន

សេចក្ដីជូនដំណឹងស្ដីពីការអញ្ជើញចូលរួមដេញថ្លៃគម្រោងទិញឧបករណ៍បញ្ជូនស៊ីញ៉ាល់ប្រចាំឆ្នាំ២០២៤

ព័ត៌មានជាតិ២ ម៉ោង មុន

សារមន្ទីរព្រះស្រីឦសានវរ្ម័ន ចាប់ដៃគ្នាជាមួយសមាគមធនាគារនៅកម្ពុជា ដើម្បីលើកកម្ពស់ចំណេះដឹងហិរញ្ញវត្ថុយុវជន

ព័ត៌មានអន្ដរជាតិ២ ម៉ោង មុន

Breaking News! ប្រធានាធិបតី វៀតណាម ប្រកាសលាលែងពីតំណែង

ជីវិតកម្សាន្ដ២ ម៉ោង មុន

នេន ទុំ ប្រកាស​ផលិតចម្រៀង​បន្សល់ទុកស្នាដៃចុងក្រោយដល់​វីរ:សិល្បករអាយ៉ៃលោក ព្រហ្ម ម៉ាញ 

Sokha Hotels

ព័ត៌មានពេញនិយម