ព័ត៌មានអន្ដរជាតិ
សន្ទុះនៃការចាក់វ៉ាក់សាំងយឺតយ៉ាវ ធ្វើឱ្យសេដ្ឋកិច្ចពិភពលោកខាតបង់ជាង ២ ទ្រីលានដុល្លារ
ភាពយឺតយ៉ាវលើយុទ្ធនាការចាក់វ៉ាក់សាំងការពារកូវីដ-១៩ នឹងធ្វើឱ្យសេដ្ឋកិច្ចពិភពលោកខាតបង់ប្រាក់ប្រមាណជាង ២.៣ ទ្រីលានដុល្លារអាមេរិក។ នេះបើតាមការសិក្សាមួយរបស់អ្នកជំនាញសេដ្ឋកិច្ចបានលើកឡើង។
នៅក្នុងការសិក្សារបស់អង្គភាពស៊ើបអង្កេតសេដ្ឋកិច្ច (EIU) របស់បារាំង ប្រទេសកំពុងអភិវឌ្ឍន៍ ជាប្រទេសដែលត្រូវប្រឈមមុខនឹងការខាតបង់ទាំងនោះខ្លាំងជាងគេ។
របាយការណ៍មួយដែលទើបចេញផ្សាយដោយ EIU នៅថ្ងៃពុធនេះ បានគណនាថា នៅពាក់កណ្តាលឆ្នាំ ២០២២ខាងមុខ ប្រសិនប្រទេសណាបរាជ័យក្នុងការចាក់វ៉ាក់សាំងបានត្រឹមតែ ៦០ភាគរយនៃប្រជាជនសរុប ពួកគេនឹងទទួលរងការខាតបង់ស្មើនឹង ២ទ្រីលានអឺរ៉ូ (ជាង ២.៣ ទ្រីលានដុល្លារអាមេរិក) ក្នុងកំលុងឆ្នាំ ២០២២-២០២៥ ។
EIU ព្រមានថា ការពន្យារពេលយុទ្ធនាការចាក់វ៉ាក់សាំង អាចធ្វើឲ្យមនុស្សកាន់តែមានអារម្មណ៍មួរហ្មង ហើយបង្កើនហានិភ័យនៃភាពចលាចលសង្គមនៅបណ្តាប្រទេសកំពុងអភិវឌ្ឍន៍។ ក្នុងនោះតំបន់អាស៊ីប៉ាស៊ីហ្វិកនឹងក្លាយជាតំបន់ដែលរងផលប៉ះពាល់ធ្ងន់ធ្ងរបំផុតដែលស្មើនឹងជិតបីភាគបួននៃការខាតបង់សរុប។
យោងតាមការស្រាវជ្រាវបានឱ្យដឹងថា ប្រទេសដែលមានប្រាក់ចំណូលខ្ពស់មានប្រជាជនប្រមាណ ៦០ភាគរយហើយបានទទួលវ៉ាក់សាំងការពារជំងឺកូវីដ-១៩ យ៉ាងហោចណាស់មួយដូស នៅចុងខែសីហានេះ បើប្រៀបធៀបទៅប្រទេសក្រីក្រ ពួកគេទើបទទួលបាន ១ភាគរយប៉ុណ្ណោះ។
ដោយសារភាពយឺតយ៉ាវបែបនេះ ទើបនាំឱ្យអ្នកវិភាគសេដ្ឋកិច្ចបង្ហាញការព្រួយបារម្ភចំពោះបញ្ហាហិរញ្ញវត្ថុនិងពាណិជ្ជកម្មក្នុងបណ្ដាប្រទេសកំពុងអភិវឌ្ឍន៍ ជាពិសេសតំបន់សាហារ៉ា នៅអាហ្វ្រិក។
ការសិក្សានេះ ត្រូវបាន EIU ធ្វើឡើងដោយបញ្ចូលនូវការព្យាករណ៍អំពីពេលវេលានៃការចាក់វ៉ាក់សាំងជាមួយនឹងកំណើនផលិតផលក្នុងស្រុកសរុប នៅក្នុងប្រទេសចំនួន ២០០ ប្រទេសទូទាំងពិភពលោក៕
ប្រែសម្រួល៖ សន្យា
ប្រភព៖ Bangkok Post
ចុចអាន៖ លក្ខខណ្ឌតែមួយគត់ ដែលអាមេរិក ហ៊ានអះអាង អាចគ្រប់គ្រងកូវីដបាន ត្រឹមដើមឆ្នាំក្រោយ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង