ព័ត៌មានអន្ដរជាតិ
ប្រជាជនម៉ាឡេស៊ី សម្រុកទិញវ៉ាក់សាំងក្រដាស សែនឲ្យខ្មោច
ខណៈដែលពិភពលោកកំពុងប្រញាប់ប្រញាល់ចាក់វ៉ាក់សាំងដល់មនុស្ស ដើម្បីការពារជំងឺកូវីដ -១៩, ម្ចាស់ហាងមួយនៅប្រទេសម៉ាឡេស៊ី កំពុងសប្បាយកើបលុយ ដោយសារតែវ៉ាក់សាំងធ្វើពីក្រដាសរបស់គាត់ លក់ដាច់យ៉ាងខ្លាំង ព្រោះប្រជាជននាំគ្នាទិញយកទៅសែន អំឡុងពិធីបុណ្យសាសនាមួយ ដើម្បីគោរពវិញ្ញាណក្ខន្ធអ្នកស្លាប់។
ពិធីបុណ្យ Hungry Ghost festival ឬបុណ្យសែនក្បាលទឹក ត្រូវបានគេលើកឡើងអំពីជំនឿថា វិញ្ញាណអ្នកស្លាប់បានវិលត្រឡប់មកផែនដីវិញ ក្នុងខែទី ៧ នៃប្រតិទិនចន្ទគតិចិន។ ក្នុងអំឡុងពេលនេះ មនុស្សម្នាបានទុកអាហារសម្រាប់ខ្មោច ហើយដុតធូបនិងគ្រឿងបូជាដែលធ្វើពីក្រដាស ស្រដៀងទៅនឹងរបស់ពិតៗ។
ឆ្នាំនេះ ប្រអប់ដែលមានដាក់សឺរ៉ាំងមួយ និងវ៉ាក់សាំងចំនួនពីរដប ដែលធ្វើពីក្រដាស គឺស្ថិតក្នុងចំណោមរបស់ដែលលក់ដាច់បំផុតសម្រាប់ពិធីបុណ្យនេះ នៅឯហាងលក់គ្រឿងសែនរបស់លោក Raymond Shieh Siow Leong ក្នុងទីក្រុង Johor Bahru ភាគខាងត្បូងប្រទេសម៉ាឡេស៊ី។
លោក Shieh បាននិយាយថា “ស្ថានភាពកូវីដ នៅក្នុងប្រទេសរបស់យើងគឺធ្ងន់ធ្ងរណាស់ ហើយមនុស្សជាច្រើនបានស្លាប់មុនពេលទទួលថ្នាំបង្ការ”។
លោក Shieh បន្តថា គាត់បានចាប់ផ្តើមផលិតវ៉ាក់សាំងក្រដាស នៅដើមខែសីហា ដោយផលិតបានប្រហែល ៣០ ទៅ ៥០ ឈុតក្នុងមួយថ្ងៃ។ ឈុតនីមួយៗមានតម្លៃ ២២.៨០ រីងហ្គីត (៥.៤៥ ដុល្លារអាមេរិក) ហើយគិតមកដល់ពេលនេះ គាត់លក់បានជាង ២០០ ឈុតហើយ។
យើងបានផលិតវ៉ាក់សាំងក្រដាសនេះដើម្បីជាធ្វើតេស្តវិធីសាស្រ្តនៅលើទីផ្សារ ប៉ុន្តែយើងមិនរំពឹងថា នឹងមានប្រជាប្រិយភាពល្អបែបនេះនោះទេ។
ម៉ាឡេស៊ី គឺជាប្រទេសដែលមានអត្រាឆ្លងនិងស្លាប់ខ្ពស់ជាងគេបំផុតមួយ នៅអាស៊ីអាគ្នេយ៍ដោយមានករណីឆ្លងសរុបជិត ១.៦ លានករណី និងមានអ្នកស្លាប់ចំនួន ១៤,៨១៨ នាក់។ ប្រជាជនប្រមាណ ៥៧ភាគរយ បានទទួលវ៉ាក់សាំងការពារជំងឺកូវីដ ១៩ យ៉ាងតិចមួយដូស៕
ប្រែសម្រួល៖ Vann Vann
ប្រភព៖ Reuters
ចុចអាន៖ សម្ដេចតេជោ បញ្ជាដាច់ណាត់ មិនឲ្យផែនការចាក់វ៉ាក់សាំងរយីករយាក ដូចដំណាក់កាលចុងក្រោយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ