បង្ហាញ សមត្ថភាពអស្ចារ្យរបស់ប្រព័ន្ធការពារមីស៊ីលអាមេរិកដ៏ទំនើប ដែលបាញ់ទម្លាក់គ្រាប់រ៉ុកកែតនៅ កាប៊ុល ថ្ងៃមុន (មានវីដេអូ)

នេះគឺជាមនុស្សយន្តដ៏ទំនើបដូចក្នុងខ្សែភាពយន្ត Star Wars របស់អាមេរិក ដែលមានភារកិច្ចបាញ់ទម្លាក់គ្រាប់រ៉ុកកែតរបស់ក្រុមភេរវករជីហាដ ខណៈហោះសំដៅទៅកាន់ព្រលានយន្តហោះទីក្រុង កាប៊ុល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយកងទ័ពហៅវាថា R2 D2 តាមឈ្មោះរបស់តួអង្គ Star Wars, ប្រព័ន្ធការពារ C-RAM នេះ ​មានបំពាក់កាំភ្លើងយន្តដ៏មានឥទ្ធិពល ដែលអាចបាញ់បានរហូតដល់ ៤,៥០០ គ្រាប់ក្នុងមួយនាទី។

ប្រព័ន្ធការពារគ្រាប់រ៉ុកកែត កាំភ្លើងធំនិងកាំភ្លើងត្បាល់នេះ គឺប្រើរ៉ាដាដើម្បីចាប់សញ្ញា វាយតម្លៃនិងកម្ទេចមីស៊ីលដែលហោះជិតមកដល់ ហើយអាចបញ្ជាពីចម្ងាយបាន។ វាក៏អាចបង្វិលខ្លួនបានរហូតដល់ ៣០០ ដឺក្រេ ក្នុងល្បឿន ១១៥ ដឺក្រេក្នុងមួយវិនាទីផងដែរ។

វាត្រូវបានដាក់ឲ្យដំណើរការកាលពីថ្ងៃចន្ទ ដើម្បីបាញ់ទម្លាក់រ៉ុកកែតចំនួន ៥ គ្រាប់ដែលបាញ់សំដៅទៅអាកាសយានដ្ឋានអន្តរជាតិ Hamid Karzai ដោយក្រុមភេរវករ ISIS -K។ ក្រុមនេះ ជាអ្នកទទួលខុសត្រូវចំពោះការបំផ្ទុះគ្រាប់បែកអត្តឃាត ២ លើនៅព្រលានយន្តហោះ កាលពីសប្តាហ៍មុនដែលបានសម្លាប់មនុស្សយ៉ាងតិច ១៧០ នាក់រួមទាំងយោធាអាមេរិក ១៣ នាក់ផងដែរ។

លោកឧត្តមសេនីយ៍ Hank Taylor បាននិយាយថា ប្រព័ន្ធការពារមីស៊ីល C-RAM បានបង្ហាញពីឥទ្ធិពលនិងរារាំងការវាយប្រហារ។ គ្រាប់រ៉ុកកែត មិនមានផលប៉ះពាល់ដល់បេសកកម្មឬគ្រោះថ្នាក់ណាមួយ ចំពោះបុគ្គលិករបស់យើងទេ។

C-RAM ត្រូវបានបង្កើតឡើងក្នុងឆ្នាំ ២០០៤ ដើម្បីប្រឆាំងនឹងការបះបោរនៅអ៊ីរ៉ាក់ ហើយផ្អែកលើប្រព័ន្ធ Phalanx CIWS របស់កងទ័ពជើងទឹក។

យ៉ាងណាក្តី វាមានរយៈចម្ងាយខ្លីជាងឆ្ងាយណាស់បើប្រៀបធៀបជាមួយនឹង Iron Dome ដែលជាប្រព័ន្ធ អ៊ីស្រាអែលប្រើដើម្បីបាញ់រ៉ុកកែត របស់ក្រុមហាម៉ាសនៅហ្គាហ្សា៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ អង់គ្លេស ប្រកាសច្បាស់ៗនឹងវាយប្រហារប្រឆាំងក្រុម ISIS នៅអាហ្វហ្គានីស្ថាន