មន្រ្តីជាន់ខ្ពស់ WHO ថា ការចាក់វ៉ាក់សាំងដូសទី៣ អាចជួយដល់បុគ្គលងាយរងគ្រោះ

មន្រ្តីជាន់ខ្ពស់នៃអង្គការសុខភាពពិភពលោក (WHO) និយាយនៅថ្ងៃចន្ទ ទី៣០ ខែសីហានេះថា ការចាក់វ៉ាក់សាំងការពារវីរុសកូវីដ-១៩ដូសជំរុញ ជាមធ្យោបាយមួយដើម្បីរក្សាសុវត្ថិភាពចំពោះបុគ្គលងាយរងគ្រោះ។

ប្រធានអង្គការសុខភាពពិភពលោកប្រចាំទ្វីបអឺរ៉ុបលោក Hans Kluge មានទស្សនវិជ្ជមានចំពោះការចាក់វ៉ាក់សាំងដូសជំរុញ ខណៈការវាយតម្លៃកន្លងមករបស់ស្ថាប័នសុខាភិបាលនៃអង្គការសហប្រជាជាតិហាក់មិនផ្ដល់ការគាំទ្រដល់ប្រទេសមួយចំនួនដែលកំពុងដំណើរការចាក់ដូសទី៣នោះទេ។

ប៉ុន្តែការលើកឡើងរបស់ប្រធានរូបនេះបែរជាមានភាពផ្ទុយគ្នាពីនោះ និងផ្ទូយពីអគ្គនាយក​ WHO លោក Tedros Ghebreyesus ដែលនិយាយថា ទិន្នន័យស្តីពីការចាក់លើកទី ៣ មិនទាន់មានភាពច្បាស់លាស់នៅឡើយ ហើយលោកបានអំពាវនាវឱ្យបញ្ឈប់ ដើម្បីទុកវ៉ាក់សាំងផ្គត់ផ្គង់ដល់ប្រទេសក្រីក្រ។

លោក Kluge ប្រាប់សន្និសីទសារព័ត៌មានអំពីការស្រាវជ្រាវជាច្រើនដែលបានរកឃើញថា ដូសទី ៣ អាចការពារបុគ្កលងាយរងគ្រោះខ្លាំងបំផុត។ ភស្តុតាងបន្ថែមទៀតនៅបណ្តាប្រទេសអ៊ឺរ៉ុប ដូសជំរុញមិនត្រឹមតែជួយជនងាយរងគ្រោះពីកូវីដ-១៩នោះទេ តែវាអាចជួយទប់ស្កាត់ការរីករាលដាលនៃកូវីដបំប្លែងខ្លួនប្រភេទ Delta ផងដែរ៕

ប្រែសម្រួល៖ សន្យា

ប្រភព៖ CNA

ចុចអាន៖ អ៊ីស្រាអែលប្រកាសថា មនុស្សគ្រប់រូបចាំបាច់ត្រូវចាក់វ៉ាក់សាំងកូវីដ ដូសទី៣

ចុចអាន៖ វៀតណាម ព្រមានអ្នកជំងឺកូវីដទាំងអស់ កុំប៉ះពាល់សត្វចិញ្ចឹមឲ្យសោះ