Connect with us

ព័ត៌មានអន្ដរជាតិ

តាលីបង់ អបអរការចាកចេញរបស់ណាតូ ដោយដង្ហែមឈូសគ្របទង់ជាតិអាមេរិក អង់គ្លេស និងបារាំង

បានផុស

នៅ

យុទ្ធជនតាលីបង់ និងអ្នកដែលគាំទ្រពួកគេបានដើរដង្ហែនៅតាមដងផ្លូវនៃទីក្រុងអាហ្វហ្គានីស្ថានជាច្រើន ដើម្បីអបអរសាទរការចាកចេញរបស់កងទ័ពណាតូត្រឹមតែមួយសប្តាហ៍ បន្ទាប់ពីកន្លែងទាំងនេះកន្លងមកត្រូវបានគេមើលឃើញមានតែការតវ៉ា ប្រឆាំងនឹងការគ្រប់គ្រងរបស់ក្រុមបះបោរប៉ុណ្ណោះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទីក្រុង Khost អ្នកស្រុករាប់ពាន់នាក់ និងយុទ្ធជនតាលីបង់បានកាន់មឈូសក្លែងក្លាយគ្របពីលើដោយទង់ជាតិអាមេរិក អង់គ្លេស បារាំង និងណាតូ ដែលបង្ហាញពីការដកកងកម្លាំងបរទេស និងជ័យជម្នះរបស់តាលីបង់ក្នុងការបណ្តេញពួកគេចេញពីអាហ្វហ្គានីស្ថាន ខណៈអ្នកខ្លះទៀតបានកាន់ទង់សនៃចលនាបះបោរ ដែលបានដណ្តើមអំណាចនៅក្នុងប្រទេសនៅថ្ងៃទី ១៥ ខែសីហា ។

ទន្ទឹមនោះ ក្រុមយុទ្ធជនតាលីបង់ដទៃទៀតក៏បានបើកឡានឆ្លងកាត់ទីក្រុង Kandahar ដែលជារដ្ឋធានីពីមុនរបស់ពួកគេ ក៏ដូចជាឆ្លងកាត់ហ្វូងមនុស្សដែលកាន់ទង់ជាតិពណ៌សនៃចលនារបស់ពួកគេ ។

ស្របពេលជាមួយគ្នានេះ ក្រុមសកម្មប្រយុទ្ធតាលីបង់ក៏កំពុងអបអរសាទរ ចំពោះការចាកចេញរបស់ទាហានអាមេរិកលើកចុងក្រោយនៅទីក្រុងកាប៊ុល ជាទីដែលសំឡេងកាំភ្លើង និងកាំជ្រួចត្រូវបានគេឮពេញមួយយប់ ពោលភ្លាមៗបន្ទាប់ពីយន្តហោះអាមេរិកបានហោះចេញ ។

លុះដល់ព្រឹកឡើងអ្នកនាំពាក្យតាលីបង់លោក Zabihullah Mujahid បានប្រកាស “ជ័យជម្នះ” លើកងកម្លាំងលោកខាងលិចដែលលោកហៅថាជា “មេរៀនដ៏ធំមួយសម្រាប់អ្នកឈ្លានពានដទៃទៀត និងជាមេរៀនសម្រាប់ពិភពលោក” ។

លោក Mujahid ក៏បាននិយាយពីអាកាសយានដ្ឋានក្រុងកាប៊ុល ដែលហ៊ុំព័ទ្ធដោយអ្នកប្រយុទ្ធនៃអង្គភាពវរជន ៣១៣ នាក់របស់ពួកតាលីបង់ កំពុងសម្ញែងអាវុធ ក៏ដូចជាស្លៀកពាក់ឯកសណ្ឋានយោធាអាមេរិកថាវាជា “ថ្ងៃប្រវត្តិសាស្ត្រ និងជាពេលវេលាប្រវត្តិសាស្ត្រ” ដែលសម្គាល់ការរំដោះអាហ្វហ្គានីស្ថានចេញពី “មហាអំណាច” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ អង់គ្លេស ប្រកាសច្បាស់ៗនឹងវាយប្រហារប្រឆាំងក្រុម ISIS នៅអាហ្វហ្គានីស្ថាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៨ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ១០ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ១១ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ១២ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១២ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ១០ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម