ព័ត៌មានអន្ដរជាតិ
ផ្លូវដែកឡាវ-ចិន នឹងចាប់ផ្តើមបើកដំណើរការនៅចុងឆ្នាំនេះ
ប្រធានសម្របសម្រួលផ្លូវដែកឡាវ-ចិននៅខេត្ត Luang Prabang ប្រទេសឡាវ លោក Khemkham Phongsavath បាននិយាយថា គម្រោងផ្លូវដែកឡាវ-ចិននឹងត្រូវសម្ពោធនៅថ្ងៃទី ២ ខែធ្នូ ឆ្នាំ ២០២១ ហើយវាតំណាងឲ្យកិច្ចព្រមព្រៀងរវាងរដ្ឋាភិបាលឡាវ និងចិន ។
លោកបាននិយាយថា វាក៏ដើម្បីលើកកម្ពស់កំណើនសេដ្ឋកិច្ចរវាងប្រទេសទាំងពីរ ដោះស្រាយបញ្ហាការធ្វើដំណើររបស់ប្រជាពលរដ្ឋ និងការដឹកជញ្ជូនទំនិញល្អ ព្រមទាំងការនាំចេញទំនិញទាំងនោះបានលឿន និងប្រសើរជាងមុនផងដែរ ។
អ្នកសម្របសម្រួលគម្រោងខាងលើបានបន្ថែមថា ទន្ទឹមនោះក៏មានបញ្ហាប្រឈមលើផ្លូវដែកផងដែរដូចជា ភូមិសាស្ត្រភ្នំ និងការដឹកជញ្ជូនពលករដែលមកពីប្រទេសឡាវ ដោយកត់សម្គាល់ថា តម្រូវការភាសាឡាវ និងចិនសម្រាប់អ្នកបកប្រែភាសាដើម្បីយល់ពីភាសាគ្នា គឺជាបញ្ហាប្រឈមដ៏ធំដែលធ្វើឲ្យយឺតយ៉ាវក្នុងការបញ្ចប់នៃគម្រោងចាប់ផ្តើមរបស់ខ្លួន ។
លោក Phongsavath បានសង្កត់ធ្ងន់ថា កិច្ចសហប្រតិបត្តិការផ្លូវដែកឡាវ-ចិននេះ គឺជាកិច្ចព្រមព្រៀងពីរដ្ឋាភិបាលទាំងពីរ ក៏ដូចជាដើម្បីលើកកម្ពស់សេដ្ឋកិច្ចសម្រាប់ប្រទេសទាំងពីរផងដែរ ។ ដូចដែលយើងឃើញសព្វថ្ងៃ ប្រជាជនឡាវក្នុងស្រុកនៅតែមានបញ្ហាជាមួយការដឹកជញ្ជូន និងការនាំចេញទំនិញ ។ ដូច្នេះផ្លូវដែកនេះអាចជួយឲ្យសេដ្ឋកិច្ចឡាវលូតលាស់លឿន បន្ទាប់ពីផ្លូវដែកត្រូវបានបញ្ចប់ការសាងសង់ ។
លោកបញ្ជាក់ថា ជាងនេះទៅទៀតផ្លូវដែកនេះនឹងជួយប្រជាពលរដ្ឋទាំងពីរក្នុងការធ្វើដំណើរទៅមកកាន់តែងាយស្រួល និងប្រសើរជាងមុន ។ យោងតាមផែនការផ្លូវដែកឡាវ-ចិននឹងបើកដំណើរការជាផ្លូវការនៅថ្ងៃទី ២ ខែធ្នូឆ្នាំ ២០២១ ។
គួរបញ្ជាក់ថា ការស្ថាបនាផ្លូវដែកឡាវ-ចិនបានចាប់ផ្តើមនៅថ្ងៃទី ២៥ ខែធ្នូឆ្នាំ ២០១៦ ។ មកដល់ពេលនេះហេដ្ឋារចនាសម្ព័ន្ធទាំងអស់សម្រាប់ផ្លូវដែកសម្រេចបាន ៩៩.៩ ភាគរយ ហើយសម្រាប់ការដាក់ផ្លូវដែករវាងខេត្ត Boten នៅព្រំដែនចិន និងវៀងចន្ទន៍គឺសម្រេចបាន ១០០ ភាគរយ ខណៈការងារដែលលេចធ្លោនៅពេលនេះគឺ ការសាងសង់បណ្តាញអគ្គិសនីមួយចំនួន ការបញ្ចប់ប្រព័ន្ធទំនាក់ទំនង និងការបញ្ចប់ស្ថានីយ៍ ដែលទាំងអស់នេះនឹងត្រូវបញ្ចប់នៅចុងឆ្នាំ ២០២១” ៕
ប្រែសម្រួលដោយ ៖ ជីវ័ន្ត
ប្រភព ៖ A24 News Agency
-
ព័ត៌មានជាតិ២ ថ្ងៃ ago
ផ្លូវកាត់ថ្មីតភ្ជាប់ពីខេត្តបាត់ដំបង មកសមុទ្រខេត្តកោះកុងសម្រេចបានជាង ៨០%
-
សន្តិសុខសង្គម១ ថ្ងៃ ago
ព័ត៌មានបឋម៖ ស្វាមីម្ចាស់ប្រេន Lakamo ត្រូវក្រុមចោរចូលចាប់ជម្រិត និងបាញ់សម្លាប់ដល់ក្នុងផ្ទះ
-
ជីវិតកម្សាន្ដ៤ ថ្ងៃ ago
កូនស្រីពៅតារាហុងកុង Michael បង្ហោះរូបអាក្រាតកាយសារជាថ្មី
-
ព័ត៌មានជាតិ៣ ថ្ងៃ ago
ស្អែក ថ្ងៃទី១០ ខែមេសា រូបសំណាកសេះសមុទ្ទ នឹងសម្ពោធជាផ្លូវការ
-
ព័ត៌មានអន្ដរជាតិ៥ ថ្ងៃ ago
ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន
-
ព័ត៌មានជាតិ២ ថ្ងៃ ago
ជនរងគ្រោះស្នាក់នៅមជ្ឈមណ្ឌលឱកាសខ្ញុំ ទទួលបានភាពសប្បាយរីករាយក្នុងពិធីសង្រ្កាន្តឆ្នាំថ្មី
-
សេដ្ឋកិច្ច១ សប្តាហ៍ ago
តូតាល់អេនើជី ខួប១០០ឆ្នាំ
-
ជីវិតកម្សាន្ដ៥ ថ្ងៃ ago
Carman Lee ត្រូវគេរើសអើង ពេលនៅលីវ និងគ្មានកូនដូចគេក្នុងអាយុ ៥៨ ឆ្នាំ