វីដេអូ ក្រុមតាលីបង់ ដង្ហែសម្ញែងអាវុធ រួមទាំងអាវកាក់បំផ្ទុះគ្រាប់បែកអត្តឃាត និងអួតអាងក្បាច់គុនរបស់យុទ្ធជន

ក្រុមតាលីបង់ បានបង្ហាញអាវកាក់និងគ្រាប់បែកធ្វើអត្តឃាត ក្នុងអំឡុងក្បួនដង្ហែអាវុធខណៈវីដេអូជាច្រើន បានបង្ហាញពីយុទ្ធជនរបស់ខ្លួន កំពុងបង្ហាញការប្រយុទ្ធខណៈក្រុមនេះ អបអរការដណ្តើមបានប្រទេស អាហ្វហ្គានីស្ថាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្បួនដង្ហែអាវុធ ដែលផ្សាយនៅលើកញ្ចក់ទូរទស្សន៍រដ្ឋអាហ្វហ្គានីស្ថាន បានបង្ហាញពីឧបករណ៍នានារួមទាំងអាវធ្វើអត្តឃាត គ្រាប់ IED និងគ្រាប់បែកក្នុងរថយន្ត។

ទន្ទឹមនឹងនេះ វីដេអូមិនធម្មតាមួយបានបង្ហាញពីយុទ្ធជនតាលីបង់សម្តែងក្បាច់គុន និងការប្រយុទ្ធ ដែលពួកគេវាយកម្ទេចចានដោយប្រើកណ្តាប់ដៃ និងឈុតឆាកប្រយុទ្ធបែបហូលីវូដ។

យុទ្ធជនមួយក្រុម បានដើរក្បួនជាមួយទង់ជាតិចក្រភពឥស្លាម មុនពេលយានយន្តផ្សេងៗដែលសណ្តោងអាវុធនិងគ្រាប់បែកផលិតដោយអាមេរិក បានមកតាមពួកគេ។

គ្រាប់បែកជាច្រើនប្រភេទ ក៏ត្រូវបានយកមកដង្ហែបង្ហាញអ្នកទស្សនាផងដែរ ហើយអាវុធនីមួយៗ មានដាក់ស្លាកបញ្ជាក់ពីប្រភេទ។

គួរបញ្ជាក់ថា ក្បួនដង្ហែរយៈពេល ៤០ នាទីនេះ បានធ្វើឡើងនៅចំពោះមុខមេដឹកនាំតាលីបង់ ដែលអង្គុយមើលពីទីតាំងបណ្តោះអាសន្នទល់មុខក្បួនបង្ហាញអាវុធ៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ទស្សនាវីដេអូ ប្រជាជនអាហ្វហ្គានីស្ថាន រត់ជាន់គ្នាស្លាប់នៅច្រកព្រំដែន ពេលសម្រុកចេញពីប្រទេស