ព័ត៌មានអន្ដរជាតិ
ជប៉ុនចេញផែនការឲ្យព្រះនាងរក្សាឋានៈនៅរាជវង្សទោះអភិសេកនឹងបុរសសាមញ្ញ
ផែនការមួយបានលេចលេញឡើងនៅក្នុងរដ្ឋាភិបាលជប៉ុនដើម្បីអនុញ្ញាតសមាជិករាជវង្សជាព្រះនាងម្ចាស់អាចរក្សាឋានៈនៅក្នុងព្រះរាជវង្សព្រះចៅអធិរាជជប៉ុន បើទោះជាពួកព្រះនាងបានរៀបអភិសេកជាមួយបុរសជារាស្ត្រសាមញ្ញ។ នេះបើយោងតាមប្រភពដែលដឹងរឿងបាននិយាយកាលពីថ្ងៃអាទិត្យ។
ច្បាប់បច្ចុប្បន្ននេះតម្រូវឲ្យព្រះនាងនៃព្រះញាតិរាជវង្សលះបង់ចោលឋានៈនៅរាជវាំងនៅពេលដែលព្រះនាងរៀបអភិសេសជាមួយបុគ្គលសាមញ្ញដែលជំរុញឲ្យរាជវង្សកាន់តែតូចទៅ។
ចំនួនសមាជិករាជវង្សនៃអធិរាជជប៉ុនដែលកំពុងធ្លាក់ចុះទទួលបានការចាប់អារម្មណ៍ជាថ្មីនៅមុនពេលអាពាហ៍ពិពាហ៍ត្រូវបានគេរំពឹងថានឹងរៀបចំនៅចុងឆ្នាំនេះរវាងព្រះនាង Mako ព្រះជន្ម២៩វស្សាដែលត្រូវជាព្រះភាគិនេយ្យា (ក្មួយស្រី) របស់ព្រះចៅអធិរាជ Naruhito ជាមួយមិត្តប្រុសរបស់ព្រះនាងដែលជាបុរសសាមញ្ញឈ្មោះ Kei Komuro។
ញាតិវង្សរបស់ព្រះចៅអធិរាជរាប់បញ្ចូលទាំងព្រះរាជវង្ស និងខ្សែស្រឡាយ៤របស់ព្រះចៅអធិរាជ។ ស្ថិតក្រោមច្បាប់ស្នងរាជ្យ ព្រះអនុជរបស់ព្រះនាង Mako គឺព្រះអង្គម្ចាស់ Hisahito ព្រះជន្ម១៥វស្សាស្ថិតនៅជួរលំដាប់ទី២នៃអ្នកស្នងរាជ្យបល្ល័ង្គ និងជាអ្នកស្នងមរតតែមួយគត់របស់ព្រះចៅអធិរាជ។
យោងតាមប្រភពឲ្យដឹងថា ផែនការនេះស្ថិតក្នុងរដ្ឋាភិបាលដែលមានបំណងរក្សាចំនួនខ្សែស្រឡាយស្តេចមិនឲ្យមានការផ្លាស់ប្តូរពីការរក្សាសមាជិករាជវង្សជាព្រះនាងអភិសេក ឬតាមរយៈទទួលយកមរតកព្រះអង្គម្ចាស់ពីអតីតខ្សែស្រឡាយនៃរាជវង្សដែលបានបោះបង់ឋានៈកាលពីឆ្នាំ១៩៤៧។
ប្រការនេះមានន័យថា ព្រះនាងម្ចាស់ Aiko ព្រះជន្ម១៩វស្សាជាបុត្រីមួយអង្គគត់របស់ព្រះចៅអធិរាជ Emperor Naruhito ព្រះជន្ម៦១វស្សា និងព្រះនាង Kako ព្រះជន្ម២៦វស្សា ដែលត្រូវជាព្រះអនុរបស់ព្រះនាង Mako និងបុត្រីនៃព្រះអនុរបស់ព្រះចៅអធិរាជព្រះអង្គម្ចាស់ Fumihito ព្រះជន្ម៥៥វស្សាទំនងជានឹងនៅរក្សាឋានៈនៅក្នុងព្រះញាតិវង្សដដែល បើទោះជាក្រោយពេលអភិសេកហើយក៏ដោយ។
ផែនការនេះក៏ពិចារណាអំពីការក្សាខ្សែស្រឡាយញាតិវង្សពីរផ្សេងទៀតដោយអនុញ្ញាតឲ្យព្រះនាងរក្សាឋានៈដដែល។
គោលបំណងនៃការរក្សាខ្សែស្រឡាយបច្ចុប្បបន្ននេះគឺដើម្បីបង្កើតបរិយាកាសដែលព្រះរាជវង្សព្រះចៅអធិរាជអាចគាំទ្រដល់ព្រះអង្គម្ចាស់ Hisahito ។
រដ្ឋាភិបាលបាននិយាយថា ខ្លួននឹងស្វែងរកធ្វើឲ្យប្រាកដថា ឆន្ទៈរបស់ព្រះរាជវង្សជាព្រះនាងនឹងទទួលបានការគោរពពេញលេញស្ថិតក្រោមផែនការ និងការសិក្សាពីលទ្ធភាពដោយប្រុងប្រយ័ត្ន។
ប្រភពរដ្ឋាភិបាលម្នាក់បាននិយាយថា ៖«ប្រសិនបើយើងមិនអាចធានាបាននូវចំនួនពិតប្រាកដនៃសមាជិកព្រះរាជវង្សដោយវិធីនេះ យើងនឹងមិនអាចមានសមាជិករាជវង្សគ្រប់គ្រាន់ដែលអាចគាំទ្រព្រះអង្គម្ចាស់ Hisahito បានទេ»៕
ប្រែសម្រួល៖ វីរបុត្រ
ប្រភព៖ kyodonews
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត