ព័ត៌មានអន្ដរជាតិ
លោកស្រី Takaichi នឹងក្លាយជានាយករដ្ឋមន្ត្រីស្រីជប៉ុនដំបូង បើឈ្នះការបោះឆ្នោតក្នុងបក្ស
អតីតរដ្ឋមន្ត្រីក្រសួងកិច្ចការផ្ទៃក្នុង លោកស្រី Sanae Takaichi គ្រោងប្រកាសដើម្បីប្រកួតប្រជែងក្នុងការបោះឆ្នោតក្នុងគណបក្សកាន់អំណាច ដូច្នេះប្រសិនបើទទួលបានជោគជ័យមានន័យថា លោកស្រីនឹងក្លាយជានាយករដ្ឋមន្ត្រីស្ត្រីលើកដំបូងរបស់ប្រទេសជប៉ុន។ ការិយាល័យរបស់លោកស្រីបាននិយាយនៅថ្ងៃពុធ ទី៨ ខែកញ្ញានេះ។
តាមការផ្សាយរបស់សារព័ត៌មានក្នុងស្រុកថា លោកស្រី Takaichi ទទួលបានការគាំទ្រពីអតីតនាយករដ្ឋមន្ត្រី Shinzo Abe ហើយលោកស្រីនឹងផ្តោតលើបញ្ហាប្រឈមជាមួយនឹងការគំរាមកំហែងបច្ចេកវិទ្យារបស់ប្រទេសចិន និងជួយពង្រឹងសេដ្ឋកិច្ចដែលញាំញីដោយវិបត្តិកូវីដ-១៩។
គណបក្សប្រជាធិបតេយ្យសេរី (LDP)ដែលកំពុងកាន់អំណាចរបស់ជប៉ុននឹងរៀបចំការបោះឆ្នោតជ្រើសរើសមេដឹកនាំនៅថ្ងៃទី២៩ ខែកញ្ញា ខាងមុខនេះ បន្ទាប់ពីលោកនាយករដ្ឋមន្ត្រី Yoshihide Suga បានប្រកាសចុះចេញពីតួនាទីកាលពីថ្ងៃសុក្រ សប្តាហ៍មុន។ អ្នកដែលទទួលបានជ័យជម្នះពីការបោះឆ្នោតត្រូវបានធានាថា នឹងក្លាយជានាយករដ្ឋមន្ត្រីបន្ទាប់។
រហូតដល់ពេលនេះមានតែអតីតរដ្ឋមន្ត្រីក្រសួងការបរទេសសំដីស្រទន់លោក Fumio Kishida ដែលបានប្រកាសពីការប្រកួតប្រជែង ប៉ុន្តែរដ្ឋមន្ត្រីទទួលបន្ទុកវ៉ាក់សាំងកូវីដ-១៩ដ៏ល្បីល្បាញលោក Taro Kono និងលោកស្រី Takaichi ក៏បានបង្ហាញពីមហិច្ឆតាដើម្បីប្រកួតប្រជែងដែរ។
លោកស្រី Takaichi អាយុ៦០ឆ្នាំបានក្លាយជារដ្ឋមន្ត្រីកិច្ចការផ្ទៃក្នុងដំបូងគេនៅក្នុងរដ្ឋបាលនាយករដ្ឋមន្ត្រី Abe អាណត្តិទី២កាលពីឆ្នាំ២០១៤។
ប៉ុន្តែសូម្បីតែប្រព័ន្ធផ្សព្វផ្សាយក្នុងស្រុកក៏បានផ្សាយថា ឥទ្ធិពលរបស់លោក Abe ស្ថិតនៅពីក្រោយ និងគាំទ្រដល់លោកស្រី Takaichi ដូច្នេះអាចនឹងជួយឲ្យលោកស្រីទទួលបានការគាំទ្រពីសមាជិកសភា២០រូបដែលត្រូវការ។ យ៉ាងណាលោកស្រីមានកម្រិតប្រជាប្រិយភាពទាបដែលអាចធ្វើឲ្យឱកាសរបស់លោកស្រីបាត់បង់៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានអន្ដរជាតិ៤ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
KPT+៣ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ចរាចរណ៍៦ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ២ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ចរាចរណ៍៧ ថ្ងៃ ago
មន្ត្រីសុរិយោដីម្នាក់ស្រវឹងបើករថយន្ត ឡើងសួនច្បារ ខណៈវាស់ជាតិអាល់កុលឃើញ១.៥៥mg/L