ព័ត៌មានអន្ដរជាតិ
អ៊ីស្រាអែល ជោគជ័យជាមួយការចាក់វ៉ាក់សាំងដូសជំរុញ ដោយអត្រាឆ្លងកូវីដ ធ្លាក់ចុះយ៉ាងគំហុក
ការឆ្លងកូវីដនៅអ៊ីស្រាអែល កំពុងធ្លាក់ចុះយ៉ាងខ្លាំងបន្ទាប់ពីប្រទេសនេះ បើកយុទ្ធនាការចាក់វ៉ាក់សាំងដូសជំរុញទ្រង់ទ្រាយធំ ខណៈអត្រាបញ្ជូនចូលព្យាបាលនៅមន្ទីរពេទ្យនិងស្លាប់ ក៏កំពុងចាប់ផ្តើមធ្លាក់ចុះផងដែរ។
តួលេខដែលចងក្រងដោយក្រុមស្រាវជ្រាវ Our World in Data គាំទ្រដោយសាកលវិទ្យាល័យ Oxford បានបង្ហាញថា ករណីប្រចាំថ្ងៃជាមធ្យមរបស់អ៊ីស្រាអែល បានធ្លាក់ចុះក្នុងរយៈពេល៤ថ្ងៃចុងក្រោយនេះ បន្ទាប់ពីឡើងដល់ជាង ១០,០០០ករណី កាលពីថ្ងៃទី៣ខែកញ្ញា បើទោះបីជាកុមារវិលត្រឡប់ទៅសាលារៀនវិញក៏ដោយ។
មនុស្សសរុប ៤,៦៣២នាក់ បានធ្វើតេស្តិ៍វិជ្ជមានកាលពីថ្ងៃអាទិត្យ ពោលគឺធ្លាក់ចុះ២០ភាគរយ បើធៀបទៅនឹងសប្តាហ៍មុនដែលមាន ៥,៨០៩នាក់ហើយ អត្រាជាមធ្យម៧ថ្ងៃរបស់ប្រទេសនេះ បច្ចុប្បន្នគឺប្រហែល៧,៣០០ករណី ធ្លាក់ចុះពីជិត៨,០០០ករណី កាលពីសប្តាហ៍មុន។
ការចូលសម្រាកព្យាបាលនៅមន្ទីរពេទ្យប្រចាំសប្តាហ៍ ក៏បានធ្លាក់ចុះ១៧ភាគរយផងដែរ ក្នុងរយៈពេល៧ថ្ងៃ គិតត្រឹមថ្ងៃទី៥ខែកញ្ញា ខណៈការស្លាប់ជាមធ្យមនៅតែមានកម្រិតដូចគ្នាពីមួយសប្តាហ៍ទៅមួយសប្តាហ៍ ប៉ុន្តែបន្តធ្លាក់ចុះ។
អ៊ីស្រាអែល ត្រូវបានគេចាត់ទុកថាជាចំណុចផ្ទុះកូវីដរបស់ពិភពលោក ដោយមានអត្រាឆ្លងខ្ពស់បំផុតលើប្រទេសណាណាទាំងអស់ កាលពី៦ថ្ងៃមុន។
អ៊ីស្រាអែល បានចាប់ផ្តើមយុទ្ធនាការចាក់វ៉ាក់សាំងដូសទីបី ដល់មនុស្សគ្រប់រូបដែលមានអាយុលើសពី៦០ឆ្នាំនៅក្នុងខែកក្កដា ហើយបានពង្រីកដល់មនុស្សគ្រប់រូបដែលមានអាយុលើសពី១២ឆ្នាំនៅចុងខែសីហា ដែលរឿងនេះត្រូវអ្នកវិទ្យាសាស្ត្រអ៊ីស្រាអែលនិយាយថា ជំរុញឲ្យមានការធ្លាក់ចុះនាពេលថ្មីៗនេះ។
គួរបញ្ជាក់ថា គិតត្រឹមពេលនេះ មនុស្សជាង២.៦លាននាក់នៅក្នុងប្រទេសអ៊ីស្រាអែល បានទទួលវ៉ាក់សាំងដូសទី៣៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ សិស្សសាលានៅ ក្រុងបាងកក មានជំងឺរ៉ាំរ៉ៃ ៧ ប្រភេទនេះនឹងទទួលការចាក់វ៉ាក់សាំង Pfizer ចុងខែនេះ
-
ព័ត៌មានអន្ដរជាតិ៤ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៤ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៣ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
KPT+៣ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៦ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ២ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ចរាចរណ៍១ សប្តាហ៍ ago
មន្ត្រីសុរិយោដីម្នាក់ស្រវឹងបើករថយន្ត ឡើងសួនច្បារ ខណៈវាស់ជាតិអាល់កុលឃើញ១.៥៥mg/L
-
សន្តិសុខសង្គម២ ថ្ងៃ ago
សមត្ថកិច្ចដាក់ការសង្ស័យ ករណីឃាតកម្មប្លន់សម្លាប់ស្ត្រីអ្នកលក់ទឹកត្នោតយកលុយជាង ៣ លានរៀល