ព័ត៌មានអន្ដរជាតិ

នាយករដ្ឋមន្ត្រីបញ្ឈប់អនុរដ្ឋមន្ត្រី២រូបពាក់ព័ន្ធនឹងគម្រោងទម្លាក់លោក

បានផុស

៣ years មុន

នៅ

ថ្ងៃសុក្រ ១០ កញ្ញា ២០២១

ដោយ

លោកនាយករដ្ឋមន្ត្រីថៃ ប្រាយុទ្ធ ចាន់អ៊ូចា បានបណ្តេញចេញញអនុរដ្ឋមន្ត្រីក្រសួងកសិកម្មលោក Thamanat Prompow និងអនុរដ្ឋមន្ត្រីក្រសួងការងារលោកស្រី Narumon Pinyosinwat ដែលបុគ្គលសំខាន់ទាំងពីរនៅក្នុងគណបក្សកាន់អំណាចជាមួយគ្នាតាមអ្វីដែលត្រូវបានជឿជាប់ពាក់ព័ន្ធផែនការដែលគ្រោងទម្លាក់នាយករដ្ឋមន្ត្រីកាលពីសប្តាហ៍មុន។

លោក Thamanat Prompow ជាអគ្គលេខាធិការបក្ស Palang Pracharath (PPRP) ខណៈលោកស្រី Narumon Pinyosinwat ជាអតីតអ្នកនាំពាក្យរដ្ឋាភិបាលរបស់លោក ប្រាយុទ្ធ និងត្រូវបានតែងតាំងជាអនុរដ្ឋមន្ត្រីក្រសួងការងារកាលពីខែសីហា ឆ្នាំមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបណ្តេញចេញត្រូវបានគេរំពឹងថា នឹងនាំឲ្យមានការប្រែប្រួលបន្ថែមទៀតសម្រាប់កៅអីរដ្ឋមន្ត្រីក្នុងជួរគណៈរដ្ឋមន្ត្រី និងនៅបក្ស PPRP។

ការបញ្ជាដកតំណែងលោក Thamanat និងលោកស្រី Narumon ដែលគាំទ្រដោយព្រះមហាក្សត្រត្រូវបានប្រកាសនៅ Royal Gazette កាលពីថ្ងៃព្រហស្បតិ៍ម្សិលមិញ។ ចំណាត់ការនេះបានកើតឡើង បន្ទាប់ពីមានផែនការមួយដែលត្រូវបានចោទប្រកាន់ថាមានគម្រោងទម្លាក់លោក ប្រាយុទ្ធ ចេញពីតំណែងតាមការបោះឆ្នោតមិនទុកចិត្តមួយប្រឆាំងនឹងលោកនាយករដ្ឋមន្ត្រីដែលមានការជជែកដេញដោលគ្នាយ៉ាងខ្លាំងកាលពីសប្តាហ៍មុន។

សេចក្តីប្រកាសបានលើកឡើងថា ៖«លោកនាយករដ្ឋមន្ត្រីបានក្រាបបន្ទូលទៅព្រះមហាក្សត្រដែលមានរដ្ឋមន្ត្រីខ្លះត្រូវដកចេញពីគណៈរដ្ឋមន្ត្រីសម្រាប់ភាពត្រឹមត្រូវ និងផលប្រយោជន៍រដ្ឋបាល»។

សេចក្តីប្រកាសបានចេញមិនយូរប៉ុន្មាន បន្ទាប់ពីលិខិតលាឈប់មួយចុះហត្ថលេខាដោយលោក Thamanat បានលេចចេញតាមអនឡាញកាលពីថ្ងៃព្រហស្បតិ៍។ ទោះយ៉ាងណានៅក្នុងលិខិតលាឈប់នោះមិនបញ្ជាក់ពីមូលហេតុឡើយ។

លោក Thamanat ត្រូវបានចោទប្រកាន់ពីបទចូលរូមយុទ្ធនាការណ៍បណ្តេញនាយករដ្ឋមន្ត្រី ដែលត្រូវចោទប្រកាន់ពាក់ព័ន្ធនឹងសមាជិកគណបក្សកាន់អំណាច PPRP ចំនួនចូលដៃជាមួយអ្នកនយោបាយផ្សេង និងបក្សប្រឆាំងដែលមានបក្សធំ Pheu Thai ជាដើម។

បន្ទាប់ពីដកដំណែងខាងលោក គណបក្ស PPRP ក៏ទំនងជាតែងតាំងអនុរដ្ឋមន្ត្រីក្រសួងហិរញ្ញវត្ថុលោក Santi Promphat ជំនួសលោក Thamanat ជាអគ្គលេខាធិការបក្ស។ នេះបើតាមប្រភពបានឲ្យដឹង៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ