ព័ត៌មានអន្ដរជាតិ
ខាននិយាយគ្នា៧ខែ ជួបគ្នាលើកនេះ ចូ បៃដិន និងស៊ី ជីនពីង លើកឡើងបញ្ហាអ្វីខ្លះ?
ប្រធានាធិបតីអាមេរិកលោក ចូ បៃដិន បាននិយាយទូរស័ព្ទជាមួយមេដឹកនាំចិន លោក ស៊ី ជីនពីង កាលពីថ្ងៃព្រហស្បតិ៍ដែលនេះជាលើកទី២ ចាប់តាំងពីលោក បៃដិន ឡើងកាន់តំណែងហើយវាជាលើកទី២ ក្នុងរយៈពេល៧ខែចាប់តាំងពីជួបគ្នាលើកមុន។
រឿងនេះត្រូវបានគេមើលឃើញថា ជាការប៉ុនប៉ងផ្តួចផ្តើមដោយសហរដ្ឋអាមេរិកដើម្បីធ្វើឲ្យទំនាក់ទំនងមានស្ថិរភាពនិងលួងលោមទីក្រុងប៉េកាំង ឲ្យមកចូលរួមជាមួយខ្លួនចំពេលការប្រកួតប្រជែងកាន់តែស៊ីជម្រៅ។
ប្រទេសដែលមានសេដ្ឋកិច្ចធំជាងគេទាំងពីរនៅលើពិភពលោក បានជាប់គាំងនៅក្នុងការប្រឈមមុខដាក់គ្នាដោយសារការខ្វែងគំនិតគ្នាយ៉ាងខ្លាំងលើបញ្ហានានារួមមានពាណិជ្ជកម្ម បច្ចេកវិទ្យានិងសិទ្ធិមនុស្សជាដើម។ នោះបានធ្វើឲ្យទំនាក់ទំនងនិងកិច្ចសហប្រតិបត្តិការរវាងទីក្រុងវ៉ាស៊ីនតោននិងប៉េកាំង ធ្លាក់ចុះដុនដាប។
សេតវិមានបាននិយាយនៅក្នុងសេចក្តីថ្លែងការណ៍មួយថា លោកបៃដិននិងលោកស៊ី មានកិច្ចពិភាក្សាជាយុទ្ធសាស្ត្រដ៏ទូលំទូលាយ។ អ្នកទាំងពីរបានពិភាក្សាអំពីតំបន់ដែលផលប្រយោជន៍រួមគ្នា និងតំបន់ដែលផលប្រយោជន៍ខុសគ្នា។ អ្នកទាំងពីរក៏បានយល់ព្រមចូលរួមលើបញ្ហានានាដោយបើកចំហនិងដោយត្រង់ផងដែរ។
រដ្ឋបាលលោកបៃដិននិយាយថា សហរដ្ឋអាមេរិកស្វាគមន៍ការប្រកួតប្រជែងជាមួយចិន ប៉ុន្តែចង់សហការក្នុងវិស័យដែលមានផលប្រយោជន៍រួមដូចជាការប្រែប្រួលអាកាសធាតុជាដើម។ ចំណែកមន្រ្តីចិននិយាយថា វាមិនសមហេតុផលទេដែលត្រូវរំពឹងថា សហរដ្ឋអាមេរិក នឹងមានកិច្ចសហប្រតិបត្តិការខណៈខ្លួនកំពុងចាត់វិធានការដែលទីក្រុងប៉េកាំងមើលឃើញថាកំពុងធ្វើឲ្យប៉ះពាល់ដល់ផលប្រយោជន៍របស់ចិន។
មេដឹកនាំទាំងពីរក៏បានពិភាក្សា អំពីទំនួលខុសត្រូវរបស់ប្រជាជាតិទាំងពីរ ដើម្បីធានាថាការប្រកួតប្រជែងមិនឈានទៅរកជម្លោះផងដែរ៕
ប្រែសម្រួល៖ Vann Vann
ប្រភព៖ NPR
ចុចអាន៖ ប្រទេសកំពុងអភិវឌ្ឍមានសង្ឃឹមហើយ ក្រោយ ចិន ប្រកាសបរិច្ចាគវ៉ាក់សាំងកូវីដ ១០០ លានដូសបន្ថែមទៀត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង