ព័ត៌មានអន្ដរជាតិ
តាលីបង់ ប្រកាសច្បាប់ថ្មី សម្រាប់សិស្សនិស្សិតស្រី
ក្រុមតាលីបង់និយាយថា បណ្តាសាកលវិទ្យាល័យអាហ្វហ្គានីស្ថាន នឹងញែកដាច់ពីគ្នារវាងនិស្សិតស្រីនិងប្រុស ហើយច្បាប់សម្លៀកបំពាក់ថ្មីនឹងត្រូវបានណែនាំ។
រដ្ឋមន្ត្រីក្រសួងអប់រំជាន់ខ្ពស់លោក Abdul Baqi Haqqani បានបញ្ជាក់ថា ស្ត្រីនឹងត្រូវបានអនុញ្ញាតឲ្យចូលរៀនប៉ុន្តែមិនឲ្យនៅជាមួយបុរសទេ។
លោកក៏បានប្រកាសពីការពិនិត្យឡើងវិញ លើមុខវិជ្ជាដែលសិស្សនឹងត្រូវបង្រៀនផងដែរ។
ស្ត្រីនិងក្មេងស្រី ត្រូវបានហាមឃាត់មិនឲ្យចូលសាលារៀននិងសាកលវិទ្យាល័យ ក្រោមការគ្រប់គ្រងរបស់ក្រុមតាលីបង់ចន្លោះឆ្នាំ ១៩៩៦ ដល់ ២០០១។
ក្រុមតាលីបង់និយាយថា ពួកគេនឹងមិនរារាំងស្ត្រីពីការទទួលបានការអប់រំឬមានការងារធ្វើឡើយ។ ប៉ុន្តែចាប់តាំងពីពួកគេដណ្តើមបានការគ្រប់គ្រងនៅថ្ងៃទី១៥ខែសីហាមក ពួកគេបានស្នើសុំស្ត្រីទាំងអស់លើកលែងតែអ្នកនៅក្នុងវិស័យសុខាភិបាលសាធារណៈប៉ុណ្ណោះ កុំទៅធ្វើការងារ រហូតដល់ស្ថានភាពសន្តិសុខប្រសើរឡើងវិញ។
អ្នកខ្លះបានលើកឡើងថា ច្បាប់ថ្មីនេះនឹងដកស្ត្រីចេញពីការអប់រំ ព្រោះសាកលវិទ្យាល័យមិនមានធនធានដើម្បីផ្តល់ថ្នាក់រៀនដាច់ដោយឡែកពីគ្នានោះទេ។ ទោះបីជាយ៉ាងណាក៏ដោយ លោក Haqqani បានទទូចថា មានគ្រូបង្រៀនស្រីគ្រប់គ្រាន់ហើយថា ពួកគេនឹងអាចរកឃើញជម្រើស។
លោកនិយាយថា “គ្រប់យ៉ាងគឺអាស្រ័យលើសមត្ថភាពរបស់សាកលវិទ្យាល័យ។ យើងក៏អាចប្រើគ្រូប្រុស ដើម្បីបង្រៀនពីក្រោយវាំងននឬប្រើបច្ចេកវិទ្យាផងដែរ”។
ក្មេងស្រីនិងក្មេងប្រុស ក៏នឹងត្រូវញែកពីគ្នាចេញនៅតាមសាលាបឋមនិងអនុវិទ្យាល័យផងដែរ។
ស្ត្រីនឹងត្រូវតម្រូវឲ្យពាក់សម្លៀកបំពាក់បិទជិត hijab បើទោះបីជាលោក Haqqani មិនបានបញ្ជាក់ថាតើការបិទបាំងមុខបន្ថែមនឹងត្រូវបានបង្ខំដែរឬអត់ក៏ដោយ៕
ប្រែសម្រួល៖ Vann Vann
ប្រភព៖ BBC
ចុចអាន៖ ចលនាតស៊ូ អាហ្វហ្គានីស្ថាន បញ្ជាក់ច្បាស់ថា ការប្រយុទ្ធជាមួយ តាលីបង់ មិនទាន់ចប់ទេ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ