ព័ត៌មានអន្ដរជាតិ
ក្នុងចំណោមអ្នកចាក់វ៉ាក់សាំងពេញកម្រស្លាប់ដោយកូវីដណាស់
អ្នកចាក់វ៉ាក់សាំងពេញមានហានិភ័យនៃការស្លាប់ដោយកូវីដ-១៩តិចណាស់គឺតិចជាងអ្នកចាក់មួយដូស ឬអ្នកមិនទាន់ចាក់ឆ្ងាយណាស់។ នេះបើយោងតាមការិយាល័យស្ថិតិជាតិ (ONS)អង់គ្លេសបានបង្ហាញ។
ក្នុងចំណោមអ្នកស្លាប់ដោយកូវីដជាង៥១០០០នាក់នៅប្រទេសអង់គ្លេសចន្លោះខែមករា និងខែកក្កដា ឆ្នាំ២០២១ មានតែ២៥៦នាក់ប៉ុណ្ណោះដែលបានស្លាប់ បន្ទាប់ពីបានចាក់ទាំងពីរដូស។ ពួកគាត់ជាមនុស្សដែលមានហានិភ័យខ្ពស់ពីជំងឺកូវីដ-១៩ថែមទៀតផង។
ការិយាល័យស្ថិតិជាតិបាននិយាយថា ទិន្នន័យបានបង្ហាញពីកម្រិតការពារខ្ពស់របស់វ៉ាក់សាំងប្រឆាំងមិនឲ្យឈឺធ្ងន់ និងស្លាប់។
ករណីស្លាប់ខ្លះក្រោយពេលចាក់វ៉ាក់សាំងរួចហើយតែងតែត្រូវបានគេគិតថា ដោយសារតែវ៉ាក់សាំងមិនទាន់មានប្រសិទ្ធភាព១០០% ប៉ុន្តែការវិភាគនេះបង្ហាញថា ករណីបែបនេះកម្រកើតមានណាស់។
ការស្លាប់ដោយសារកូវីដឆ្លងទម្លុះវ៉ាក់សាំងភាគច្រើនបំផុតកើតមានចំពោះមនុស្សដែលងាយរងគ្រោះដោយកូវីដបំផុត បុរស និងអ្នកដែលមានប្រព័ន្ធភាពស៊ាំចុះខ្សោយស្រាប់ដែលជាមធ្យមអាយុ៨៤ឆ្នាំ។
ប៉ុន្តែចំនួនជាទូទៅគឺទាបណាស់។ ពួកគេអាចប្រមាណតែ០.៥%ប៉ុណ្ណោះនៃការស្លាប់ដោយកូវីដ-១៩ក្នុងរយៈពេល៦ខែដំបូងកាលពីដើមឆ្នាំនេះ។
ការស្លាប់ពីការឆ្លងទម្លុះវ៉ាក់សាំងជាករណីដែលជាប់ពាក់ព័ន្ធនឹងកូវីដ-១៩ដែលបានកើតឡើងចំពោះនរណាម្នាក់ដែលបានចាក់វ៉ាក់សាំងពេញទាំងពីរដូស ហើយធ្វើតេស្តវិជ្ជមានហោចណាស់១៤ថ្ងៃ បន្ទាប់ពីចាក់វ៉ាក់សាំងដូសទី២។
អ្នកស្រី Julie Stanborough ធ្វើការនៅ ONS បានលើកឡើងថា ៖«ការវិភាគថ្មីរប់យើងបង្ហាញថា មានមនុស្សស្លាប់ដោយសារកូវីដ-១៩ បើទោះជាបានចាក់វ៉ាក់សាំងរួចទាំងពីរដូសហើយ»។
«ប៉ុន្តែ យើងក៏រកឃើញថា ហានិភ័យនៃការស្លាប់ដោយកូវីដទាបណាស់ក្នុងចំណោមអ្នកដែលបានចាក់វ៉ាក់សាំងរួចរាល់ហើយ ធៀបនឹងអ្នកដែលមិនទាន់ចាក់វ៉ាក់សាំង»។
ក្នុងចំណោមអ្នកដែលបានស្លាប់បន្ទាប់ពីចាក់ទាំងពីរដូសគឺរកឃើញថា ១៣%ជាអ្នកដែលមានភាពស៊ាំចុះខ្សោយ ៦១%ជាបុរស និងជាង៧៥%ជាមនុស្សដែលងាយរងគ្រោះថ្នាក់ខ្លាំង៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ