ព័ត៌មានអន្ដរជាតិ
រកឃើញវ៉ាក់សាំង ខ្លាំងជាងគេ ប្រឆាំងកូវីដបំប្លែងខ្លួន Delta
វ៉ាក់សាំងការពារជំងឺកូវីដ-១៩ គឺមានប្រសិទ្ធភាពទប់ស្កាត់ការចូលព្យាបាលក្នុងមន្ទីរពេទ្យនិង ការបញ្ជូនទៅសង្គ្រោះបន្ទាន់ ដែលបណ្តាលមកពីវីរុសកូវីដ-១៩ បំប្លែងខ្លួន Delta។ នេះបើយោងតាមការសិក្សារបស់សហរដ្ឋអាមេរិក។
ការស្រាវជ្រាវដែលប្រើទិន្នន័យជាតិ ក៏បានបង្ហាញផងដែរថា វ៉ាក់សាំងរបស់ក្រុមហ៊ុន Moderna មានប្រសិទ្ធភាពប្រឆាំង Delta ជាងវ៉ាក់សាំង Pfizer និង Johnson & Johnson។
អ្នកនិពន្ធការសិក្សាលោក Shaun Grannis អនុប្រធានផ្នែកទិន្នន័យនិងវិភាគនៅវិទ្យាស្ថាន Regenstrief សហរដ្ឋអាមេរិក បាននិយាយថា “ទិន្នន័យជាក់ស្តែងទាំងនេះបង្ហាញថា វ៉ាក់សាំងនៅតែមានប្រសិទ្ធភាពខ្ពស់ ក្នុងការកាត់បន្ថយការចូលមន្ទីរពេទ្យនិងការសង្គ្រោះបន្ទាន់ ទាក់ទងនឹងជំងឺកូវីដ-១៩ ថ្វីបើមានវត្តមានវីរុសកូវីដបំប្លែងខ្លួនថ្មីក៏ដោយ”។
លោក Grannis បាននិយាយនៅក្នុងសេចក្តីថ្លែងការណ៍មួយថា “យើងសូមផ្តល់អនុសាសន៍យ៉ាងខ្លាំងចំពោះការចាក់វ៉ាក់សាំង សម្រាប់អ្នកដែលមានសិទ្ធិកាត់បន្ថយជំងឺធ្ងន់ធ្ងរនិងជួយសម្រួលដល់ប្រព័ន្ធថែទាំសុខភាពរបស់យើង”។
អ្នកនិពន្ធបានកត់សម្គាល់ថា បណ្តាញ VISION របស់មជ្ឈមណ្ឌលគ្រប់គ្រងនិងបង្ការជំងឺ (CDC) បានវិភាគលើអ្នកជំងឺជាង ៣២,០០០នាក់ មកពីរដ្ឋចំនួន៩ ក្នុងកំឡុងខែមិថុនា ខែកក្កដានិងសីហាឆ្នាំ ២០២១ នៅពេលវីរុសបំប្លែងខ្លួន Delta បានក្លាយជាមេរោគលេចធ្លោ។
នៅក្នុងកំឡុងពេលសិក្សានេះ វ៉ាក់សាំង Moderna មានប្រសិទ្ធភាព៩៥ភាគរយ ក្នុងការទប់ស្កាត់ការចូលមន្ទីរពេទ្យ ក្នុងចំណោមមនុស្សដែលមានអាយុចាប់ពី ១៨ ឆ្នាំឡើងទៅ។
ចំណែកវ៉ាក់សាំង Pfizer មានប្រសិទ្ធភាព ៨០ ភាគរយខណៈ Johnson & Johnson មានប្រសិទ្ធភាព ៦០ ភាគរយក្នុងការទប់ស្កាត់ការចូលមន្ទីរពេទ្យ ក្នុងចំណោមមនុស្ស មានអាយុចាប់ពី ១៨ ឆ្នាំឡើងទៅ។
នៅពេលនិយាយអំពីការទប់ស្កាត់ការបញ្ជូនទៅសង្គ្រោះបន្ទាន់វិញ ការវិភាគបានបង្ហាញថា វ៉ាក់សាំង Moderna មានប្រសិទ្ធភាព៩២ភាគរយ Pfizer មានប្រសិទ្ធភាព៧៧ភាគរយ ខណៈ Johnson & Johnson មានប្រសិទ្ធភាព៦៥ភាគរយ៕
ប្រែសម្រួល៖ Vann Vann
ប្រភព៖ NDTV
ចុចអាន៖ នេះ ប្រសិទ្ធភាពរបស់វ៉ាក់សាំង Sinovac ប្រឆាំងកូវីដបំប្លែងខ្លួន Delta
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ